قاطوات بلا طياب لعيون الأخوات

[Alae38]

احد الأخوات (ahlemahlem)طلبت الوصفة لكن ما عنديش فكرة عليها قلت نحط وصفاتي لربما نفيدكم
قاطو الطبقات ببيمو و نوات كووك:
الطبقة 1:
4 عبار ببيمو مطحون
1عبر كاوكاو مدشش رقيق
كاس حلوة الترك
2 ملاعق كاكاو
كاس تاع لآتاي صغير جلجلان مقلي و مطحون
كاس مارغريت ذايبة
ديول مقلي و مفتت باش يجئ القاطو يتقروش
و عسل للتروان
الطبقة 2:
1بول( غرفية تاع حريرة) و نص نوات كوكو
لفاني، خريط الليمون
و تكروني بالمارغرين (يمكن تخلطي مارغرين مع نيسلي خضر بصح غير شوية باش يبقى القاطو طري)
التحضير؛
تخلطي مقادير ط1 تفريش البلاستيك في صينية و تحطي نصف خليط الطبقة الاولى و تخليها تجمد في الثلاجة ثم نخرجها و نضع مقادير ط2 بعدما خاطتهم و نرجعها الثلاجة ولما تبرد و تتماسك مليح نضيف ما تبقى من ط1 و نذوب شكولا و نضيف لها ملعقة مارغرين للمعان و باش تنظف و قليل من الحليب و نفرغ ها فوق القاطو و نزين بشك لا بيضاء او كاوكاو او نخلبها عادية و نخلبها في الثلاجة و بعد ما تنشف نقطعها مربعات او معينات
هادا قاطو كليتو عند جارتنا في العيد الصغير و مين عجبني جبت الوصفة و ان شاء الله يعجبكم
قاطو تاع لحظة:
بول لحظة حليب غبرة
بول فرينة مقلية بلون بني متوسط
كاس تاع لآتاي جلجلان مقلي
3/4 ملاعق أكل سكر رطب
كاوكاو او لوز مدشش متوسط
و مارغرين للتروان
ذؤيب المارغرين و روني بيها المقادير و عركي مليح باش يتلملك القاطو ديريه في صينية و ديريلو شوكولا و رشيه بنوات كوكو او كيما تحبي ولما ينشف قطعيه كيما تحبي (كاين نفس القاطو لكن بطريقة جديدة تنقصي المارغرين و تزيدي العسل وحلوة الترك و يمكن تستغني عن السكر،انا جربتها لكن تعجبني الوصفة القديمة) تقدري تقديمه مع الشاي او العصير
قاطو تاع الديول:
1 ديول مفتت نقلوها في الفرن ما نرحيوهش رقيق باه يجئ يتقروش
1بول لوز او كاوكاو مقلي و مدشش متوسط
جلجلان حسب الذوق( كاس صغير)يكون مقلي
2 ملاعق أكل كاكاو
حلوة الترك 100 دج
كاس كبير ديري ربعه مارغرين ذايبة وتكملي بقيته بالعسل يعني ثلاثة أرباع الكأس عسل
مرون الكل جيدا ثم نشكل كريات اما نغطسهم في شوكولا او نرمدهم في كاكاو و نفوتهم في فارميسال شوكولا
و بالصحة و الراحة
انشاء الله جربوهم و ما تندموش لأنهم شابين و بنان انا نموت على القاطو بلا طياب قلت نحطهم يمكن يكونو لبنات كيفي و الصح مع السخانة والصيام ممكن الوحدة تنقص على روحها الأوقاف على الفرن و طاب و لا مازال و ينفع تاع ضياف الغفلة ما يدير الوقت بزاف
مازال عندي قاطو بلا طياب تاع السيدة أرزقي شباب بزاف لكن يدي وقت شوية في الكتابة ان شاء الله نحطولكم في اقرب الاجال راني عارفة كاين اللي رآهم يحوسو قاطو جديد للعيد لكن ما نعرفش طريقة ادخال الصور لو تفيدوني من فضلكم

[Alae38]

]اذا عندكم اي استفسار انا في الخدمة يا حلوات

[بسملة ايمان]

مشاء الله لكن ياريت كانو معاه صور

[طالبة الجامعة]

المشاركة الأصلية كتبت بواسطة alae38

]اذا عندكم اي استفسار انا في الخدمة يا حلوات

لكن اين الصور حبذا ان تكون موجودة للاستفادة اكثر

[البحث هن العلم]

