موضوع مميز 🌙حَلِيهَااااا✨✨ تِحْلَى🌙رَمَضَانْ كَرِيمْ - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم العصائر و التحليات

قسم العصائر و التحليات الوصفات حصرية لأعضاء منتدى الجلفة

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

🌙حَلِيهَااااا✨✨ تِحْلَى🌙رَمَضَانْ كَرِيمْ

إضافة رد
 
أدوات الموضوع انواع عرض الموضوع
قديم 2016-06-05, 22:46   رقم المشاركة : 1
معلومات العضو
اسمهان79
عضو متألق
 
الصورة الرمزية اسمهان79
 

 

 
الأوسمة
العضو المميز مائدتي تتجمل لرمضان 
إحصائية العضو










New1 🌙حَلِيهَااااا✨✨ تِحْلَى🌙رَمَضَانْ كَرِيمْ


السلام عليكم ورحمة الله وبركاته


ï؟½ï؟½حَلِيهَااااا✨✨ تِحْلَىï؟½ï؟½رَمَضَانْ كَرِيمْ
كيفكم حبيباتي يارب يارب تكونو بألف خير

الله يحلي أيامنا وأيامكم يارب ويدخل السعادة والفرحة لكل قلب
راح نقدملكم اليوم تحليات بنينة وباهية والاهم والأحلى ساهلة وسريعةةةةةةةةةةةة
رمضان كريم ويارب يعود علينا بالصحة والراحة
وكل عام وانتم بالف خير
ملاحظة
راح تلقاو هنا وصفات بجبنة الماسكاربون في وقت فات كانت الجبنة مش متوفرة بزاف واذا لقيتيها غالية ب 75 الف لكن الان راهي متوفرة ب 35 الف في السوبيرات وممكن تعوضيها بجبن كري على شرط يكون بحرارة الغرفة


بِسْم الله وعلى الله توكلنا

*** تَحْلِيَةْ الحَامِضْ ***







منعشةةةةةةةةةة ولذيذة
الكرنبل
60 غ فرينة 60 غ سكر عادي 60 غ لوز مرحي 30 غ زبدة طرية فاني ذرة ملح نخلط بالأصابع الخليط يكون مرمل نحطو بشكل عشوائي على ورق الطبخ في بلاطو والى الفور يتحور
عسيه لأنو ثم ثم يتحمر
الميرانق
نطلع 3 بياض البيض بالخلاط ويكونو بحرارة الغرفة ثم نضيف لهم السكر حتى يطّلع مليح ويتماسك ونخليه بجيه
الكريمة
نضرب 3 صفار البيض مع عصير زوج حبات ليمون وكأس ماء وفاني و2 م ك نشاء و 3م ك ثم على النار مع الخلط حتى يثقال
نحط في ليفيغين كمية من الكريمة ثم الكرنبل ثم الكريمة ثم الكرنبل ثم الكريمة ثم الميرانق و نحمرو بالشاليمو
اللي يحبوووووو الحامض هاذا ما ينفعهم وما يوالمهم

*** مْهَلَبِيَةْ الجُوزْ ***



هاذ المهلبية نتاع حبايبنا في سوريا تهبل تهبل
نحط في طاوة لتر حليب نصف كاس سكر نصف باطة نيسلي و فاني و4 م ك نشاء الذرة و1 م ك فرينة ونخلط ثم على النار مع التحريك حت تثقال نحط في مول نتاع مسكوتة ورق بلاستيكي غذائي ونفرغ الخليط ونخليه في الثلاجة حتى يتماسك
نقلبو فوق صحن التقديم ويزين بالجوز والشوكولا الذائبة خطوط خطوط

والله لذيذة وتهبل جربوووووووها


***كريمة النيسكافي ***




بنتهاااااااااااا هاااااااايلة
اول شيئ نطلع 150 غ كرام شانتي مع 150 ملل حليب بارد جدا ونخيلها بجيه
في طاوة حطي نصف لتر حليب بارد ثم اضيفي 2 صفار البيض و 3 م ك سكر عادي و3 م ك نشاء ( مايزينة) و 1 م ك ناسكافي ( قهوة سريعة الذوبان) ونحط على النار مع التحريك المستمر حتى تثقال نحي من على النار وحركي بسرعة مليح مليح ثم اضيفي ليها الكرام شانتي اللي كنتي طلعتي من قبل ونقلب من تحت لفوق
ثم فرغيها في أكواب التقديم به ما تبرد زينتيها بالكرام شانتي وذرذري النيسكافي
وخليها تبرد مليح وما تنسايش تدعيلي معاك

