أروع كعك نقاش ذقتوه - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الحلويات

قسم الحلويات قسم مخصص للحلويات و المواضيع فيه حصرية للمنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

أروع كعك نقاش ذقتوه

إضافة رد
 
أدوات الموضوع انواع عرض الموضوع
قديم 2013-10-05, 10:46   رقم المشاركة : 1
معلومات العضو
إلهام07
متألقة ركن المعجنات
 
الصورة الرمزية إلهام07
 

 

 
الأوسمة
الموضوع المميز لسنة 2013 وسام نجمة التطبيقات 
إحصائية العضو










Mh47 أروع كعك نقاش ذقتوه



صباح الخير عليكم عسولاتي الحلوين

وأخيرا وصلت الحلقة الأخيرة نتاع المسلسل التركي " كعك النقاش في العيد أو لا أحد " هههههههههههههه

كي عدتوا تحبوا السرقة راني جبتلكم الوصفة نتاع خالتي نتاع كعك النقاش ، كي جربوه تعرفوا باللي عمركم لاكليتو كعك النقاش قبل اليوم حتى اللي مايحبوش كيما انا يهبل عليه .

هاهي الوصفة نتاع كعك النقاش نتاع خالتي اللي انتظرتوها طويييييييييييييييييييييييييييلا . تبعوا معايا احم احم زعمة مدام بو حامد هههههههههه :


- مقادير العجينة :

* 500غ مارغارين فلوريال تكون طرية ممكن أي نوع آخر بصح أنا وخالتي نخدموا غير بيها ريحتها مليحة والقاطو بيها يجي مبسس
* 135غ سكر رطب
* فانيلا
* 4 صفار بيض + 1 بيضة كاملة ( وتنقص وحدة بيضة نقتلها راني نشوف فيكم )
* 1 خميرة
* 135غ نشاء
* نلموا العجين بالفرينة ( أنا استعلمت حوالي 650غ بالتقريب )

- مقادير الحشو :

* حوالي 250غ غرس
* 1 ملعقة كبيرة نتاع حلوة الترك ( اختياري اللي مايحبش مايحطش )
* 1 ملعقة كبيرة نتاع جلجلانية حب
*1 ملعقة كبيرة جلجلانية مرحية
* 2 ملعقة كبيرة زيت
* 1 ملعقة كبيرة ماء زهر
* 1/2 ملعقة صغيرة قرنفل

- للتزيين :

* سكر ناعم للتزيين

- الكيفية :

1- نبدى نخفق الزبدة اللي تكون طرية مع السكر الناعم والفانيلا (ماشي شرط نخفق بزاف غير تمتزج المكونات خلاص ).




2- نبدى نضيف في البيضات وحدة وحدة ونخفق .




3- نزيد النشاء المغربل ونخفق شوية برك .




4- نضيف الخميرة والفرينة المغربلة ونخفق بالشوية ونضيف الفرينة حتى تتلم عندنا العجين . ماتنشفوهاش بزاف من بعد تشققلكم لازم تزيدوا الفرينة غير بالشوية حتى تتحصلوا على عجينة كيما نتاع لصابلي ماتلصقش في اليد كي تكوروها وتقدروا تشكلو منها سوار كيما هذا :




راهي تعطيكم كمية لاباس بيها خليت العجينة تريح غير شوية برك ونخدم بيها غطيتها بكيس بلاستيكي باش ماتنشفش .




5- عجنت الغرس مع الزيت وماء الزهر حتى رجع طري وزدتلو الجلجلانية اللي رحيتها مع حلوة الترك + الجلجلانية حب وعجنتو مليح ( إذا شفتوه مازال يابس زيدولو الزيت ماشي ماء الزهر ).





6- فوق كيس بلاستيكي وزنت حوالي 6-7غ لكل كرية غرس وشكلت حرابش وغطيتهم باش مايشفش الغرس ، هكذا من بعد كي تبداو تخدموا ماشي تبقاو تخلطو تمسو الغرس ومن بعد العجين ، يكون الغرس واجد مسبقا خير .
الحرابش يكونو رقاق ماشي خشان باش كي تنقشوا مايخرجش الغرس وحتى في الطعم النقاش يكون خفيف ماشي ثقيل وحلو بزاف .




7- وزنت كريات العجين باش يجيو الحبات قد بعضاهم وخليتهم في كيس بلاستيكي باش ماينشفش العجين (35غ للحبة إذا حبيتوها شوية كبيرة كيما نتاعي واللي تحب تنقص تقدر ).

