من فضلكم ................ تم الرد

[ام عبد المغيث]

السلام عليكم

منف فضاكم اخواتى راه عنددى مشكل مع الكفة بعض المرات يجى الكتان عوج ومن نكفه
رها الكفة تجى عوجا وكل مرة نقص شويا مل كتان والو عوجا قولولى واش الحال رانى قصيت قريب نص متر الكتان
وهاهي الكفة

[IMG][/I

MG]

[مياسم الصمت]

وعليكم السلام ورحمة الله وبركاته
الكفة تكون معوجة بالطريقة هذه لأسباب منها
انه القماش يكون مقصوص عوج
او انه يكون القماش يتمدد وخاصة في اتجاه الكفة
ومرات لما تكون القصة دائرية مثلا فستان من تحت تكون قصته دائرية نوعا ما

تلاحظي في فساتين البنات خاصة انهم يكفوا مرة واحدة
يديروا الزيقزاق ومن بعد يطبقوا القماش مرة واحدة ويخيطوا
انت حاولي في تخدمي كما هكذا
واذا كانت مشينتك ما فيهاش الزيقزاق او حتى في كفة قندورة
اظن هذي راهي كفة تاع قندورة ؟
طبقي الكفة مرة واحدة بقدر صغير اقل من اصبع وامشي بالابرة
لما تكملي الدورة كامل
زيدي الدورة الثانية حتى تدخلي هذاك الخياطة الاولى وما تكون ظاهرة

لكن هنا حتى ما يكون الشكل هذاك الي في الكفة المعوج
لازم يكون الوجه الظاهر هو الي مقابلك وتكفي
علاه حتى اي ديفو يتخبى تحت
ومن بعد حدديها عكس الاتجاه الي تشوفي جاية فيه هذاك العوج رايحة تتعدل وتختفي
انا لما يكون القماش فيه هذا المشكل داييما نخدم كما قلت لك
نتمنى تكوني فهمتيني وما كثرت الهدرة عليك وشوشتك

[ام عبد المغيث]

ش

كرا لك اختى ويارك الله فيك ياريت توضحيلى هدى مفهمتهاش

لكن هنا حتى ما يكون الشكل هذاك الي في الكفة المعوج
لازم يكون الوجه الظاهر هو الي مقابلك وتكفي
علاه حتى اي ديفو يتخبى تحت

[مياسم الصمت]

شوفي كما قلت لك حتى تتحكمي في القماش و يتلوى كما في الصورة التي عرضتها
عوض ما تكفي مرة كفي مرتين
وفي كل مرة اطوي القماش مرة واحدة برك
انت درك وطبعا في الحالات العادية لما يكون القماش مساعفنا في الكفة نطوي القماش مرتين ونخيط
متفاهمين
هنا لا
المرة الاولى اقلبي القماش مرة واحدة وخيطي قيس ما تديري كفة رقيقة
ولما تكملي
اقلبي القماش للمرة الثانية مرة واحدة
لكن حتى تتأكدي انك قاعدة تخيطي مليح بدون ما يتلوى القماش
خلي الوجه تاع القماش هو مقابلك
يعني الخياطة اللي تكون برا
الكفة الثانية تكون هي التحت و الظاهر هو الي في وجهك

لانه الخياطة وجهين
انت في الخياطة لما تحطي الرجل تاع الابرة لازم يكون الوجه تاع القماش منين رايحة تلبسي مقابلك
حتى يكون نظيف ومتقون وتشوفيه لما يتلوى وتحاذري بالشوية

[ام عبد المغيث]

شكرا اختى وبارك الله فيك
الحمد لله رانى فهمتك
ربى يجازيك كل خير