*** فْرازْ بِالمِيرَانْقْ***



أكثر من رائعة راكي تسمعي أم إسلام نعرفك تحبي تحلياتي
هاذ الكريمة اكيد راح تعجبك لأنها والله روعةةةةةةة روعةةةةةةة جربوها حبيباتي مش رايحين تندمووووووووو
تحمر لوجه تفرح اولادك واكيد الكل راح يطلب الوصفة
التحظير
اول شيئ قطعي كمية من الفراز ورشي عليه شوية سكر ومن بعد لوحيه في الكونجيلاتور مدة نصف ساعة واجبديه وخليه شوية ثم
طلعي كمية من الكرام فراش بالحليب البارد الكمية اللي تساعدك حبيبتي وعلى حساب عايلتك وضيافك
ثم اضيفي 1 م ك سكر رطب وفاني وخلطي شوية لاكرام شانتي لازم تكون ثقيلة ما تكونش خفيفة ثم اضيفي حبات ميرانق مدشدشين انا استعملت الميرانق اللي يتباع ماكانش عندي وقت نديرو ثم اضيفي الفراز اللي سبق وحطيتيه في السكر وخلطي بسباتيل من تحت لفوق قدميه مزين بحبات فراز وشوية من صوص الفراز الجاهزة أو اصنعيها بنفسك
هاذ الكريمة ممكن تعمليها بالفواكه اللي تكون طرية شوية مثل الفراز المشماش الكيوي والبرتقال
ومرة عملتها بعين بقرة المصبرة اللي نستعملوها في طاجين الحلو وجااااات واااااو
صدقوني راح تعجبكم اكيد

***تَحْلِيَة بَارْدَة بِنَكْهَةْ اللَيْمُونْ***



نأخذ علبة ونصف من قاطو ( بيمو) نرحيه في ميكسور ثم نضيف له 2 م ك زبدة طرية و1 م ك زيت ونخلط مليح ثم نرصو في مول اللي يتفتح ونلوحو في الفور مدة 10د
من جيهة نخلط علبة نتاع نيسلي وزوج علب من الياؤورت الطبيعي و4 م ك حليب الغبرة ( لحظة) و2 م ك سكر نخلط كلش مع بعض مليح ثم نفرغو على القاطو اللي سبق ووجدته ثم ندخله مرة اخرى الى الفور حتى تشوفيه شد روحو ماش رايح ينشف مليح غير تشوفيه حكم روحو نحيه
من جيهة اخرى خذي كاس ماء ونصف كاس عصير الليمون وتكوني صفيتيه من اللب نتاعو و2 م ك سكر عادي و 2 م ك نشاء الذرة
نخلط بارد في بارد ثم على النار حتى يعقد ونصبو مباشرة على الطبقة الثانية بعد ما بردت شوية نحطو في الثلاجة يبرد مليح
وقدميه مزين بالكاراميل او خطوط من الشوكولا
وبصحتك مسبقاً لانو فعلاً لذيذ

***تَحْلِيَة بَارْدَة مِنْ دُونْ فُرْنْ ***



الطبقة الاولى
نأخذ علبة ونصف قاطو ( بيمو) نرحيه ثم نلمو ب 2 علب دانيت ذوق الكاراميل ومفرغة في مول اللي يتفتح على الجنب ونحطو في الثلاجة يشد روحو
الطبقة الثانية
نحط في طاوة نصف لتر حليب بارد ثم 3م ك نشاء 2 م ك سكر علبة فلان نوارة نتاع نصف لتر ذوق شوكولا و نخلط كلش مع بعض ثم على النار حتى يعقد ثم نحي من على النار وأضيفي 2 علب صغار من دانيت ذوق شوكولا ونخلط ثم نفرغو على الطبقة الاولى والى الثلاجة
الطبقة الثالثة
مثل الطبقة الثانية فقط نستعمل فلان بنكهة الفاني و دانيت بنكهة الكاراميل ونتبع نفس الطريقة
الطبقة الرابعة
نحتاج الى كاس ماء كبير 150ملل و1م ك نشاء 1 م ك سكر 1 م ك كاكاو وعلبة فلان نوارة ذوق شوكولا ونخلط كلش ثم على النار حتى يعقد ونفرغ على الطبقة الثالثة بعد ما بردت والى الثلاجة
نقدمو مزين بالشوكولا المبشورة او الكرام شانتي
يهبل يهبل جربيه