8- نأخذ كرية نتاع عجين نشكلها حربوش وندي ونجيب مليح العجين باش تتلم وماتشققش ونشكل كيما الصورة ونغلق مليح :






9- باش العجينة تبقى ملساء وماتشققش على الجوانب كي ندوروها وفي نفس الوقت تلصق بسهولة وجي متساوية ومتحوفة من كل الجوانب نقصوا الأطراف بالسكين كيما الصورة :




10- ونجمع العجين كيما الصورة ، راهي العجين طرية أجمعوها مليح وحاولوا تخفيو أثر الجريمة ههههههه :





11- الآن أبداو أنقشوا من تحت الدور كامل بشكل مائل ميلوا مليح باش يجي باهي ثم أنقشوا من فوق بشكل مائل في الاتجاه المعاكس .
حاولوا تنقشوا فوق المكان اللي لصقتوا فيها الحربوش باش تخفيو الأثر :







12- ضرك نجيو للطياب : تسخنوا الفرن مليح على درجة 180° ومن بعد تحطوا النقاش يطيب في الرف العلوي باش مايتحرقش ويطيب براحتوا مليح من داخل ، راهوا مايطولش ( حوالي 20د ) كي تشوفوه رجع بلون برتقالي فاتح من تحت نحيوه راهو يطيب كيما الغريبية مايطولش ومانحمروهش :






13- كي يطيب ماتمسوهش خليوه يبرد في راحتو راهو مبسس مممممممممممممممم كي تذوقوه تفهموا يم يم روووعة [IMG][/IMG] .

نجيو للتزيين :
باش ما تفسدوس السكر ديرو في صحن صغير وحطو بالحبة ورشوا شوية سكر ناعم خفيف خفيف للتزيين برك ومن بعد ترجعوا تغربلو هذاك السكر اللي في الصحن وتستعملوه عادي .
حطوه في كيسات وخبيوه في علبة محكمة الإغلاق وماتنساوش كل ماتاكلوه وتتبننوا تدعيولي .
خلاص هاهو واجد "نقوشي " حبيبي :





من الفرحة نصور ونعاود


أتفضلوا راهو مبسس يذوب في الفم على بالي هذا كامل ومانعرف لا يكفي




* ملاحظة : هذي الكمية أعطاتني 50 حبة لأنو الحبات شوية كبار وثاني لأنو الشكل نتاع السوار مايزكاش لو ديروه مقروظات أو سيقار يعطيكم 100حبة بصح أنا نحب شكل السوار باهي وزيد الغرس يبقى محمي داخل العجين ماييبسش.

هنا عاودتو بشكل سيقار :



وهنا عاودتو أيضا وكثرت فيه حلوة الترك والكاوكاو جا طعم الغرس مايبانش مممممممممممم:









 


رد مع اقتباس
قديم 2013-10-05, 10:49   رقم المشاركة : 2
معلومات العضو
أنواار الإيماان
عضو متألق
 
الصورة الرمزية أنواار الإيماان
 

 

 
إحصائية العضو










افتراضي

مممممممممممممممممممممممممممممممممممممممممم
ماشاء الله هايل اخيرا وصل محبوب الجماهير على قول الشلة
بارك الله فيك راني نشوف وندقق مليح ومن بعد نرحع للاسئلة لان في عيد الفطر المنتدى كامل دار التشاراك وهذا العيد ان شاء الله محبوب الجماهير من عند احلى شعنونة










رد مع اقتباس
قديم 2013-10-05, 10:54   رقم المشاركة : 3
معلومات العضو
.1....2....1.
زائر
 
إحصائية العضو







افتراضي

روووووووووووووووووعة واخيرا جات الحلقة الاخيرة وظهرت البطلة في ابهى حلة مزينة ومتصدرة كالعروس
يعطاك الصحة حبيبتي راها توووووووووب










رد مع اقتباس
قديم 2013-10-05, 10:54   رقم المشاركة : 4
معلومات العضو
بشرى2008
عضو فضي
 
الصورة الرمزية بشرى2008
 

 

 
الأوسمة
وسام مميزة التطبيقات 
إحصائية العضو










افتراضي

أممممممممممممممممممممممممممممممممممممممممممممممممم علبالك الهام نموت على القاطو اللي فيه الغرس راني رايحة نركب ونحكم طاكسي ديراكت للعلمة العشية وجديلي القهوة ياك










رد مع اقتباس
قديم 2013-10-05, 10:55   رقم المشاركة : 5
معلومات العضو
أم ماجد
عضو ماسي
 
الصورة الرمزية أم ماجد
 

 

 
الأوسمة
وسام الوفاء وسام نجمة التطبيقات المرتبة الثانية 
إحصائية العضو










افتراضي

4444444444444444444444444
صبرنا عليك يا لهلوبة جا بنتيجة
هههههههه هايل حبيبتي
ان شاء الله هاذ العام قاطو النقاش في عيد الاضحى تاع الجلفة هههه بصحتكم كامل










رد مع اقتباس
قديم 2013-10-05, 10:55   رقم المشاركة : 6
معلومات العضو
nihale89
عضو مميّز
 
إحصائية العضو










افتراضي

يعطيك الصحة لهومة
باين هايل دايما متالقة










رد مع اقتباس
قديم 2013-10-05, 10:56   رقم المشاركة : 7
معلومات العضو
فريال88
عضو مبـدع
 
