السلام عليكم
اختي انا لست معلمة بل ولية تلاميذ
و لو سمحتي لي اريد ان اضع انشغالاتي و انزعاجاتي من الكتب
فيما يخص كتاب السنة الاولى
خالوطة بمعنى الكلمة
شوية دروس على التعداد ثم يروحو للجمع ثم يرجعو للمقارنة و من بعدها يدخلو النقود و يزيدو يرجعو للتلوين و من بعد التفكيك و الدرس لي وراه يرجعو لترتيب الاعداد من الاكبر للاصغر ثم يرجعو للمقارنة
انا ولية تلميذ و دخت و كرهت من المقرر فما بالك طفل صغير
و في العربية النص المفروض يكون فيها نص سطرين و فيه فائدة و كلمات معبرة ترسخ في ذهن الطفل و عذرا نشوف بلي كل النصوص المدرجة تافهة و ما عندهاش قيمة
الافضل انو تكون على شكل قصة قصيرة تنمي عند الطفل الخيال و تخليه يبدل الكلمات و يشكل قصتو الخاصة
و الدروس بالمواد الاخرى ما فهمتش وعلاش نحاو دروس كثيرة من السنة الاولى
و التربية الاسلامية علاش معظم الدروس نحاو منهم الخلاصة و الاحاديث و الآيات القرآنية ؟؟؟؟؟؟؟؟
مثلا التربية المدنية كل محور فيه 4 دروس كاين محاور دمجوهم
كاين دروس نحاوهم
في محور الزمان و المكان نحاو 3 دروس و خلاو درس واحد يتيم
و نفس الشيء للمرحة الثانية و خصوصا التربية العلمية و الله دروس الكتاب القديم روعة نحاوهم كامل و نحاو الانشطة خلاو الكتاب عار من دون تمارين او انشطة على اساس التخفيف
و الراضيات نفس المشكل
يعملوا الجمع ثم تلقى دروس داخل فيها الطرح ثم يتكلموا على النقود و يرجعوا للقياسات ثم الجمع ثم الطرح و يرجعوا للنقود علاش ماكانش تسلسل على الاقل الاطفال ما يدوخوش
و الاطفال نحاولوا نعطيوهم نظرة شاملة على الدرس يروحوا للقسم يقراو درس آخر علاش ما يطبعوش من الاول الدروس بالترتيب و يخلوهم يكملوا بعض كل درس مكمل للىخر
و ربي يجيب الخير و فرات
كاشما نتفكر اختي راني نزيد