*** الكْرِيمَة المَحْرُوقَة ***



نموت على هاذ الكريمة نموت عليهااااااااااا
نضرب بقوة 2صفار البيض وبيضة كاملة مع 4م ك سكر او اكثر على حساب الذوق
غلي 100ملل كريم فراش نوع اوبلا و 1 م ص فاني غليهم على النار ثم اضيفيهم على خليط السكر والبيض وخلطي مليح ثم فرغي في ليغامكا ودخليهم للفور على درجة حرارة 100°مدة 40 د
ذرذري عليه سكر الكاراميل او السكر البني واحرقيه بالشاليمو
او فرغي عليه كراميل عادي

*** تَحْلِيَة بالفْرازْ***



اول شيئ ارحي بالميكسور كمية من الفراز على حساب العائلة
ندير اول طبقة في أسفل ليفيغين الطبقة تكون من الفراز المرحي ثم طبقة من لكرام شانتي المخفوقة ثم طبقة من قاطو سبيكيلوز او اي قاطو عندك ممكن بيمو او ماجور بالشوكولا الشيئ اللي توفر عندك ثم طبقة مرة اخرى من الفراز ثم الشانتي انا هنا زينت بحبيبات نتاع حلوة ملونة
شوفو الشكل روعةةةةةةةة والبنة اروعععععععععع
صدقوني ساهلة وبسيطة ومكوناتها متوفرة وراح تفرحي اولادك وحتى ضيوفك

*** كْرِيمَةْ الفُسْتُقْ ***



والله هاذ الكريمة ثاني تهبل ساهلة وبنينة تقتل
نحط نصف علبة نيسلي محلى و نقيس بالباطة نتاع نيسلي واحد حليب ونصف الحليب يكون بارد وفاني و80 غ بيستاش مرحي ( فستق) 2 م ك نشاء
نخلط كلش مع بعض ثم على النار حتى يبدأ يعقد نفرغ في ليفيغين نتاعي ونغطي بالورق البلاستيكي الغذائي والى الثلاجة
نزين بحبات البيستاش ونقدمه للحبايب تحفة في المذاق نتاعو

*** مُوسْ لْفْرَازْ***



اول شيئ ضربت كاس كرام فراش نوع( أٌبلا ) ثم أضفت 3 م ك سكر رطب وضربتها مليح بعدها أضفت علبة من جبنة الماسكاربون واكيد زدت ضربت مليح مليح فرغتها في لابوش ادوي خليتها على جنب
رحيت لفراز في ميكسور مع اضافة 4م ك عسل ثم فرغتو في صحن واضفتلو 3 م ك كرام فراش غبرة وضربته مليح
حطيت اول طبقة موس لفراز ثم كريمة الماسكاربون وزينت بقطع لفراز وجااااااااات روعةةةةةةة
اكيد بعد ما بردت مليح

*** مْحَلْبِي ***



هاذ التحلية انا نموت عليها حقيقتاً رااااااااائعة
في طاوة حطي 5كيسان حليب بارد ( حجم الكأس هنا انتي اللي تتحكمي فيه على حساب عائلتكي وعلى حساب امكانياتك ) كاس أرز مرحي مليح ومغربل زوج مرات لازم يكون رطب كيما الفرينة ( انا نحب نرحيه في البيت احسن الف مرة من اللي يتباع واجد ) كاس سكر عادي نصف كاس ماء الزهر 1م ص مليانة مليح فاني والأحسن نتاع الميزان نخلط كلش مع بعض ثم على النار تكون متوسطة مع التحريك المستمر ( يعني من دون توقف) حتى تشوفي الخليط نتاعك ثقال تكوني موجدة لي بول اللي رايحة ديري فيهم وفرغي على طول قبل ما يجمد لازم شوية سرعة بعد مايقدر مليح في الثلاجة زينيه كيما تحبي بالبيستاش او القرفة
روعةةةة روعةةةةةة

