الثقة

[مشكلتي]

اخوانى الكرام السلام عليكم حبيتكم تشورو علي ونتمنى من المشرفين عرض مشكلتى باسرع وقت انا مبقاليش على عرسي وهدى الفترة كاين شوية خلافات المهم اليوم عيطلى وقالى بلي دخل للفيس تيعى وشاف ليباج لدايرتلهم جام مالا طاح فى باجة مش ملاحة خلاص وجانى يقولى زيماه انتى تعرفى ربي وتشوفى فى هدوا الصوالح انا تشوكيت مش لانى عاملة حاجة لانى متوقعتش هدا الشئ وزيد طريقتو كلي يتهم ويحقق مش يسال انا دخلت للفيس واتاكدت وطلع هدرتو صحيحة وانا مانحلفش مى انا نخاف من ربي ووالدي رباونى وجامى ندخل ولا توقعت نهار تصارالى هدى الحاجة وديجا نخمم واش درت باه ربي فضحنى وهو لطول عمرو ساتره معاى انا تالمون ندير جام على نية وساعات ماندخلش للباجة ونديرلها جام مانعرف زيماه طحت فى هاد لخماج المشكلة انو هدى الصفحة ماتجيش مانشورتها عندى تورما رانى نحيتها انا اصلا لا علاقة فايس بوك عمالتو نشاتى مع لبنات برك المهم انو هو تانى لاعلاقة ومالقيت زيماه نفهمو بلى رانى خاطينى حبيتكم دبرو على واشندير حاولت نحكى معاه ياسر مى وصلنا لبلايص مش ملاح قالى كون جا وحد اخر فى بلاصتى راو مانعرف واش دار انا قتلو كون ليراح يدينى ما يوثقش فى نقولو باى باى هو ماعجبوش الحال جامى ولا صرالتى فى عمرى بابا عامل فى تقة اكبر مما تتخيلو وديما كنت قدها وخواتاتى كيف كيف جاتنى كبيرة يتحقق معاى على حاويج هكا وهدرتو ماعجبتيشوردى عليه ماشفاش غليلى تتخيلو قالى لكان حابة حاجة انا نمدهالك مش محتم تروحى لهدو الصوالح مع العلم انو عاقدين وشرعى مى انا هو نحشم منو وجامى ولا هدرت معاه كيمالينات وهدى مشكلتنا انو خجولة بزيادة زيماه نقدر حتى نشوف لحاجة كيما هك قولولى مخى حبس واش ندير باه نمحى هدى المشكلة من اصلها وشكر

[Some1]

قوليلو كون جيت ندخل لهدوك لي باج راني معطتكش كلمة السر باش تدخل للصفحة تاعي

[فارس وجواد]

السلام عليكم :
نفهم من كلامك أختي , أنك دخلت إلى تلك الصفحة دون أن تدري , و سجلت الإعجاب دون أن تدري ,
أو أن عفريتا أو جنيا قام بذلك , أو كما قلت أنت نـــــــــــية .
يـــا أختي لنكن واقعيين قليلا , تعلمين و كلنا يعلم أن هذه المواقع فيها السلبي أكثر من الإيجابي ,
و أنا أتعجب من فتاة على ذمة رجل , أو رجل متزوج أو مرتبط , ما زالوا مع تلك المواقع ,
أخطأت أختي , و لابد أن تعترفي بخطئك و تعتذري من خطيبك , و كعربون محبة , قومي بمسح حسابك نهائيا ,
هكذا يحذف كل الماضي و معه ستحذف تسجيلات الإعجاب أيضا .

[*ألخيال*]

اظن ان هذا هو حال اغلب من لم يلتزم باجراء عملية حماية لحسابه فحسابك قد تعرض للقرصنة وهنالك الكثير من الصفحات الدينية المشبوهة وروابط اكتشاف ثغرات وهمية حين دوسك عليها ستقوم بالنشر نيابة عنك وتسجيل الاعجابات نيابة عنك
واعتقد ان حاسوبك مفيرس وحتى لو فتحتي حسابا آخر فسيكون الامر كسابقه والحل هو تعطيل الحساب نهائيا والاكتفاء بالمواقع ذات الفائدة كالمنتديات وموقع جوجل بلس

[first first]

تصرف خطيبك عادي في عادي........وكثر خيرو راه جا يقولك ويلومك................يعني واش حبيتي يجي يقولك يابنت الناس لاباج لي درتيلها جام عجبتني وبينتلي بلي بنت نظيفة وتصرف تاعك ماكانش كيفو؟؟؟
المهم انا لااشك في اخلاقك اختي.........................ولعلك كما قلتي درتي جام دون وعي.يعني غلطتي...لان جام هادي بكليك واحدة تندار.لاعلينا ماعلابالكش كيفاش خرجت اصلا.....................حاولي تفهميه بالتي هي احسن...قوليلو راني حليت لاباج وليقيت عندك الحق وحاولى تفهميه انك لست من زوار هته القدارة.
والله .الشك راه داير حالة....................حتى اصبح الانسان لي خاطيه يحشم يقول خاطيني..لان اول صفة يلصقوها فيه انو كادب منافق ويما تحت السواهي دواهي.
وانا نقولكم مايقرى السفيه الا مافيه..................يعني نشكو ماعليهش لكن ان لانضع اي احتمال ان الانسان صادق رغم وجود شيء يدل على الشك هدا يجيبلنا مشاكل كبار.
انا هنا لااقصد خطيبك...بل اقصد من اتهمك تهمة لاغبار عليها انك من عبدة هدا النوع من لي باج.

