ضع مثلا جزائريا و.............

[°~بَسْـمَة أَمَـــ،ــلْ °~]

الفكرة بسيطة وهي ان تضع مثلا جزائريا ولي يجي بعدك يشرح مثلك ويحط مثله وهكدا
مثال فقط *اللي يدخل بين البصلة وقشرتها ما يشم غير ريحتها*
شرحه يعني إلي يتدخل ما بين اثنين يسمع ما لا يرضيه



ابدا اولا مثلي *الجديد حبو والقديم لا تفرط فيه*

[خالدينهو]

القديم عزيز والجديد عزيز
هكذا ولا اكثر

[°~بَسْـمَة أَمَـــ،ــلْ °~]

نعم هكدا ولكن لمادا لم تضع مثلك لاباس ساضع مثل اخر *جامي لا تعلى العين على الحاجب*

[امونة الخنساء]

يعني عندك حاجة جديدة ماتنساش لقديم وماتنساش خيرو وديما تتفكرو
المثل نتاعي هو .... المسلوخة تضحك على المذبوحة والمقطعة شبعة عليهم ضحك
هيا يا شطار بلادي

[أحلام سرمدية]

ربما يعني ديما الناس يضحكوا عليك حتى ولو كنت خير منهم
*******اللي يوالف باللحفا ينسى سباطوا ******

[بنت الحجاج]

" جبت القط يونسني .. عشا يبرقلي في عينيه ..."

[ساحلية]

الهدرة والمغزل تعني :اثناء العمل ليس الكلام فقط بل الكلام والعمل معا قيل هذا قديما

[دارسي]

سقسى لمجرب وماتسقسي لطبيب

[chadha]

كل شاة مربوطة بكراعها

[imi02i]

لوكان فيك الطب ... مايروح راجلك يخطب

[selen]

ضر بالقنطار و الراحة بالوقية

[البلسم الشافي]

لم أفهم المثل السابق :ضر بالقنطار و الراحة بالوقية



المثل تاعي : اللي ضرباتو يدو ما تبكي عينو

سلامي

[أحدهم]

المشاركة الأصلية كتبت بواسطة °~بَسْـمَة أَمَـــ،ــلْ °~

نعم هكدا ولكن لمادا لم تضع مثلك لاباس ساضع مثل اخر *جامي لا تعلى العين على الحاجب*

مجرد تعقيب وتصحيح



جامي لا تعلى العين على الحاجب
جامي تعني jamais بلغة المستعمر وقد ينفي هذا عن المثل جزائريته
الأصح : العين ما تعلى على الحاجب
والله أعلم من قبل ومن بعد

[jackin]

كل خنفوس عند أمه غزال

[سجودي لرب العالمين]

المشاركة الأصلية كتبت بواسطة jackin

كل خنفوس عند أمه غزال

ça veut dire que la mère toujours tchof wlid'ha beau gosse malgrés maychbah lwalo mé hiya tchof fih makach makhir mno
....................
المثل تاعي : لا تعلي شان لي ماعندو قيمة يحسب روحو فلان وهو غير بهيمة