*** العُثْمَلِيَةُ ***



خذي كمية من لقطايف حطيها في مل اللي يروح للفور وزعيها ثم رشيها بالزبدة الذائبة ولوحيها تتحمر مليح في الفور بعد ما تنحيها اسقيها بخليط من الشربات والعسل وشوية كاراميل ( الشربات تكون ثقيلة )
حطي كمية من لقطايف في ليفيغين اللي عندك ثم كمية من القشطة ثم كمية من لقطايف ثم القشطة ومن فوق غير شوية قطايف
ملاحظة
اول شيئ القشطة انا استعملت قشطة بوك واضفتلها شوية سكر رطب وخلطتها وخليتها تبرد مليح في الثلاجة لانو هاذ الكيفية كي توجديها لازم تأكل في وقتها باه تحسي بقرمشت لقطايف لانو كي تقعد رايحة لقطايف تطرى وما جيكش مليحة
يعني توجديها وتزينيها وتسربيها على طول توكليها ثَم ثَم هاذا الوصفة شرقية

*** سَلَطَةْ الفَوَاكِهْ ***



اكيد الكل يعرفها لكن هاذ لايمنع اني نحطها ما حبيتش نحقرها ههههه لانها لذيذة ومنعشة في ايام الحر
نقي الخضر اللي عندي في البيت اكيد بعد الغسل نقطعهم بالشكل اللي تحبي كبير صغير لكي الإختيار
انا استعملت موز برتقال تفاح فراز كيوي أناناس تفاح
على فكرة كاين اللي يحب يضيف الزبيب معاهم نكهته رائعة هنا ماكانش عندي
نحطهم في بورت مونجي ونيف لهم شوية سكر فاني نتاع لي ساشي ( نوارة) كاس من ماء الزهر ونصف كاس من الشربات تكون شوية ثقيلة و عصير نصف ليمونة
ملاحظة ( ليحب يضيف العسل بدل السكر ممكن)
نخلط بأطراف الأصابع ونسكر عليها ونخيلها من الصبح الى المساء باه تعقد مليح
تقدم مزينة بلاكرام شانتي او رقائق اللوز المحمصة( لوز إيفيلي )

***كريمة الأوريو ***



هاذ الكريمة اللي بالأوريو والله والله من اروع ما يكوووووووون
هنا تحبي تستعملي جبنة الماسكاربون اذا توفرت عندك او جبن كيري مربعات راح يعطيك نتيجة رااااااائعة
1) في بول كبير خلطي الماسكاربون او جبن كيري ( الاحسن يكون بحرارة الغرفة يعني تجبديه من الثلاجة يوم كامل) فرغي عليه نصف علبة نيسلي وخلطي بالخلاط مليح
2) من جيهة ضربي كاس كرام فراش انا استعملت اوبلا وممكن اي كريمة خفق عندك المهم ضربتها مليح بالخلاط الكهربائي ( باتور)
ثم اضيفي حوالي 200 كرام شانتي و 2 م ك سكر رطب اذا حبيتيها جيك حلوة وممكن تستغناي عليه ضربي مليح
3) ارحي 8 حبات قاطو من نوع أوريو
خلطي الخليط الاول مع الثاني بسباتيل من الاسفل الى الأعلى ثم اضيفي الأوريو المرحي وخلطي على مهلك
فرغي الخليط في بوش أدوي وعمري لي فيغين نتاوعك
ذرذري من فوق الأوريو المرحي ودخليه للثلاجة يبرد مليح
وتمتعي بألذ كريمة

***بُودِينْقْ الشُوكُلاَ***





راح يحبوها أطفالك اكيد عن تجربة
في طاوة خلطي بالخلاط الكهربائي صفار زوج بيضات 2 م ك نشاء الذرة 2 م ك سكر عادي ذرة ملح 2 كيسان حليب نصف ملعقة كبيرة زبدة و 200 غ شوكولا مبشورة وخلطي الكل مع بعض ثم حطي الطاوة على نار متوسطة مع مواصلة التحريك حتى تذوب الشوكولا ويقال الخليط
فرائه مباشرة في أكواب التقديم خليه يبرد غير شوية وأبرشي عليه شوكولا ( او ممكن طلعني بياض البيض الي بقالك مع شوية سكر عادي شغل ميرانق وحطيه من فوق وحميره بالشاليمو
روعةةةةةةة روعةةةةةةةة