[مياسم الصمت]

السلام عليكم ورحمة الله وبركاته

معذرة من الجميع المواضيع التي تطرح في قسم مشكلتي ليست نقاشية واقتباس الردود ولا للاساءة لصاحب المشكل

نرجو الالتزام بقوانين المنتدى

من رأى واجب النصح فليفعل ومن أراد غير ذلك ليلتزم بالمرور دون ترك أثر

[عبد الله 22]

إي واحد سوى كان رجل او إمراة سيخلق له هذا الموقف تسأولات حول الطرف الاخرى ، لكن أرجوا ان لا تعتبري أنه إنقص من أخلاقك لأنه لو لم يقدرك ماكان ليقبل على الزواج منك وانت الان في محل شبه يبقى المهم ان تكوني صادقة وصافية من الداخل ، بالإضافة إلى عدم التسرع او التهور في حالة الاحكام التي قد تكون قاسية من طرف زوجك بالتوفيق

[jissi]

المشاركة الأصلية كتبت بواسطة مشكلتي

اخوانى الكرام السلام عليكم حبيتكم تشورو علي ونتمنى من المشرفين عرض مشكلتى باسرع وقت انا مبقاليش على عرسي وهدى الفترة كاين شوية خلافات المهم اليوم عيطلى وقالى بلي دخل للفيس تيعى وشاف ليباج لدايرتلهم جام مالا طاح فى باجة مش ملاحة خلاص وجانى يقولى زيماه انتى تعرفى ربي وتشوفى فى هدوا الصوالح انا تشوكيت مش لانى عاملة حاجة لانى متوقعتش هدا الشئ وزيد طريقتو كلي يتهم ويحقق مش يسال انا دخلت للفيس واتاكدت وطلع هدرتو صحيحة وانا مانحلفش مى انا نخاف من ربي ووالدي رباونى وجامى ندخل ولا توقعت نهار تصارالى هدى الحاجة وديجا نخمم واش درت باه ربي فضحنى وهو لطول عمرو ساتره معاى انا تالمون ندير جام على نية وساعات ماندخلش للباجة ونديرلها جام مانعرف زيماه طحت فى هاد لخماج المشكلة انو هدى الصفحة ماتجيش مانشورتها عندى تورما رانى نحيتها انا اصلا لا علاقة فايس بوك عمالتو نشاتى مع لبنات برك المهم انو هو تانى لاعلاقة ومالقيت زيماه نفهمو بلى رانى خاطينى حبيتكم دبرو على واشندير حاولت نحكى معاه ياسر مى وصلنا لبلايص مش ملاح قالى كون جا وحد اخر فى بلاصتى راو مانعرف واش دار انا قتلو كون ليراح يدينى ما يوثقش فى نقولو باى باى هو ماعجبوش الحال جامى ولا صرالتى فى عمرى بابا عامل فى تقة اكبر مما تتخيلو وديما كنت قدها وخواتاتى كيف كيف جاتنى كبيرة يتحقق معاى على حاويج هكا وهدرتو ماعجبتيشوردى عليه ماشفاش غليلى تتخيلو قالى لكان حابة حاجة انا نمدهالك مش محتم تروحى لهدو الصوالح مع العلم انو عاقدين وشرعى مى انا هو نحشم منو وجامى ولا هدرت معاه كيمالينات وهدى مشكلتنا انو خجولة بزيادة زيماه نقدر حتى نشوف لحاجة كيما هك قولولى مخى حبس واش ندير باه نمحى هدى المشكلة من اصلها وشكر

وعليكم السلام اختي صفحات الفايسبوك مش محتمة ديري جام عليها باش تولي مشتركة في الصفحة احيانا كي تكليكي على منشورات او اخبار في الانترنت تلقاي روابط وساعات معنتها جام لاحدى الصفحات وتاني بعض الصفحات اللي تكوني معجبة بيها تضيفك تلقائيا لصفحات اخرى دون اغفال الكثير من الصفحات ربي يهذيهم يغيروا اسم ونشاط الصفحة. كي تشوفي حاجة ما تعجبكش الغي الاعجاب وفقط

[loulou88]

السلام عليكم
اختي زوجك من الجيد انه اخبركي احسن من ان يبقى يطلع ويهبط وحدو
اختي انتي بيدك الحل لاقناعه بانكي بريئة
موفقة

[hodahodahoda]

السؤال المطروح لمادا لم تغلقي حسابك نهائيا بعد الخطبة و تفتحي حساب جديد او لا تفتحي اطلاقا

[الجنة الجنة]

بما انه خطأ عفوي يعني تعمل مرة وماشي مرات عديدة قوليلو شوف كل ما كنت نقوم به على الفيس بوك واحكم بنفسك سيقتنع بنفسه بانك بنت الاصل