الأخوات اللي ما صلحلهمش الخبز العربي نتاع سمؤاء الدنيا يتفضلو

إلهام07 · 2013-02-25, 12:00

صباح الخير عليكم كامل

شفت بزاف أخوات يشكيو من الخبز العربي و يقولو ماصلحش ، مالا دبر علي راسي قالي هاتي نجربو نلقاولهم الحل مادام راكي لاعبتها في المنتدى آينشتاين هههههه ، دخلت للمختبر بوه للمطبخ و جربت عدة مرات باش نتأكد من الحل اللي لقيتو .
كنت شفت أخت حطت وصفة الخبز العربي اللي يطيب في الفرن و قلت نجرب و لقيت طريقتها مضمونة أكثر خاصة للأخوات اللي ماعندهمش مقلاة تيفال .
شوفو هي نفس وصفة الأخت سمراء الدنيا ، هذا رابط الوصفة :
https://www.djelfa.info/vb/showthread.php?t=891320
و لكن شوفو ، أنا طيبتو في الفرن ، يعني ديري العجين نورمال و تطرحيها بشوية فرينة ( ما ترقيهاش بزاف بزاف راهي ما تتنفخش ) و تخلي القرصات يريحو 10 دقائق و تبداي الطيبي .
قبل ما تبداي طياب تكوني قبل بـ30دقيقة شعلت الفرن و سخنتيه ملييييح و تحطي كاش بلاطو أو صينية مقلبة على ظهرها و تدخليها للفرن تسخن و تبداي تحطي القرصة الأولى كي تخرج فقاقيع قلبيها و ممكن دوري القرصة باش الطيب مليح من كل النواحي و انتهى ، شوفو هنا راهي في الفرن بعد ما قلبتها انتفخت :

* ملاحظة : قرصوه رقيق بصح ماشي بزاف ، باش ينتفخ و يبقى طري .
* أضيف ملاحظة هامة قالتها الأخت وهي أنكم تعجنوه مليح باش يطلع
أرجو أن يكون هذا الحل النهائي لمشكلة الخبز العربي

أنوثة شرقية · 2013-02-25, 12:04

جبتيها يا انشتاين راني سخفانة على الشاورما وحبيتها بالخبز العربي. يسلم ربي يديك وجعلها في ميزان حسناتك راكي ساعدتي اخوات بزاف

إلهام07 · 2013-02-25, 12:16

اقتباس:

المشاركة الأصلية كتبت بواسطة أنوثة شرقية

جبتيها يا انشتاين راني سخفانة على الشاورما وحبيتها بالخبز العربي. يسلم ربي يديك وجعلها في ميزان حسناتك راكي ساعدتي اخوات بزاف

ههههه ، يسلمك أنوثة شرقية ، كي ديريها أبعثيلي سهمي

maiar · 2013-02-25, 12:23

اختي الهام بارك الله فيك حبيت نسقسيك السينية حطيتيها مباشرة فوق االنار تع الفرن او فوق بلاطو و تاني كي نطيبو نخلي باب الفرن مفتوح على حساب مافهمت و شكرا

إلهام07 · 2013-02-25, 12:38

اقتباس:

المشاركة الأصلية كتبت بواسطة maiar

اختي الهام بارك الله فيك حبيت نسقسيك السينية حطيتيها مباشرة فوق االنار تع الفرن او فوق بلاطو و تاني كي نطيبو نخلي باب الفرن مفتوح على حساب مافهمت و شكرا

وفيك البركة أختي ، شوفي نجاوبك سؤال بسؤال :
* كل واحد أدرى بالفرن نتاعو ، انا لاكويزينيير نتاعي صغيرة و الفرن نتاعها ما يسخنش بزاف حطيت الصينية مباشرة في الأسفل و خاصة أن الصينية اللي طيبت فيها ثقيلة ماتسخنش بسرعة .
لكن أيضا جربت طيبتها في بلاطو خفيف شوية و في الوسط نتاع الفرن بعد ماسخنتو مليح ( قلبت البلاطو وحطيتو فوق الشباك في الطبقة الثانية نتاع الفرن ) و كانت نفس النتيجة .
* لالا ، ما خليتش باب الفرن مفتوح ، فتحتو باش نصورلكم برك .
أي استفسار راني هنا

oum ayyoub · 2013-02-25, 12:44

بارك الله فيك اختي انا جربتو و طيبتو في مقلى تيفال و لكن من بعد ان شاء الله نجرب طريقتك بارك الله فيك

إلهام07 · 2013-02-25, 12:56

اقتباس:

المشاركة الأصلية كتبت بواسطة oum ayyoub

بارك الله فيك اختي انا جربتو و طيبتو في مقلى تيفال و لكن من بعد ان شاء الله نجرب طريقتك بارك الله فيك

وفيك البركة ، قوليلي كي درتيه في المقلاة صلحلك ؟

maiar · 2013-02-25, 13:15

بارك الله فيك الهام نجرب و لي تصلحلي هذيك هي
و كي سقسيتك على الفرن اذا يبقى مفتوح او لالا يعني تعسي كي تدير الفقاعات تفتحيه و تقلبيه لانو الكوشة تاعي ماتبينش من برا لازم نفتحها و نخاف ماتتنفخش
و ثاني شعلتي الكوشة من فوق تاني او غير من تحت

ام ولي · 2013-02-25, 13:17

يعطيك الصحة يا صاحبةالافكار راكي قريب تطيريها لانشتاين ؛)

عطوفة · 2013-02-25, 13:19

الله الله عليك يا الهام ..راكي تبردي القلب كيما يقولو بالشرح الوافي والافكار الرائعة ...شكرا لك ..

جيجلية · 2013-02-25, 13:23

رائع

شكرا على الشرح الوافي

إلهام07 · 2013-02-25, 13:28

اقتباس:

المشاركة الأصلية كتبت بواسطة maiar

بارك الله فيك الهام نجرب و لي تصلحلي هذيك هي
و كي سقسيتك على الفرن اذا يبقى مفتوح او لالا يعني تعسي كي تدير الفقاعات تفتحيه و تقلبيه لانو الكوشة تاعي ماتبينش من برا لازم نفتحها و نخاف ماتتنفخش
و ثاني شعلتي الكوشة من فوق تاني او غير من تحت

طبعا ممكن تفتحي الفرن طلي و سكري ، باش يبقى سخون ، و السؤال 2 : شعلت الكوشة غير من تحت .

اقتباس:

المشاركة الأصلية كتبت بواسطة ام ولي

يعطيك الصحة يا صاحبةالافكار راكي قريب تطيريها لانشتاين ؛)

ههههه ، أنا وين وآينشتاين وين إإإإإإيييييه هههههه

اقتباس:

المشاركة الأصلية كتبت بواسطة عطوفة

الله الله عليك يا الهام ..راكي تبردي القلب كيما يقولو بالشرح الوافي والافكار الرائعة ...شكرا لك ..

هههه ، شكرا يالعمرية على الكلمات الرقيقة

اقتباس:

المشاركة الأصلية كتبت بواسطة جيجلية

رائع

شكرا على الشرح الوافي