***الْحَلاَ الْبَارِدْ***



يا عيني على الحلاوةةةةةةةةة
في مول اللي يتفتح نحط اي مسكوتة او جينواز اللي عندك او مسكوتة اللي تتباع رسيها مليح في المول مع الضغط
ثم في طاوة نضع نصف لتر حليب و 2 م ك سكر عادي 1 م ك ناسكافي غبرة و 2 باطات فلان نوارة نكهة الفاني نخلط ثم على النار حتى يثقال ثم نحط الخليط في طاس نتاع الروبو ونضيفلو حبات من قاطو بيمو او أوريو يكون مرحي من قبل نخلط ثم نضيف 150غ كرام شانتي مخفوقة مع الحليب نلوحها على دفعتين ونخلط ثم نفرغ على المسكوتة اللي في المول ونخليه يبرد مليح بعد ذلك نحي من المول في صحن وبنزين بحبات سنيكرس ونذرذر الكاكاو ونعمل خطوط بالشوكولا الذائبة

*** كْرُمْبَلْ المَوْزْ***



ممنوع لاصحاب السكر ( وقد اعذر من أنذر ) راه حلو بزاف
في طاوة نحط 200 غ سكر و2 م ك ماء نخليه على النار ذليلة حتى يتكرمل ثم نضيف كاس تاي كرام فراش وذرة ملح ونخلط حتى يعقد وخليه يبرد
من جيهة نوجد عجينة الكرنبل
80 غ سكر 80 غ زبدة طرية 100غ فرينة 40 غ جوز مرحي فاني نخلط كلش مع بعض ثم بشكل عشوائي نحط في بلاطو على ورق الزبدة والى الفور حتى تحمار عسيها ما تنسايهاش
التزيين
نقطع 3 موز 4 م ك سكر 50 غ زبدة 1 م ص عصير ليمون ونحطهم في طاوة وعلى النار مدة 5 د
نضع اولا عجينة الكرنبل ثم الموز المكرمل ثم كريمة الكاراميل ثم شوية كراميل عادي ونكمل هكذا حتى نخلص
ونزيه بالموز وانصاف الجوز
بالصحة ولهناء

***بَسْكُوتْ بِكْرِيمَةْ المَسْكَارْبُونْ وَ النِتِيلاَ***



ياسلاااااااااااام جربوها وشوفووووووووا
نطلع علبة من جبنة الماسكاربون او جبن كيري 12 قطعة بحرارة الغرفة نصف نطلعو مع سكر رطب والتفاني ونصف نطلعو بنيتيلا
الكمية اللي تساعدك
في لي فيغين نحط بسطوة رولي اللي يتباع نكهة فاني او شوكولا مقطع ونسقيه بالشربات تكون ثقيلة شوية نحط طبقة من الكريمة البيضاء ثم البسكوي ثم كريمة النتيلا ثم البسكوت حتى تخلصي نزين برقائق الشوكولا
صحتين على قلبك حبيبتي



*** تَحْلِيَة الأَرُزْ بِالفَوَاكِهْ***





غلي كاس او زوج من الأرز الأبيض في ماء سخون وديري معاه شوية سكر وخليه حتى يبدى يدخلو الطياب صفيه من الماء
ضعي لتر حليب على النار حتى يبدأ يغلي ثم لوحي الأرز والسكر على حسب الرغبة ولافاني وخليه يغلي على نار هادئة مع التحريك مرة على مرة حتى ينشف لما تنحيه من على النار اضيفي له نصف علبة نيسلي( وممكن الاستغناء عنها) فقط راح تعطيك ذوق رااااائع في ليفيغين اللي راح تقدمي فيهم حطي كمية من الأرز ثم كمية من الفواكه اللي عندك تكوني موجدتها من قبل مقطعة ومخلطة في الشربات ثقيلة
وزيدي ديري طبقة من الأرز ثم الفواكه
هاذ التحلية تصدرلك كمية مليحة وفي نفس الوقت بنينة

*** مَقْلُوبَةْ الأَنَانَاسْ***



يااااااعييييييينييييييييييي وَيَا حلاوتها
نخلط 3 بيضات 6م ك سكر عادي 3 م ك زيت 1 خميرة و1 فاني والفرينة ونخلط الخليط يكون كيما المسكوتة
نحط في لي غامكا شوية كاراميل ودائرة من الأناناس ثم نفرغ شوية من العجينة مانملاش حتى للأخير لأنو فيها الخميرة راح تطلع في الطياب
ولوحيها في الفور حتى تنشف وتحمار شوية حوالي ربع ساعة حتى ل 20د على درجة حرارة180°
لما طيب نحيها وهي سخونة اسقيها بالشربات ( شربيها مليح )
تخرج روعةةةةةةةةةة

*** مَهَلَبِيَةْ البُرْتُقَالْ***



هاذي ثاني ساهلة وبنينةةةةةةةةةةة
نخلط 2 بيضات و فاني مع 4 م ك سكر عادي و 3 م ك نشاء ونصف لتر عصير البرتقال ( ممكن تعملي عصير الغبرة اميلا او تانق )
نخلط مليح ثم على النار حتى يقال مع التحريك المستمر
نوجد في ليفيغين برتقال مقطع رقيق ومخلط مع شوية شربات وكراميل ونصب فوقه المهلبية
نزين بالنعناع او شرائح البرتقال
امممممممممم بنته هااااااايلة ومنعششششششش

*** تَحْلِة الفْلاَنْ بالفَوَاكِهْ ***



نحتاج الى لتر حليب نذوّب فيه علبة فلان رابحة فاني ( باه تتحصلي على الذوق المطلوب ديري رابحة بنينة بزاف) وأضيفي 2 م ك نشاء ( مايزينة) خلطي مليح بارد في بارد ثم اقسمي الخليط على زوج اول جزء حطيه على النار مع التحريك المستمر حتى يثقال مليح فرغي في لفيغين نتاوعك شوية شوية في كل واحد خليه يبرد مليح ويشد روحو قطعي الفواكه اللي عندك (انا استعملت فقط موز وفراز) واضفتلهم شوية كراميل ( علبة رابحة تجي معاها كيس كراميل) حطيهم فوق اول طبقة ثم حطي الجزء الثاني منوخليط الفلان على النار حتى يثقال وفرغي فوق الفواكه ثم الى الثلاجة يبردو مليح مليح قبل التقديم فرغي على الوش الكاراميل وقدميه بالصحة ولهنا
فكرة بسيطة وسريعة واحلى منها مفيش طعم الفواكه مع الكراميل تحفةةةةةةةةةة

*** كْرِيمَةْ المَاسْكَارْبونْ بِنِيسْلِي ***



نخلط بالباتور علبة من جبنة الماسكاربو ونصف علبة نيسلي و2 م ك كرام فراش بودرة نخلطهم مليح نروح للمونتاج
نحط لكريمة في لابوش ادوي ونعمر الكؤوس حتى للنصف ثم نحط اي قاطو عندك ارحيه وديري طبقة فوق لكريم. ثم طبقة اخرى من لكريم. ورشي القليل من القاطو المرحي
اممممممممم لما تبرد روعةةةةةةةة

*** دِيسَارْ بَالأَنَانَاسْ***





نأخذ علبة أناناس نحي الماء اللي فيها نحطو في طاوة ونضيف له بالعلبة واحد ماء و نصف ثم 4 م ك سكر عادي ثم 3 م ك نشاء و نصف ملعقة كبيرة فاني و2 فلان فاني نتاع نصف لتر نصف عصير ليمونة ونخلط بارد في بارد ثم على النار مع التحريك حتى يثقال
نفرغ في ليفيغين ونخليه يبرد
من جيهة
نقطع الانانس رقيق ونذرذر عليه سكر رطب ونخليه مدة ساعة
ثم نزين بيه من فوق ونعمل وردات بلاكرام شانتي نزين برقائق اللوز المحمصة
روعةةةةةةةةةة ومنعشة ويحمر لوجه قدام الضياف
و الشكل راااااائع

***بَسْبُوسَة """"""" وَلاَأحلىَ***



باه نكون صريحة الفكرة فكرة ليزا اللزيزة ههههه وانا سرقتها حرامية خخخخخخ أسفت ليزا بصح تالمو عجبتني حبيت نطبقها ونحطها واكيد مع بعض التحريفات
البسبوسة اكيد الكل يعرف طريقة تحضيرها وممكن نعملوها بخبزة تونس تجي اممممممم
انا استعملت 2 بيضات وكأس متوسط حليب ونفس الكيل زيت ونفسو سكر و1 خميرة كميائية و2 كيسان ونصف دقيق نخلط كلشي مع بعض ونخيلها ترتاح مدة ساعة ثم نفرضها في بلاطو مدهون والى الفور بعد ما طيب نحمرها مليح من فوق ثم نحيها و اسقيها بالشاربات وخليها تبرد ثم فتيها
الكريمة ))واللي هي كريمة النوقا بذوق الكوكاو ذوبت في نصف لتر حليب زوج طراف نوقا ومن بعد نحيت انصاص الكوكاو اللي بقاو بعد ما ذابت في الحليب ثم اضفتلها بعد ما بردت 4 م ك كرام شانتي غبرة و2 م ك مليانين مليح من النشاء وحطيت على النار وحركت مليح حتى ثقالت
نحط اول طبقة من البسبوسة وفرغ عليها شوية عسل ثم الكريمة ثم البسبوسة ونزين بالشانتي طالعة مع شوية حليب بارد
البنة لا تقاوم روعةةةةةة روعةةةةةة بكل معنى الكلمة وكي زادت باتت والله حلاوتها أصبحت اروععععععععع

*** لاَمُوسْ بِ الشُوكُلاَ ***





ذوبي على حمام مائي زوج طابلات شيكولة مع شوية زبدة وشوية عسل او سكر عادي ثم نحي من على النار وأضيفي 4صفار بيض وخلطي بسرعةةةةةة ثم اضيفي البياض المخفوق كالثلج بالتدريج مع الخلط من فوق لتحت حتى يتجانس الخليط فرائه في أكواب ودخليه للثلاجة يبرد مليح ويتماسك ثم طلعني الشانتي بشوية حليب بارد وزيني بلابوش ادوي وقدميها باردة بالصحة على قلوبكم

*** تِيرَامِيسُو ***



طلعي جبنة الماسكاربو بشوية كرام فراش وزوج ملاعق كبار سكر رطب ثم اضيفيلها كرام شانتي طالعة بالحليب البارد ونخلط
نعمل اول طبقة بقاطو برودواي مغروس في قهوة محليا بالسكر ثم طبقة من الكريمة ثم ليبودوار ثم الكريمة حتى نهاية الكأس ثم رشي الكاكاو وخليه يبرد قد مايبرد يجي بنين صحتييييين على قلوبكم

نتمنى من قلبي يكونو عجبوكم ونالو رضاكم وكنت في المستوى
دعوة خير تكفيني

في أمان الله حبيباتي









 


رد مع اقتباس
قديم 2016-06-05, 22:50   رقم المشاركة : 2
معلومات العضو
❀•بَـهَـآءُ الْـرُوًحْ•❀
عضو مميّز
 
الصورة الرمزية ❀•بَـهَـآءُ الْـرُوًحْ•❀
 

 

 
إحصائية العضو










افتراضي

أهلاآآآآآآ أختي إسمهآآآآآآن ♥

رمضآآن مبآآرككك كرييييييييم على الجميـــع ~~

أقــل مآآ يقآآل عنكككك رووووووعةةةة روووعةةةةة حليتيلنآآآآ رمضآآآن بآآركك الله فييكك عزيزتــي ~










رد مع اقتباس
قديم 2016-06-05, 23:05   رقم المشاركة : 3
معلومات العضو
yassmina93
عضو مشارك
 
الصورة الرمزية yassmina93
 

 

 
إحصائية العضو










افتراضي

يا عمرييييي كل شيء يهبل حبيبتي اسمهان و لله جا فى وقتو هدا الموضوع متنوع و رائع كيما نتي و نحيك على الديكور المتميز ربي يحفظك و يجازيك










رد مع اقتباس
قديم 2016-06-05, 23:30   رقم المشاركة : 4
معلومات العضو
اريج 07
عضو محترف
 
إحصائية العضو










افتراضي

ياااااي اسمهانو كنت نستنى في الموضوع بفارغ الصبر يااااي ياااي روووعة حبيبتي كالعادة متالقة والله يعجز اللسان عن الكلام كي نشوف اسمك لساني يتلهوث خخخخ واش نهدر واش نقول صراحة مالقيت مانقول ههههههه تسلميلي يااحلى شاف في العالم ايييه في العااالم حنونتي قالك تاع قناة سميرة يدعوا في ربي متشركش اسمهان في سميرة لخاطر علبالهم تروح عليهم ههههه

احلى تقييم

حقا هذا قاااع و مزلت حابة نشكر مي لساني عجز خخخخ

ربي يحفظك و يحفضلك اولادك يااارب










رد مع اقتباس
قديم 2016-06-05, 23:37   رقم المشاركة : 5
معلومات العضو
أمي جنتي
عضو مجتهـد
 
الصورة الرمزية أمي جنتي
 

 

