اقتراح لمحبات المفارش . - الصفحة 12

أمّ عبد الله · 2014-09-17, 01:07

السلام عليكم و رحمة الله و بركاته

مرحبا بالأخت جويدة ..... الله يبارك راكي خبرة في هاذ المجال

تفضلي أختي سندس ...... هكذا باش الأخت جويدة تحطلنا مودال آخر :

كما ننتظر المودال لي رايحة تحطولنا الأخت صفاء يوم الجمعة إن شاء الله

سندس1967 · 2014-09-17, 05:38

أمّ عبد الله
وعليكم السلام ورحمة الله وبركاته

يزيد فضلك والله يبارك عليك

بصح لوكان غير زدت صورتيلنا الشرح انتاعو...باش هكذا يسهل علي الخدمة اكثر

الله ينورك

fado19 · 2014-09-17, 14:25

و عليكِ السلام و رحمة الله و بركاته

تقول طليتيلي على قلبي هذا شحال و أنا حابة نتعلم مفرش بالتريكو
.

سندس1967 · 2014-09-17, 14:26

ام عبد الله

ممكن رابط هذا المودال

جويدة2 · 2014-09-17, 16:08

ااهلا بك ام عبد الله و شكرا على تلبية طلب الاخت سندس هكدا منتعطلوش انا الموديل راه من الكتاب يعني معنديش رابط لكن نقدر نشرحلك شوي ونزيد نقولك اتعلمي تقراي الديقرام باش تقدري تعملي اي موديل .

شوفي في هدا المودل عندنا المصطلحات التالية
maille endroit R

maille torse V

maille ensemble 2 Z

jete I

surjet simple U

tiangle surjet double اى المثلث

هده هي الغرز وعندنا في السطر 53 علامة زائد وامامها رقم14 معنها تشتغلي 14 ماي وتنقليهم لطرف التاني تم تبداي الغرز تبعا للرسم.واداكان هناك رمز مدكرتوش قوليلي نوضحو ولا غرزة مفهمتهاش قوليلي نحاول نفهمك بالدرجة.

البداية 6 mailleتقسميهم على 2 و تبعي الرسم الصفوف الغير مدكورة تعملmaille endroit
لما يكون عندك2 jete في الصف الموالي تخدميهم 1 endroit و التانيةenvers يعني يصبح عندك 2 maille وهده قاعدة يعني كون يعود عندك مثلا 6 جوتي تعملي بتنوب وحدة اندروا والتانيةانفير الثالثة اندروا والربعة انفير حتى تخلصي لجوتي تاعك
ساكتفي بهدا القدر ابدئي الشغل وادا لقيتي مشكل سوف اردعليك موفقة ان شاء الله.

سندس1967 · 2014-09-17, 16:24

جويدة2

بارك الله فيك
انا علاش سالت على الرابط ...لان ام عبد الله حطت نفس المودال لحطتيه انت ...وعلى هذا الاساس قلت بلاك هي عندها الرابط لان انت يبان من الكتاب وشكراعل التوضيح وبارك الله فيك

أمّ عبد الله · 2014-09-18, 19:15

السلام عليكم و رحمة الله

أعتذر أختي سندس ...... لا أملِك لا الشرح و لا الرابط

هذا المودال كان عندي فالميكرو ...... امالا كي قلتي للأخت جويدة تطلعهولك ............ قلت راهو واجد بلا ما نتعبوها

أمّ عبد الله · 2014-09-20, 19:35

السلام عليكم و رحمة الله و بركاته

كيف حالكنّ أخواتي ؟؟؟

أختي صفاء غير الخير ؟؟؟ استنيتك بالجمعة تحطي لاناب و لكنك لم تدخلي ؟؟؟

يسّر الله جميع أمورك أختي

أستودعكم الله الذي لا تضيع و دائعه ... إلى لقاء قريب إن شاء الله

صفاء النفس · 2014-09-20, 19:56

وعليكم السلام
راني كنت معرسة خارج المدينة وما رجعتش بكري للدار .. ضرك انصور المفرش ..

أمّ عبد الله · 2014-09-20, 20:20

مبارك عليكم العرس أختي صفاء .... جعل الله جميع أيامك فرح و سعادة

صفاء النفس · 2014-09-20, 20:30

صفاء النفس · 2014-09-20, 20:32

ما تتقلقوش راني نحطلكم الشرح .

محمد ناجي76 · 2014-09-20, 23:30

أنا فرحت بزاف كي لقيت كاين لي مهتم بهذه الصنعة أنا نحب بزاف الكروشي و كذلك نخدم لي زيقوي سيركيلار و خدمت بيهم مفارش دائرية و بيضوية الشكل و كذلك خدمت بيهم كوفرولي . بصح ما نعرفش نحطلكم الصور لوكان ساعدتكم.

أمّ عبد الله · 2014-09-21, 05:55

السلام عليكم و رحمة الله و بركاته

اقتباس:

المشاركة الأصلية كتبت بواسطة صفاء النفس

ما تتقلقوش راني نحطلكم الشرح .

جزاك الله خيرا اختي صفاء .........بإنتظار الشرح

اقتباس:

المشاركة الأصلية كتبت بواسطة محمد ناجي76

أنا فرحت بزاف كي لقيت كاين لي مهتم بهذه الصنعة أنا نحب بزاف الكروشي و كذلك نخدم لي زيقوي سيركيلار و خدمت بيهم مفارش دائرية و بيضوية الشكل و كذلك خدمت بيهم كوفرولي . بصح ما نعرفش نحطلكم الصور لوكان ساعدتكم.

متشوقة لرؤية أعمالِكِ أختي و خاصة الكوفرولي ....... تفضلي هنا ستجدين طريقة وضع الصور .

djamilach23 · 2014-09-21, 07:32

اقتباس:

المشاركة الأصلية كتبت بواسطة سندس1967

djamilach23

والله العظيم وجيتي قريبة لي غيرنشريهملك هدية من عندي خاطرش راني حاسة بيك وبعيد الشر عليك لاتنسيون

ربي ايعيشك يا سندس ويعطيك ما تتمنين ويجعل اعمالك كاملة في ميزان حسناتك الله ابارك فيك. رغم انني مالقيتهمش وامع لاتونسيون ولن اياس باذن الله وساجدها مشكورة اختي.