الصورة الرمزية فريال88
 

 

 
الأوسمة
المرتبة الثالثة 
إحصائية العضو










افتراضي

اممممممممممممم روعة الهام يشهي وصفة رائعة و تستحق التجريب










رد مع اقتباس
قديم 2013-10-05, 10:57   رقم المشاركة : 8
معلومات العضو
sakura be
عضو مميّز
 
الصورة الرمزية sakura be
 

 

 
إحصائية العضو










افتراضي

ماشاء الله عليك الهام والله باين يهبل يميييييييييييييييييييييييييييييي يعطيك الصحة.......................................... لهومة










رد مع اقتباس
قديم 2013-10-05, 10:58   رقم المشاركة : 9
معلومات العضو
اميرة في دنيا حقيرة
عضو مميّز
 
الصورة الرمزية اميرة في دنيا حقيرة
 

 

 
إحصائية العضو










افتراضي

ممممممممممممممممممممممممممممممممممممممم لهومتي علبالي بلي هداك الصحن ليا مخبياتهولي راكي وليتي سبيسياليس في السرقة معليش نتي اسرقي و لكان دخلوك الحبس ندافهع عليك و نحاول نخففلك الحكم و نجيبلك اعدام هههههههههههه

المرة الجاية اسرقي حاجة بالشوكولاطة تكون مليحة










رد مع اقتباس
قديم 2013-10-05, 10:58   رقم المشاركة : 10
معلومات العضو
oumraja
عضو نشيط
 
إحصائية العضو










افتراضي

يعطيك الصحة ما أحلاه.










رد مع اقتباس
قديم 2013-10-05, 10:58   رقم المشاركة : 11
معلومات العضو
نورانيات
عضو فعّال
 
الصورة الرمزية نورانيات
 

 

 
إحصائية العضو










افتراضي

رايع حبيتي دائما مع الجديد، هذه الكنوز والذهوبات مليح العبد كي يسرقها ماش في الحرام داومي أختي وحنا معاك نخبيو عصابة الأربعين حرامي... لا لا احنا في المنتدى اكثر من هكذا المهم راني نحب بزاف كعك النقاش وبالتأكيد حنجرب الوصفة ونوريلك تطبيقي.










رد مع اقتباس
قديم 2013-10-05, 10:58   رقم المشاركة : 12
معلومات العضو
بريق الامل&
عضو متألق
 
الصورة الرمزية بريق الامل&
 

 

 
الأوسمة
وسام سفيرة العزومات وسام سفيرة العزومات المرتبة الرابعة 
إحصائية العضو










افتراضي

يعطيك الصحة من اروع ما يكون والشكر موصول لخالتك المجني عليها
تسمى السراق يدور دايما بلي قراب ليه
المرة الجاية واش تسرقيلنا يا الهام ويعجبني تصوري مسروقاتك وتعترفي باش تبرأي ذمك
المهم كلما تسرقي جيبيلنا امانة هههههههههههههههه
احبك في الله










رد مع اقتباس
قديم 2013-10-05, 11:00   رقم المشاركة : 13
معلومات العضو
نورانيات
عضو فعّال
 
الصورة الرمزية نورانيات
 

 

 
إحصائية العضو










افتراضي

قوليلي اختي نطيبو من تحت برك؟










رد مع اقتباس
قديم 2013-10-05, 11:09   رقم المشاركة : 14
معلومات العضو
إلهام07
متألقة ركن المعجنات
 
الصورة الرمزية إلهام07
 

 

 
الأوسمة
الموضوع المميز لسنة 2013 وسام نجمة التطبيقات 
إحصائية العضو










افتراضي

شكرا حبيباتي على المرور والله أروع نقاش ذقتو في حياتي قلت الواحد داخل للحبس داخل يكمل يسرق شوية حويجات ملاح ههههههههههههههههههههه
ماعليش نباصي على جالكم خخخخخخخخخخخخخخخخخخخخخخخخخخخ

اقتباس:
المشاركة الأصلية كتبت بواسطة نورانيات مشاهدة المشاركة
قوليلي اختي نطيبو من تحت برك؟
نعم يطيب غير من تحت









رد مع اقتباس
قديم 2013-10-05, 11:10   رقم المشاركة : 15
معلومات العضو
بسمه العمر
عضو مشارك
 
الصورة الرمزية بسمه العمر
 

 

 
إحصائية العضو










افتراضي

روعه والله مع اني ماجربت مقاديرك الا انه واضح انه رائع
لاني انا من محبي النقاش حبيته من ايد والدتي
هي حلوه تقليديه وما تخلو من بيت جزائري
شرق ولا غرب في المقادير لحطيتي انتي شفت تغير نوعا ما
وراح نجرب لحطتيه انتي ونرد لكي خبر
يعطيك الصحه وبارك الله في خالتك









رد مع اقتباس
إضافة رد

الكلمات الدلالية (Tags)
أروع, ذقتوه, نقاش

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 00:36

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc