ʚïɞ تطبيقات الفراشات ʚïɞ - الصفحة 12

نجوىعادل · 2015-05-05, 12:42

شكرااااااااااااااااااااااااااااااااااااااااااااااا ا

نجوىعادل · 2015-05-05, 13:06

شكرااااااااااااااااااااااااااااااااااااا

نجوىعادل · 2015-05-05, 13:07

شكراااااااااااااااااااااااااااااااااااااااا

حسناء القمر · 2015-05-05, 13:58

مساء الخيرات على احلى القمرات

حبيييبة · 2015-05-05, 18:36

لما تتحسن الانترنت قليلا نطلعلكم البقية باذن الله
راهي ثقيييييييييييييلة ثقييييييلة بزاااااااااااااف
لدرجة تخلي الواحد يتقلق
المهم
ان شاء الله يعجبوكم حبيباتي
روتيناتكم رااائعة
و تطبيقاتكم دلت على مدى تقدمكم في طريق التغيير
ربي يعينكم و يباركلكم ياا رب

YASMINE SILA · 2015-05-05, 19:49

كشروداتي الشعطوطات
اليوم نضت على الثااامنة راني في فترة عذر و الام في بطني قتلتني
المهم ستيكيت روحي و شربت حليبي و بدات اشغالي نفضت الفراش و مسحت الارضية و عاودت رتبت كل الغرف
تغذيت انا و ماما و غسلت الاواني و درت قيلولة
العشية نضت طويت الملابس و كويت البعض و توجهت للمطبخ درت ارز بالاجنحة جا هاااايل - ههه حوحو يشكر روحو- و الدليل بابا مايحبش الارز لكن ملي اعتمدت طريقة الهام ولاو الكل يحبو ياكلوه
بالنسبة التنظيفات نحيت الابواب نتاع الادراج السفلية للمطبخ كانو موسخين شوية و غسلتهم مليح مليح و حطيتهم ينشفو - الابواب من خشب و غسلتهم لانو فيهم عدة طبقات من الvارني لذلك ماراحش يتنفخو من الماء -
ذرك نروح نقي وجهي بالحليب و نقرا شوية في كتابي - الرجال من المريخ و النساء من الزهرة - بدا هاذ الكتاب يستهويني -
في امان الله

سمية شو · 2015-05-05, 19:56

السلام عليكم و رحمة الله و بركاته

ان شاء الله تكونو كامل بخير الفراشات و معلمتنا حبيبة

و اخييييييييييرا لقيت شوييية وقت نصور تطبيقاتي و نحطها

اولا رح نبدأ بجداول الروتينات

صورتلكم مذكرتي هاذي الصفحة الاولى

و الصفحة الثانية كتبت فيها جمييع التطبيقات لأني متأخرة في تطبيقات الحملة الربيعية لأني كنت في بيت والديا لانهم كانو مسافرين باش كي نرجع لداري يسهل عليا التطبيق

و هذا برنامج التنظيفات اليومي كيفته و ظروفي

و هاذو جداول روتيناتي

و هذا تطبيقي لتلميع الحوض الحمد لله الان تقريبا راني مداومة على هذا التطبيق

باقي التطبيقات راني نحاول نلتزم بيها قدر المستطاع و راني حاكمة مكاني في الطائرة منذ بداية الرحلة و راني حكمني فضول عملاق باش نعرف وش المفاجأة يا حبيية

آسفة يا معلمتنا و الله تمنيت لوكان كان عندي الوقت نتواصل معاكم مع اني حاسة ان الدورة ولاتك يما بيتي نعرف كل البنات و نتفاعل مع قصصهم و ندعيلكم كامل لكن وقتي ضيق و ما نقدرش نتفاعل كتابيا دائما مازال ما ضيطتش وقتي

ربي يقدرك على فعل الخير حبيبتنا حبيبة و ربي يبلغنا رمضان و هو راض عنا سلااام حبيباتي

أم فاطيمة · 2015-05-05, 20:30

السلام عليكم و رحمة الله و بركاته
لبنات يعطيكم الصحة راكم مزهيين الحالة
حبيبة الحبوبة غيرتيني منين خدمتي للبنات رتيناتهم
انا ماعنديش التزامات يعني كل وقت و كيفاش
ماعدا الصلاة في وقتها
ياريت تخدميلي واحد منعندك نعتمد عليه في حياتي
و نخلصك بدعوة نتاع خير تخدم عليك دني و اخرة ههه

ام اكرم31 · 2015-05-05, 21:27

اختي حبيبة ربي يجازيك ويبارك فيك العمل الدى قمت به رائع عجبني بزاف انا كتبتلك جداول ياريت تخدميلي واحد هكا وادا كان فيه نواقص اضيفيهم وانا اطبق البرنامج بالحرف ان شاء الله

Minnnaaa · 2015-05-06, 13:55

كيف حالكن يا فراشات ؟

ماشاء الله ماشاء الله راكم فووووور

ربي يبارك ويزيد
انا الحمد لله راني فرحانة بروحي راني شادة فالبرنامج :d:d
الجانب الديني راني قريب نختم المصحف(بديت قبل الدورة)+الصلاة في وقتها قراءة صفحتين من القران بعد كل صلاة+الادكار+الاستغفار
الجانب التجميلي تطبيق روتين النظر للمراة +الدعاء( اللهم كما حسنت خلقي حسن خلقي)
ماكياج خفيف الصباح والمساء
الجانب التنظيفي كملت الحملة الربيعية وراني مع الحملة الرمضانية+تطبيق تلميع الحوض كل ليلة

الجانب التربوي راني دايرة جدول الروتينات الثلاتة بصح مشي غير نتاعي درت نتاعي في الاجوندة نطل عليه قبل ما نرقد والصباح
ودرت جدول لولدي وعلقته له قدام البيرو نتاعه
وزدت واحد لبنتي وعلقتهلها (عجبوها الملصقات مع راها عادا مادخلتش تقرى) وساعدني نتاع بنتي بزاف باش ماتبقاش غير تدور مورايا ههههههه
وهادا تقريبا الملخص وكل ما يساعدني الحال ندخل نفصل كل جانب
اسمحولي درك نخليكم وربي يقدرنا ويقدركم

حبيييبة · 2015-05-06, 14:10

السلام عليكم حبيبات قلبي
واش احوالكم ان شاء الله بخير

هاذي مجموعة
و البقية قادمة في الطريق باذن الله

fani09 · 2015-05-06, 15:23

اشكرك الاخت حبيبية الملايين

انا عن تطبيقاتي رتني نجاهد كلش ماشي الاماكن الساخنة كملت الثلاجة والفرن ران مع بلاكارات تاع الكوزينة

غدوة باذن الله نبدل قش الشتاء بقش الصيف

راح نزيد تحدي الديني هاذ الاسبوع مع ران نمشي على الروتين واليوم نكتب الروتين تاع و نصورو ان شاء الله

سلام لكل البنات وربي يوفقنا ان شاء الله

حسناء القمر · 2015-05-07, 19:39

مساء الخيرات على احلى البنات

بعيدة المنال · 2015-05-07, 23:13

أولا : حبيبتي وتوأم روحي ألف شكر على هذه الهدية الرائعة ما تصوريش قدماه فرحتني خاصة وهي بلوني المفضل ربي يفرحك دنيا وآخرة
اليوم يوم التقييم : الحمد لله على نعمة الصحة ا الأسبوعين الفائتين والأسابيع القادمة بحول الله سأكرس كل جهدي لأبنائي كي يجتازوا عقبة الامتحانات بسلام : مساعدتهم في التحضير والحفظ مع أكلات مغذية ، عصائر طبيعية - خاصة مع الحر ربي يلطف بينا -
- تطبيقاتي تسير ببطء لكن الحمد لله التحسن ملحوظ الحملة الربيعية متأخرة قليلا بحكم أنني معنية أيضا بالامتحانات : تحضيرا وتصحيحا والله خرجوا عينيي
لكن بإذن الواحد الأحد سأصل - لإن تصل متأخرا خير من ألا تنطلق أصلا- لا أدري إذا كانت هذه المقولة موجودة سابقا أو ضرب علي الليل عدت نخرط -
وباعتبار سير الأعمال لا بد أن يكون على حسب الأولويات راني نظمت برنامجي على هذا الأساس - لاإفراط ولا تفريط -

أمة الله 84 · 2015-05-08, 00:01

سلام عليكم
حبيبتي حبيبة بالنسبة لتقييمي لهذا الأسبوع الحمد لله راني نلاحظ نفسي أتحسن يوما بعد يوم وهذا لنصائحك و نصائح حبيباتي الفرشات و كي نشوف تطبيقاتهم نزيد حماس ربي يدوم علينا هذه النعمة يارب.
الجانب الديني نقول متوسط و مادبيا أن شاء الله نزيد
الأماكن الساخنة تقريبا قضيت عليها ما يقي إلا القليل
برنامج الأسبوع مغسلتش بزاف و معول أن شاء الله هذا الأسبوع نغسل شوية
مازلت شوية منهتمش بنفسي يعنى نعطي اولوية للمنزل و الطبخ و الأولاد و هذه النقطة لازم نعالجها.
الحوض الحمد لله نلمعو يوميا إلا مرة وحدة في هذا الأسبوع غلبت مغسلتش ماعن في الليل
تخلصت من قش الشتاء غسلتو وخبتو و جبدت تاع الصيف.
اليوم سيقت الدار كامل عميقا كيما راني حاطى في روتيناتي
راني نحاول نتقيد بهذيك الروتينات قدر المستطاع إيييييييييييييييييييييييييييييييييييييييه كي زدت شفت هديتك و الله فرحت و قلت لازم ألتزم بها راني نسختها ومديتها للزوج قلتوا أديها للفوتوغراف نديرها كبيرة و نحطها في المطبخ لكن مازال مدرهاليش.
على العموم هذا واش درت ياااااااااااااااااااااارب وفقني و ووفقت كل الفرشات يارب.