اشكال وقعت فيه ، النصيحة رجاء

[physicist]

السلام عليكم
يا ايتها العقول الراجحة والقلوب الزكية بوركتم على دعواتكم
جزاك الله خير ا يا اخي/اختي

[saidani222]

iالحل هو ان تلتقي بها وتتفاهموا.....

[melissa lola]

اسمحلي خويا على التدخل بعثتلك ميساج تقول فيه بلي متناسبهاش ونوغمالمون خطبتها من الرجال باباها ولا خوها هو اللي يقولك هذا الكلام ومنبعد مواليها يقولولك حاولت تعرف قيمتها عندك لوكان جاو صح رجال بنتهم عمرها ماتدير حاجة كيما هاذي بلا ماتشاور واللي تحب تعرف قيمتها عند اللي خاطبها تبعثلو ميساج وتقولو نحبسو ??? ربي بينلك قبل ماتحصل روحك ماكان والو صرا هاذ الشيء وكي تولي عندك واش تدير والي محيرني صحانية الوجه انتاع باباها وعمومها نوغمالمون كي يشوفوك يبدلو الطريق ماشي يقولولك حاول تعرف واش كاين وباباها يقولك ابذل مجهودات علاه لونجة بنت الغول وزيد هذي عندها صداع دارت هكا ماحترمتش مواليها ومرة اخرى كي تمرض قراف ولا تتوحم توصلك لدار الشرع خويا خمم مليح وزيد ماهو الشيء الذي يجبرك تطيح قيمتك علا جال امراة مادارتش قدر حتى لباباها حتى لوكان حبيتها باختصار قيم روحك يقيموك الناس بنات الفاميلية كاين بلا حساب والي تقادر باباها تقادر راجلها. وبالتوفيق

[sarl02]

اليك الرد العملي اخي...البنت لا تريدك لاي سبب كان ...اياك ان تستسلم لضغط عائلتها بالتمسك بها ...الصح فالبنت يا اخي وليس عائلتها....هل تريد ان تتزوجوحدة لا تريدك ؟؟ولست مجبر لمعرفة السبب فهذا يخصها...الوقت اتبد اخي اصبح راي البنت وقناعتها الدور الاهم في القبول والايجاب وليس اهل البنت...ربي ما اكتبش اقطع الامر نهائيا وشوف من جهة خرى ووفقك الله.

[طالبة علم شرعي]

سلام عليكم

البنت رفضت وهذا يعني انها غير موافقة

والتجريب لا يكون هكذا مستحيل الا اذا كانت البنت غبية

كرامتك قبل كل شيئ فالناس تحاول ان يذلوك لا غير كاين مليون الف بنت احسن منها واقنع نفسك بانها لو كانت خيرا لكانت من نصيبك لكن مادام انها لم تكن خير لك فالله صرفها عنك لذا احسن الظن بالله وانسى الماضي وابدا من جديد .... واخطب فتاة جديدة لكن ابتعد عن الهاتف دعها تتعرف عليك بعد الزواج على طبيعتك ودون تزييفات وعلى المباشر ....

هذا ما في جعبتي ارجوا ان يفيدك قليلا

يسر الله امرك

[أناييس الربيع]

والله هذي البنت وحدة تزوج روحها وحدها وأينهم الرجال

تسما جابت بك الوقت قبلت ومن بعد دارت عليك بدون سبب

ومن بعد يطلبو منك معرفة السبب أو أنه مجرد إختبار لك

وكأني بمسلسل تركي أو ماشابه .

لماذا لم تستخر الله حين تقدمت لخطبتها ،؟

رسالة تنهي خطبة هذي جديدة ،لو كانت تريدك حقا لاعتذرت

لوكانت مريضة لصرحت ،لكن دون سبب هذا استغباء

إن شاء الله يعوضك ربي خير

[باهي جمال]

لاباس باعادة المحاولة لتتعرف على حقيقة الرفض قد يكون ببب وشاية او تحريض او بدوافع اخرى والحل لديك انت فبعد معرفة السبب الرئيسي يمكنك اتخاذ القرار النهائي

[dalal 28]

السلام عليك اخي
واضح ان البنت لا تريدك واهلها عكسها
لو كنت مكانك لتركت ولن التفت وراءي
طبعاايبقى هذا رايي فقط
ربي يرزقك الزوجة الصالحة

[ما فهمت والو]

السلام عليكم خويا انا من رايي لا ترجع لها مهما حدث فهي من ارادت البعد فلها ذلك زيد الطريقة مش طريقة خلاص اس ام اس اما اهلها فهم على العن و الراس اللله غالب ربي ماكتبش جات من عندها و الراي في الاخير يكون في يدك

[naamane3]

كاين شرط في الزواج اسمه رضا الطرفين
اذا هي ما رضاتش يعني الزواج راح يكون فيه علة
لذا ومن الاحسن انك تبحت عن التى ترضي بك
واخطيك من التساؤلات والانشغالات وابحث عن من تناسبك

[امينة النايلية]

