الخيانة

[ام رضوان]

السلام عليكم
الخيانة نذااااااااالة
وكل من خان مرة راح يعاود2و3 .

[ManouraHilwa]

اللهم صل وسلم على سيدنا محمد

[ام كنزة]

الله يستر والله انا جربت انك تنخان شيى صعب ومديتلو فرصة وسامحتو الثقة شوي كانت صعيبة باش تتبنى من جديد بصح كلش فيه خير يمكن حوايج كنت مش شايفتهم كانو ناقصين فيا تلك الخيانة خلاتني نشوفهم وانا نرمي كل الوم على بنات الحرام يحبو يبنيو سعادتهم علي حساب تدمير العايلات

[لحن الحياة.]

الرجل يخون في حالتين -
-اذا حرم من التعدد
-او اذا كان دارهم هوما لي اختارولو زوجتو (لانه لي يختار وحده اكيد يكون ميت عليها و ما يخونهاش)

[ام رضوان]

المشاركة الأصلية كتبت بواسطة jill

الرجل يخون في حالتين -
-اذا حرم من التعدد
-او اذا كان دارهم هوما لي اختارولو زوجتو (لانه لي يختار وحده اكيد يكون ميت عليها و ما يخونهاش)

راكي غالطة مكانش منها.

[لحن الحياة.]

المشاركة الأصلية كتبت بواسطة ام رضوان

راكي غالطة مكانش منها.

لالا مانيش غالة يا اختي خصوصا في مسالة التعدد اذا كان الرجل حاب يعدد وما قدرش اكييييييييييييييييييييد اكيييييييييييييييييد يسلك طريق اخر .... اصلا في وقتنا راهم المزوجين هوما لي حابين يعاودو والشباب حاصلين في هم الزمان تع الخدمة وووو

[ام رضوان]

المشاركة الأصلية كتبت بواسطة jill

لالا مانيش غالة يا اختي خصوصا في مسالة التعدد اذا كان الرجل حاب يعدد وما قدرش اكييييييييييييييييييييد اكيييييييييييييييييد يسلك طريق اخر .... اصلا في وقتنا راهم المزوجين هوما لي حابين يعاودو والشباب حاصلين في هم الزمان تع الخدمة وووو

والله يااختي نعرف نساء بزاف تعرضو للخيانة من طرف ازواجهم
اولها صديقتي اللي ماجا وين يديها حفاو رجليه وبعد 21سنة زواج وحب خانها مع واحدة في الفايس بوك ماتسواش حتى ظفر زوجتو.
وزوجته تقل للقمر طل ولا نطل.
والثانية كي اعطاه ربي المال خانها زوجها وضبطت مكالماته وراهي صابرة لاجل اولادها
والالى زوجها جهدو يكفي اولادو يعني كيما نقولو اسرة واحدة مش قادر عليها
على هذا قتلك راكي غالطة يعني كاين اسباب بزاف للخيانة وابرزها فتنة النساء
وتحبي نزيدك نزيدك
حسبنا الله ونعم الوكيل في كل واحدة خربت او قاصدة تخرب اسرة

[hiba hajer]

الخيانة سببها ضعف الايمان و البعد عن الله سواءا للرجل او المرأة و في بلادنا الله يبارك راهم غير يتسقمو اما اللي يقول تقصير انا في رأيي ليس بسبب لان التقصير عنده حلول لكن عندما يبعد الانسان عن الله يضعف ايمانه و يأثرو عليه شياطين الانس

[djazia87holi]

الخيانة معندهاش مبرر ولا سبب الخيانة اصعب شئ سورتو بين زوج متحابين مي الوقت لي رانا فيه ربي يسترنا ويستر اولادنا ان شاء الله مي لازم نواجهوها بتوعية انفسنا واداصرات لازم واحد منالطرفين يغفر زلة الاخر باش نكملو الحياة وادا كان كل واحد يخون والطرف الاخر يعس فيه على غلطة. مايقعدوش زوج متفاهمين وكيما يقولو ادا لقيت زوج متفاهمين راه الدرك علي واحد فيهم ودايما تكون المراة لي تتفر فيها لخطراه لوكان ماتصبرش يقللك المراة هي السبب في الطلاق لوكان صبرت وحملت على جال ولادها واش نقولك هده هدرة المجتمع نتاعنا

[AMINA.Z]

عندما نتحدث عن الخيانة
لا نتحدث الا عن الاخلاق
و لا داعي لتبرير الخيانة بنقص الهتمام و كثرة الفتن و و و و
اللي مربي يخاف ربي

لو كان الامر بيدي لحكمت على كل خائن و خائنة بالاعدااااام

[(( هبة الرحمن ))]

سبب الخيانة ( نقص الوازع الديني عند المسلمين هذا أمر مفروغ منه

لكن بصفة عامة :

انعدم الحب الصادق الحقيقي بين الزوجين ، لأن الزوج (ة ) إذا أحبّ بصدق لدرجة عدم قدرة استغناء أي طرف عن الآخر لن يخونه أبدا ولو بفكره، كثيرا ما نجد أحد الطرفين يصلي ويعرف دينه جيدا لكنه يخون ، والسبب أنه لا يحفظ الودّ أبدا ....
المرأة تخون ، والرجل يخون ، الأمّ تخون والأب يخون والابن يخون ، الكلّ رضع الخيانة للأسف ، من يخلص ، يخلص مع الجميع ، وا أسفاه على مجتمعنا وعلى تربيتنا وعلى عقلياتنا وعلى وعلى وعلى ...........
على أمهات الجيل الصاعد أن يحسنّ تربية أبنائهن ، الحث على الوفاء والإخلاص والصدق وحفظ الأمانة ، تصوري أختاه لمّا تخرج الأم من بيتها وتوصي أبناءها بألا يخبروا أباهم بكذا وكذا ، هل تعتقدين أنهن ينشئن أبناء أسوياء - مستحيل -
علينا أن نعيد النظر في طريقة تربية الأبناء وتأسيس أسر متينة مبنية على الحب والتفاهم والاحترام .. الأسر الجزائرية لم تعد تجتمع إلا في رمضان على المائدة ، وإن اجتمعوا سرعان ما يتحول اجتماعهم إلى مناوشات واختلاف وووو.

[sniper veto]

ربي ييستر الأحوال