أرواحو تشوفو الطريقة الجديدة في طبخ حشو المحاجب

نورانيات · 2013-01-08, 22:12

لسلام عليكم ، عندي ليكم طريقة جديدة ولذيذة لعمل المحجوبة السر يكمن في طريقة طبخ الحشو. ديري العجين تاعك عادي أما الحشو فأنا نعملوا بتقطيع البصلة الطويلة (تجي بنينة خير من المدورة) ووضعها في الكوكوط وأضيفي الزيت وحليها تتقلى على نار هادئة ثم خذي الطماطم على حسب كمية العجين اللي عندك وقطعيها أيضا مربعات وأضيفيها للبصل على النار+ثوم مبروش+ملعقة كبيرة طماطم مصبرة +فلفل حار مقطع اختياري طبعا والملح والفلفل الأسود وأضيفي قليلا من توابل الدجاج ( السر 1)+ ابرشي شوية شحمة مجمدة( السر 2) في الفريزر بالبراشة تاع الثوم باه تدير البنة برك+ وأضيفي للخليط نصف كأس ماء ( السر 3)وأغلقي على الطنجرة الضغط وخليها تطيب حتى يتبخر الماء واحشي بيها المحاجب راهم يجيو هايلين جربو وراح تشكروني على البنة هاهههــــــــــــــــــــــا

ام طيري الجنة · 2013-01-08, 22:23

الله يعطيك الصحة على الفكرة نجربوها انشاء الله ونشوفو مشكورة

أم ماجد · 2013-01-08, 23:07

اشكرك على المكون انا من المدمنات على المحاجب ونعملهم بكثرة لان كل افراد عائلتى يحبونها

إلهام07 · 2013-01-09, 09:28

شكرا على الوصفة و على مشاركتنا سر المهنة هههههه.
رايحة نجرب الطريقة إن شاء الله المرة الجاية لما ندير لمحاجب .
لكن أنا عندي أيضا سر نحب نهديه لعضوات المنتدى :
أنا لما نقطع البصل و نحطو يتقلى نحط معاه ربطة دبشة مقطعة رقيقة و شوية قصبر مرحي و حوالي 3 حبات جزر مبروش ( مسكرفج ) حسب كمية البصل .
الجزر يعطي طعم حلو ولذيذ للحشو ، جربيه رايحة تتحصلي على نتيجة أروع

catia · 2013-01-09, 10:07

والله نفس طريقتي فقط انا ما نبرش الشحمة انحطها قطعة صغيرة

*رتاج الكعبة* · 2013-01-09, 11:26

ساندي 28 · 2013-01-09, 11:31

شكرا لكي اختي

نورانيات · 2013-01-09, 19:14

شكرا على مروركن جميعا انشاء تجربوا الوصفة وأنا أنتظر ملاحظاتكن شهية طبية عزيزاتي

فايزة1207 · 2013-01-09, 19:39

البصل تحطي حتى الجزء الاخضر
انا المرة الاخيرة جاتني المرورة في المحاجب

wissem173 · 2013-01-09, 21:04

شكرا...ما هي توابل الدجاج؟تقصدي جومبو دجاج او التوابل عادي لينديروهم للدجاج؟

fafou12 · 2013-01-09, 21:06

شكرا لك اختي لكن ما هي توابل الدجاج افيديني

nina.16 · 2013-01-10, 10:07

شكراااا اختي
انا ندير غير البصل و الطوماطيش و حار و شوية شحم يابس يعني مشمش و يجيوا روووووعة

نورانيات · 2013-01-10, 11:18

بالنسبة لسؤال الأخت فايزة فأنا لا أضع الجزء الأخضر في حشو المحاجب بل أرميه أو يمكنك الإحتفاظ به لطبخة أخرى.
أما عن توابل الدجاج ماراهيش جومبو دجاج راهي توابل أنا شريتها من سوبر مارشي تتباع كيما التوابل الأخرى في ساشيات صغار وممكن تجربي تديريها بنوع آخر من التوابل يسميوه توابل الشورمة تلقايهم عند العطارين وأي سؤال أخواتي أنا في الخذمة.

zineb_saib · 2013-01-10, 11:30

يعطيك الف عااافية شهيتيني

كريمة جزائرية · 2013-01-10, 11:31

ساجربها واردلك بالخبر مشكورة