للنســــــــــــــــــــــاء فقـــــــــــــــــــــــــــط

[أم عبد النور]

المشاركة الأصلية كتبت بواسطة الواثق

هو يرجع الامر للرجل فان كان ذو خلق ودين ولديه المقدرة على الاعالة والافضل يكون لديه سكن خاص لكي فاين المشكلة ..................انا لو نكون على مقدرة وعندي سكن خاص زيادة على سكن زوجتي الاولى فسأتزوج الثانية اذا قصرت الاولى .....................على بالي الاولى تولي تدعيلي بالفقر لكي لا افكر في الثانية ههههههه واذا كانت دعوتها مستجابة فهي كنز وان الظالم بتفكيري في الثانية

اللهم ارزقنا الزوجة الصالحة

أنا شخصيا لا أقبل والحمد لله زوجي ليسوا من محبيي تعدد

ولكن تعرفوا علاش نساء ميرضوش بزوجة ثانية خلينا من الغيرة

وأنانية لانهن متأكدات أن الزوج لن يعدل أبدا أنا مزال ما سمعتش

أو شفت زوج لزوجتين وعادل بل نشوف سمح في ولادوا ومرتو الأولى

وعايش مع ثانية وعاطيها كل شيئ ماله حبه اهتمامه ووقته على حساب الأول

وأولاده أنا شفت عدل بين الزوجات في مسلسل عائلة حاج متولي فقط ههههه

[aldorrah]

اضن ان الرجل الذي يتزوج مرتين سيضيع كثيرا في تربية الأولاد والاستقرار الأسري لأننا في زمان أصعب مما كنا عليه الا من لم تنجب له زوجته اولادا فذلك معذور

[شموخ امرأة]

اأنامعاكم يا اخواتي لكن الرجال لهم وجهت نظر اخرى يحبون التغير و التجديد مهما كانت الزوجة جميلة و متجدد الا انها اصبحت كبيرة في نظره و ورقة مكشوفة امامه حتى ولو لم يصرح بذلك

[عآشقة غزه]

لا قبلي لا بعدي نحب نكون انا الوحيدة

[nouraat]

c'est normale ou est le probleme

[شموخ امرأة]

الى: عاشقة غزه شكون قالك يا حنونتي انا حاب يكون لي شريك انا كي لفريك مانحب شريك

[ام ساجد]

السلام والله يااخواتي انا راح نهدر معاكم عن تجربة
انا متزوجة والحمد لله عندي اولاد ولاباس وعندي اختي اكبر مني
ماشي مزوجة وخطبها واحد مزوج وسقستني على رايي انا طول قلتلها لا لا لا
مزوج مستحيل وتنرفزت منها وقلتلها انساي الموضوع قاتلي خلاص مي قاتلي كلمة
قاتلي انت تزوجتي وجبتي ولاد وانا ......
بعد مدة بقى كلامها في راسي وحسيت اني تعرضت لسعادتها علما انها كبيرة في العمر 40سنة
يعني ما عندهاش فرصة اخرى وقلت في راسي هو مزوج بيها ولا بوحدة اخرى مادام عند فكرة
ان يعاود الزواج ايبا هي اولى وش رايكم دبرو عليا وش ندير مع اني انا نرفض ان زوجي يزوج عليا مي كاين ساعات ظروف لي تحكمنا ما نقدر ندير والو ربي يفرج على الناس الكل انشاءالله
درك انت يا ام عبد اللطيف مالقيتي ماديري حليت هدا الموضوع لالا نتمسخر عليك ونتمنى لو الرجال يشارك في هدا الموضوع بش نعرف رايهم وكيفاش يفكر

[~ام ~م~خ~أ~]

المشاركة الأصلية كتبت بواسطة ام عبد اللطيف

الى: عاشقة غزه شكون قالك يا حنونتي انا حاب يكون لي شريك انا كي لفريك مانحب شريك

السلام عليكم
يا لفريك ديري في بالك أن الرجل إدا فكر في زوجة ثانية ماراحش ينتظر رأيك و إذا مادارش امراة أخرى في الحلال رايح يديرها في الحرام....وزيد في الحلال يقدر يدير واحدة او أربعة أما في الحرام فيقدر يدير أربعين بدل الأربعة

[fella food art]

nooooooooooooooooooooo

[رقة قلب]

هو في الحقيقة لوكان نشوفو منظور الدين في موضوعك الله حلل للرجل 4 نساء و حنا ما نجوش خير من سيدة خديجة و عائشة اللي كانو من بين 11 زوجة و هي ظروف كاين وين تقبلي كيما قالت الاخت الكريمة لي تقول لا اكيد تكون ما جاوزتش سن 30 او ما فوق على هادي لي تشوف روحها صغيرة و ما تقبل حتى وحدة تشاركها في زوجها و الله يعلم و نحن لا نعلم

[مـلكـة آلآحـسـآسـ]

لآلآ بـعـيــد آلشــر عـليـآ
ـؤعـلى كـآمـل آلبـنـآتـ

[achwak.1993]

أكيد لا
لأني لا أستطيع أن أكون سبب بكاء و تعاسة امرأة أخرى

[شموخ امرأة]

ا
لي قالت ماراناش خير من السيد ة خديجة و.امهات المؤمنين .............................هذاك سيد الخق محمد صلى الله عليه وسلم

[مريم الصابرة]

السلام عليكم فالحقيقة موضوع مهم وسؤال مهم ولازم هقل كبير ورجاحة صدر نا نقبل في حالة ما إذا كانت زوجتو الأولى لا تنجب ونتاكد من ذلك لأانو ما نظلمش ولية ونكون ضرة ليها ونفس الحالة لو نكون أنا الزوجة الأاولى ممكن ما نجيبش اولاد حرام عليا نحرمو من نعمة الأبوة على جال غيرة نسا وكان تزوجتو عن حب وعارفاتو مخلص ومحترم ودايرلي واش نحب عادي يتزوج ويولد ولادو وانا نربيهم مع مرتو وين المشكل عادي شكرا وبارك الله فيك

[شموخ امرأة]

أشكرك أختي مريم الصابرة على هذه المشارك القيمة معاك حق حتى انا لو ما عنديش اولاد نزوجه وحدي حرام نحرمه من الاولاد