الكريب روعة ديسار خفيف في رمضان

omiyad49 · 2013-07-12, 13:13

150غ فرينة كاس ونصف و2بيضات و2 مغارف كبار زيت و 2مغارف كبار سكر رع ليترة حليب اي كاس ونصف شوية ملح قشور القارص نخلط البيض والزيت والسكر والملح مليح بالخفاقة اليدوية ثم نضيف الحليب ثم الفرينة حتى نتحصل على خليط املس نخليوها مدة نصف ساعةنجيبو فرشيطة نديروفيها نصف حبة بطاطا نغمسوها في الزيت باش نمسحو المقلاة نفرغ باللوش من الخليط ونخليوها طيب نقلبوها على وجه الاخر هكذا حتى نخلصو من الخليط كامل نجيو للحشو نجيبو 2 بنان نقطعوهم دائر نذوب 2 باطات شيكولاطة منى ندهن حبة الكريب بالشيكولاطة وندير في الحاشية البنان ونروليه حتى نخلصهم يديرولك مقدار 8 حبات فكرة جيبي طبسي لتحطي فيه قصي ورقة على شكل قلب او فراشة حطيه في الطبسي وذرذري عليه الكاكاو باش يمدلك الشكل مليح للطبسي حطي الليكراب تاوعاك وزوقيهم مليح في الطبسي وديري زيقزاق بالكراميل نستن احبائ ردودكم رمضان كريم للجميع اسمحولي مانعرفش نحط الصور جرب ماصلحوليش سلام

omiyad49 · 2013-07-12, 13:16

نسيت صفيو الخليط تاعكم في السيار وبعدها ديرو القشور نعتولي كيف حط الصور كامل في الموضوع

sarah3113 · 2013-07-12, 13:52

بارك الله فيك حبيبة

ريتاج تيارتية · 2013-07-12, 13:52

تبعي معايا غادي نقولك كيفاش تطلعي الصور شوفي اولا روحي لهذا الموقع https://www.gulfup.com/ ومن بعد ارفدي تصاور لي راكي باغيتهم من بعد كليكي على رفع الملفات
وخليهم يتيليشارجاو كي يكملو كل صورة طلعتيها تجي تحتها 3كتبات انت رحي للرابط المباشر وكوبي هذاك الرابط ومن بعد تروحي للموضوع اللي راكي كاتبته وتكليكي على الصورة اللي مرسةم فيها جبل (ادراج صورة) ومن بعد ديري كولي لهاذاك الرابط اللي رفدتيه ومن بعد ديري اوك تخرجلك
انشاء الله تكوني فهمتي واذا مافهمتيش عليا قوليلي نعاودلك

minn · 2013-07-12, 14:34

بارك الله فيك