يبان هايل
بصح لوكان الصور لكان تحف ولي ما فهمتش تفهم
مشكووووووووووووووووووورة

[Alae38]

بارك الله فيكم اخواتي
فيما يخص الصور ما نعرفش نحطهم يا رئته لو تدلوني و أكون مشكورة لكن و جزاكم الله خيرا

[ام فيفي]

شكرااااااااا عزيزتي

[♥' سندس الفردوس ♥"]

الله يعطيك صحة أختي

[idron0]

بارك الله فيك

[أم محمد ريان]

كون غير تحطي لينا الصور تعيشي ختي

[Alae38]

بارك الله فيكم أخواتي و بالنسبة للصور ما زال ما نتعلمتش كي نحطهم

[Alae38]

السلام عليكم و رحمة الله تعالى و بركاته ،اولا أودّ شكر كل المشاركات في المنتدى لانه بفضل مشاركاتم حبيبتي الوحدة راهي تدي أفكار اللي تساعدها دائماً تخرج من الروتين و كذلك انه يكون عندها دائماً تجديد فجزاهم الله خير جزاء أخواتي في الله و جعل هذا في ميزان حسناتكم ان شاء الله،بإذن الله و عونه راح نحطلكم الوصفات اللي راح نديرها في العيد ان شاء الله لربما تفيدكم.لكن أسفة مسبقا لانها من دون صور ما نعرفتش نحطها مع ان بعض الأخوات حاول ويشرح ولي لكن بدون جدوى
كلنا نحوسو على حاجة شابة و بنينة ماتعييش و ما تكلفش و هادو زوج وصفات هايلين في خاطر عيونكم
سكندرانيات :
العجينة:
250غ مارغرين ذايبة
كاس تاع لاتاي ماء الزهر
فاني و تنشفي بالفرينة تخليها طرية شوية
الحشو:
ا كغ كاوكاو مقلي و مطحون متوسط
رطل سكر عادي نخلطهم مع بعض و نديرهم في الروبو ينطحنو حتى يذوب السكر و يتعجنو و ردي بالك تخليهم يتعجنو بزاف ما تقدريش تشكليهم
نفرض العجينة ديالي و نحط فوقها حربوش و نرولي العجينة عليه و نقطع باقي العجينة و نقطع القاطو مقروضات متوسطين و ننقشهم بالنقاش او نزينهم بوردات من العجين و حبة لوزن دخلهم الفرن ولما يطيبو نغطسهم في عسل دافئ مع ماء الزهر نقطرهم و نديرهم في الكيسات و نرشهم payette
ناكدلكم انه ما تضيفو والو مع الحشو يلا جربتوه ما غاديا تندمو لانه لذيذ و اقتصادي

250غ مارغرين طرية
نصف كاس سكر رطب
نصف كاس زيت ( كاس كبير)
نصف كاس نوات كوكو
2 مغارف أكل كاكاو
ا خمارة
لفاني
400غ فرينة
نخدم المارغرين مع السكر حتى تولي بوماد ثم نضيف نوات كوكو كاكاو ثم الزيت و لفاني نخلط ثم نضيف الخمارة الى الفرينة و نشف القاطو بيها
نفرشره و تقطعوه بسمك ا سم دواءر او اوفال او حتى مربعات انت و الطابع اللي عندك و تاني تنسيق الشكال تاع القاطوات اللي ديريهم
المهم نطيبوه و نغطسوه في مربى المشمش و نرمدوه في نوات كوكو مخلط مع كاكاو باش يدي ألون البني وبالنسبة للقاطو ممكن ما يلصقلكش فيه نوات كوكو سيحيه اي فوتيه في الغربال باش يبقى غير نوات كوكو باللون البني (بدون كاكاو)
بضمان تي هاد القاطو يجئ يذوب في الفم و اقتصادي
و مازالو وصفات اخرين نحطهم في اقرب الآجال
دعولي أخواتي ربي يجعل ذريتي صالحة و ان شاء الله حتى ذريتهم و ربي يقدرنا على كل خير انشاء الله
اللهم قوما على حمدك و شكرك و ذكرك على الوجه الذي يرضيك عنا يا ارحم الراحمين امين

[Esprit f]

يعطيك الصحة جاو في وقتهم ربي يهنيك اختي الكريمة

[faty77]

قاطو شباب وهايل وراني حابة نديرو للعيد