السلام عليكم
نضن واضحة الامور كيتعلقت بيها راك حاب امل معاها
ممكن عندها اسباب خاصة ومحرجة تقلك او نتا فيك حاجة ماوالمتهاش هي حرة بصح كنت تفهمهم هاذا مش لعب ذراري
هي واهلها ملزمين يقولولك وشمن سبة خلاتها تحبس ! بهاذ الطريقة الغامضة
خاصة مادام الاب تاعها راه يحل في فموهو يختصر عليك لحكاية يقلك وشبيها!
<انا الان ملام من طرف العائلة اني لم احاول اكثر التمسك بالبنت
اوووووووووووووووووف الانة فقط كلمني ابوها طاليا مني بذل مجهودات اكبر اذا كنت فعلا ''رجلا'' واني اذا كنت ""شماتة">!!!!!
الاب هاذا باين يتفرج ياسر فالمسلسلات التركية
كيفاش تتمسك بوحدة ماعندكش معاها 13 يوم تمسخيرة
وزيد لوكان حابة تدلل عليك برك ماتصكرش الهاتف! وتوصلها حتى يسمعها الاب تاعها واهلك!
مادام وصلت لرجال تتحل بين الرجال مايقعدوش يلعبو باعصابك وفي الاخير يقولولك ماولمتناش

[physicist]

اشكركم ايها الاخوة والاخوات بارك الله فيكم واحدا واحدا على حسن النصيحة وطيب النية
اسأل الله ان لا يلاقي احدا منكم مع نوع تلك الفتاة بنتا او ولدا
بارك الله فيــــــــــــــــكم جميعا/ لقد حسمت أمري

[physicist]

المشاركة الأصلية كتبت بواسطة *بن عيسى*

كم أتنرفز و كم أتألم عندما اسمع قصصا كهذه ، خاصة عندما تكون المرأة هي لي تتقلش على الراجل ، واش حاطة روحها؟؟؟؟ الحمد لله النساء ما خلاصوش و البلاد معمرة من بنات الحلال لي شاهيا تتستر ........و كاين لي خير منها و ما تجيش - حاشاكم- في وسخ ظفرها ...........
إن كنت ستسقط من عيني أمك اذا عدت لهذه الفتاة ، فأنا أقول لك أنت مش راجل اذا فكرت للحظة في السؤال او الاستفسار عن هذه المرأة

هذي العقليات هي لي خلات النساء تتفرعن..... الله يسهل عليها ماهيش حابة تتزوج دبر راسها...... شوف مرأة أخرى و خلاص الفيلم

خارج النطاق تمام ان اعود اليها ولكن استفساري عن كيف اتعامل مع اهلها فقط
الذي دفعني للاستفسار هو ما اتاني به اهلها من عذر من قبيل التجريب وغيره ومن ثم خوف الملامة من كل العائلة اما ان اقبل ان اسقط في نظر اهلي وان تسقط رجولتي فلا والف لا ،،لست من ذلك النوع الذي يتفرعن عليه احد ، لا يا صديقي لا تظلمني ، انما اطلب النصح من المؤمنين حتى استزيد ن تبيان امري لا غير
اشكرك على الرد الجميل

[physicist]

المشاركة الأصلية كتبت بواسطة امينة النايلية

السلام عليكم
نضن واضحة الامور كيتعلقت بيها راك حاب امل معاها
ممكن عندها اسباب خاصة ومحرجة تقلك او نتا فيك حاجة ماوالمتهاش هي حرة بصح كنت تفهمهم هاذا مش لعب ذراري
هي واهلها ملزمين يقولولك وشمن سبة خلاتها تحبس ! بهاذ الطريقة الغامضة
خاصة مادام الاب تاعها راه يحل في فموهو يختصر عليك لحكاية يقلك وشبيها!
<انا الان ملام من طرف العائلة اني لم احاول اكثر التمسك بالبنت
اوووووووووووووووووف الانة فقط كلمني ابوها طاليا مني بذل مجهودات اكبر اذا كنت فعلا ''رجلا'' واني اذا كنت ""شماتة">!!!!!
الاب هاذا باين يتفرج ياسر فالمسلسلات التركية
كيفاش تتمسك بوحدة ماعندكش معاها 13 يوم تمسخيرة
وزيد لوكان حابة تدلل عليك برك ماتصكرش الهاتف! وتوصلها حتى يسمعها الاب تاعها واهلك!
مادام وصلت لرجال تتحل بين الرجال مايقعدوش يلعبو باعصابك وفي الاخير يقولولك ماولمتناش

عين العقل
شكرا

[physicist]

المشاركة الأصلية كتبت بواسطة naamane3

كاين شرط في الزواج اسمه رضا الطرفين
اذا هي ما رضاتش يعني الزواج راح يكون فيه علة
لذا ومن الاحسن انك تبحت عن التى ترضي بك
واخطيك من التساؤلات والانشغالات وابحث عن من تناسبك

تماما ، انما كان تساؤلي عن كيف اتعامل مع اهلها
اما هي فخلااااص الامر قضى ولا مجال للعودة