 
إحصائية العضو










افتراضي

رمضان مبارك عليك اختي اسمهان وعلى جميع اهلك واحبابك ينعاد عليكم بالصحة والراحة ما شاء الله .ما كل هذا الابداع والروعة والإتقان وأكييييييد اللذة لن تكلم عنها ربي يرزقك حنونة وينويلك لي في بالك راكي سهلتيها علينا كثيييييييير ربي يفرحك في أولادك










رد مع اقتباس
قديم 2016-06-05, 23:45   رقم المشاركة : 6
معلومات العضو
mamande3s
عضو مشارك
 
إحصائية العضو










افتراضي

machaa allah machaa allah
mile merci










رد مع اقتباس
قديم 2016-06-05, 23:58   رقم المشاركة : 7
معلومات العضو
fatisousou
عضو مميّز
 
إحصائية العضو










افتراضي

في ميزان حسناتك انشاء الله
ورمضان كريم لك ولكل الامة العربية انشاء الله










رد مع اقتباس
قديم 2016-06-06, 04:47   رقم المشاركة : 8
معلومات العضو
ام رضوان
عضو مميّز
 
إحصائية العضو










افتراضي

رمضان كريم علينا وعليك وربي يقدرنا على صيامو وقيامو
اسمهانو بشوية علينا برك راكي تلفتيهالنا يافنانة
ربي يهنيك ويشفيك والله جاو في وقتهم
وياريت لو تتكرمي وتعاودي تحملي الصور لانه كاين اللي مابانوش
بارك الله فيك شيف اسمهان










رد مع اقتباس
قديم 2016-06-06, 08:17   رقم المشاركة : 9
معلومات العضو
حياتي كلها امل
عضو مميّز
 
إحصائية العضو










افتراضي

اختى اسمهان ربي يحلي ايامك ورمضان كريم عليك وعلى عاءلتك شكرا لك










رد مع اقتباس
قديم 2016-06-06, 08:25   رقم المشاركة : 10
معلومات العضو
دائمة الشكر
عضو مميّز
 
إحصائية العضو










افتراضي

الله الله عليك اختي اسمهان بارك الله فيك
تحليات روعة روعة اممممم رمضانك كريم










رد مع اقتباس
قديم 2016-06-06, 10:15   رقم المشاركة : 11
معلومات العضو
حياة نور الدين
مشرفة منتدى الطبخ
 
الصورة الرمزية حياة نور الدين
 

 

 
الأوسمة
الوسام الذهبي  لقسم الأسرة و المجتمع 
إحصائية العضو










افتراضي

يبارك رووووووعة موضوع يستحق التقييم والتثبيت ووووو ربي يحفظلك صحتك وراكي متميزة في الاطباق وفي التصوير رووووووعة شكراااا










رد مع اقتباس
قديم 2016-06-06, 10:23   رقم المشاركة : 12
معلومات العضو
ام نوردين
عضو محترف
 
إحصائية العضو










افتراضي

ما شاء الله اسمهان روووووووووووووووووووووووووووووعة كلشى يسخف الله يحلى رمضانك وايامك وطول حياتك شكرااااااااااااااااااااااااااااا الله يجعلها فى ميزان حياتك










رد مع اقتباس
قديم 2016-06-06, 10:24   رقم المشاركة : 13
معلومات العضو
toutà mahboulistà
عضو مشارك
 
الصورة الرمزية toutà mahboulistà
 

 

 
إحصائية العضو










افتراضي

الله يبارك شهيييتينا واحنا صايمييين بارك الله فيك










رد مع اقتباس
قديم 2016-06-06, 10:25   رقم المشاركة : 14
معلومات العضو
زهرة الريف*
عضو محترف
 
الصورة الرمزية زهرة الريف*
 

 

 
إحصائية العضو










افتراضي

رمضان مبارك على الجميع إن شاءالله
اسمهان كلش رائع كروعتك وبارك الله فيك على الوصفات التحفة وربي يجازيك خير على المجهود المبذول في الكتابة والتحميل. ....ربي يشفيك ويرزقك صحة الأبدان يارب










رد مع اقتباس
قديم 2016-06-06, 10:59   رقم المشاركة : 15
معلومات العضو
ام هدول
عضو متألق
 
الصورة الرمزية ام هدول
 

 

 
إحصائية العضو










افتراضي

ماشاء ال الله عليك اسمهان فن في التصوير والتقديم بوركتي










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 16:08

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc