تعبانة كثير - الصفحة 3

حسينة 36 · 2012-01-29, 21:59

اكثري الاستغفار كثيرا والصلاة والدعاء في كل الاوقات وصلي الاستخارة دائما واقرئي سورة يس في كل وقت وان شاء الله تتيسر امورك

ماهذا الا شيطان يوسوس لزوجك ويوسوس لك ليفد ما بينكم

اما خطيبك حاولي اقناعه ان يغير رايه عن الظنون والشكوك لانها ستخرب حياتكما معا

ربي يكمل بيناتكم بالخير

سارة هبة الرحمان · 2012-01-29, 22:51

اقتباس:

المشاركة الأصلية كتبت بواسطة *malak elayle*

السلام عليكم
اليوم حبيت نفتح قلبي ليكم بالاك نتوما ادبرو عليا وتريحوني
كل واحد نشكيلو يشوف المسالة عادية لكن انا المسالة خلاااااص هلكتني انا وخطيبي هو انسان شافني عجبتو جا خطبني
وتفاهمنا على عامين نتزوج بعد الخطوبة يعني كي نكمل قرايتي تمتم. لكن فترة الخطوبة طولت كثير كل مرة يقلي العرس العام الجاي و انا كملت قرايتي ودوكا راني نخدم
وانا خلاص كرهت الهدرة في الهاتف و اصلا رجعت مانحبش نهدر معاه في الهاتف الله غالب كرهت كل شيء
ورجعت نخرج بلا مانقولو رجعت مانشاورو في حتى حاجة حاسة روحي كرهتو بعدما كنت نحبو نموت عليه كنت هابلة عليه
والان تقرر موعد العرس في جوان
لكن انا نفسيا راني كارهة بعدما كنت نستنا فيه يحددلي موعد العرس
وطلبت من اهلي يفسخو ويبطلو لكن دارنا خاصة بابا ما حبش نبطل وقلي خلاص كي فتحتي وقرب العرس خلاص وراه يشوف فيا وحدة صغيرة ماتعرفش صلاحها لااني الصغيرة في المنزل
و خطيبي هو ماهوش حاب يبطل مني يقلي انا مانبطلش ويقلي خلاص كي جبت الرجال وتفاهمو مانبهدلش روحي ونبطل
اللي كرهتني اكثر ان خطيبي مشكاك بزاف لحقت بيه الدرجة كي يقلي وين راكي نقلو راني في الدار يقلي لالا ماكيش في الدار ويعاود يعيط عند ماما ويتاكد
حاسة روحي وحدي حتى واحد ماهو فاهمني دارنا زادو كملو عليا مرة يقولولي بطلي مرة كملي**خياتي**
وحدة تقلي راجلك موسوس ومريض وحدة تقلي انا كي كان عندي 24سنة كنت نربي
والله كرهت
احيانا نقول نغمض عينيا ونتزوج
واحيانا نقول لالا نبطل بالاك ربي يرزقني انسان على حسابي
الامور راهي مخلطة عليا

السلام عليكم انا ننصحك كيما اختى شوفى اول حاجة كترى من الصلاة و الدعاء وخاصة صلاة الاستخارة و اى اتنين يقرب عرسهم تكترالمشاكل ما بيناتهم وصدقينى مشاكل جد تافهة يكبرها وزيد نقولك خاجة وديها من عندى الشيطان راهو يدخل بزاف فى هذه الفترة يصورلك حوايج ماكانش منها استهدى بالله وقعدى مع روحك وشوفى لحوايج لملاح لى دارهملك والايامات الملاح لى عقبتوهم مع بعضاكم والله كى يعديوا ليامات هادوا والله تعودى تحسى روحك تافهة انا ننصحك ماتخسريش خطيبك لانوا مستحيل تكون الامور كيما راكى حابة وكيما راكى حاطتها فى بالك ننصحك اختى لعزيزة ما تسرعيش والحاجة تاع لحلال راهوا يدخل فيها الشيطان بزاف وصدينى بين اى زوجين يصراو هادوا المشاكل فرضا انك بطلتى راح يجيك واحد اخر ما فيه والو ارجعى لله عزيزتى وماتسمعى حتى رأى اكد توكلى على الله وارمى حمللك عليه واسال الله عز وجل ان يجيب لى فيه الخير
وفى الاخير نقولك حبيبتى ماتسرعيش لانوا تقولى مشكاك ربما الخطا منك لانك قلة اصبحة تخرجى بلما تشاوريه بلاك شافك ولدلك فقد التقة و ارجال ماش كيما حنا يهدروا كلشى راهم يخبيوا و يديروا لى فى راسهم ربى يجيب ساعة الخير حبيبتى وما تسرعيش لاننى مانيش حابتك تندمى مبعد فكرى وفكرى وارجعى الى الله واكترى من الصلاة
رانى نسنا فى الاخبار الصارة انشاء الله

سارة هبة الرحمان · 2012-01-29, 23:09

اقتباس:

المشاركة الأصلية كتبت بواسطة *malak elayle*

[

والله ماعلابالي واش راه صاريلي رجعت نتقلق منو بزاف كي نشوفو يهدر معايا هكاك و يشك فيا
انا لي راني متاكدة منها انو هو صح يحبني وجامي خمم يبعد عليا
لكن انا كلمة زوج نقلو روح بعدني ماتزيدش تحوس عليا
و في الحقيقة انا خسرتبزاف معاه في الهدرة وهو تان
كي نقلو علاه راك تهدر معايا يقلي انت لي بديتي تخسري
حاسة الاحترام راح بيناتنا
انا دوكا راني مطفية الهاتف وحابة نشعلو لكن علابالي لو كان نهدر معاه نتحاكمو كالعادة
ويبدا يقلي باين خرجتي باين عندك بيسة وحدوخرا
نعيا صابرة على هدرتو ونتطرطق ونعاود نطفي الهاتف

ملك حبيبتى هدى روحك هذا راح يولى فى القريب و الى كتب ربى زوجك لذلك ماديريش حوايج يخليوا الاحترام مابيناتكم يروح كى تحكى معاه اسكتى وخليه يهدر واش حاب لازم واحد فيكم يهبط من روحوا باش تقدروا تتفاهموا و على حساب هدرتك انت لى افكارك مشوشة مارانيش رايحة نكدب عليك لكن قوليلى واحد تقوليلوا نبطل و طفى علية الهاتف وما تشاوريه حتى فى حاجة واش تسناي منوا تسناى يصدقك ويحط فيك التقة مستحيل علابالى رانى شوية قاسية فى هدرتى معاك لكن والله لى مصلحتك حابة نحطك فى الصورة اقعدى ما روحك وخمى مليح و ربى يجيب لى فيه الخير

سارة هبة الرحمان · 2012-01-29, 23:16

اقتباس:

المشاركة الأصلية كتبت بواسطة *malak elayle*

حنونة انا كي قرب الوقت راني رجعت نخمم بزاف
مثلا هو ميليتار وشت اختي تزوجت العام اللي فات راجلها ميليتار والله تقول ماتزوجت كل يوم وحدها وكي يجي ماتشبعوش هههه
وانا خطيبي مشكاك وكي يبدا يروح يبدا مقلق ...........
انا صح حبيتو لانو كان اول رجل حبيتو و ما نيش حنحب غيرو لكن تصرفاتو خلاص حتهبلني والله الشك تاعو فات الحد
شحال نبقى رافدة
تامني راني مرضت من صدري غير من القلق كامل الطبا يقولولي من القلق
وباه نتلاقا بيه انا راني في تيبازة وهو راه في تلمسان مانشوفوش بشهرين تلاتة

والله صدقينى تاترت بحكايتك صح وحابة نساعدك قدر المستطاع والله حاجة ماشى ساهلة وصعيبة ياسر اصبرى اختى الصبر مفتاح الفرج و غير بلعقل تتحل الامور و الله رانى حاسة بيك وربى يفرج عليك

manel.nina · 2012-01-30, 08:48

astagafri rabi makayane walou ana alhadja li nanashak biha sali salate istikhara koul lila o asali rabi 3la hada zawaje inchalah talgai alhal fi akrabe wakte o rabi ikoune m3ak inchalah

soumsouma · 2012-01-30, 08:58

السلام عليكم
اختي حتى انا مررت بنفس التجربة انا صح ماكانش يشك فيا مي وصل وقت وين كرهتو و حبيت نبطل و وصل بيا الامر اني تمنيتلو الموت باه يروح عليا نصحوني صديقاتي في المنتدى باه نرقي و نستغفر و نشوف الاشياء الايجابية فيه عرفت قيمتو يا اختي النسا راهم يحوسو على ولاد الفاميليا لي يخافو ربي و حنا رانا نضيعو فيهم بين يدينا راجل لي ما يحب امراة و ينويها مايروح يخطبها ما يعطيها اسمو الغيرة دليل الحب لكن الشك صح يقتل و المراة الشاطره هي لي تعرف تمشي راجلها و شكوكو تروح مع الوقت ، ربي يهنيك و يهنيني حتى انا عرسي في جوان ان شاء الله

التـــــــــــــــــــائهة · 2012-01-30, 10:01

في الحقيقة أنا ثان كرهت من هدرة التيليفون بلا فايدة خطيبي ثان و لكن توصل 21سا تاع الليل لازم إعيطلي سينو نهبل الله غالب أنا ثان مشكاكة ملينيوم هاذي ماشي مليحة .و الله لوكان نصيب إكسرها و لا إيبيعها ....
آسفة نسيت روحي ........
أختي العرس قريب أصبرت معاه عامين و الشك فيها فيها الغيرة و الحسابات تاعنا أحنا البنات إياك أحنا و اش دارولنا مانستعرفوش .
و الله أنا حاسة بيك .. واش نقولك أختي أستغفري أكثري من الإستغفار و كملي معاه لوكان عينو راه حبس معاك مي في جوان العرس ماعليك إلا توجدي روحك و تديسيدي تهبليـــــه بعد الزواج تخلفيهالـــــو ...... تعرفي كيفاه ؟؟؟؟؟؟؟؟؟؟ ماشي بالزكارة مي؟؟؟؟؟؟؟؟؟؟؟؟؟؟؟ بالحنانة .
و كي تجي تخمي لوجيكمو مسألة الشك عادية جدا للرجل و المرأة على حد سواء يا اختي شوفي برك واش رانا نسمعو برا """"" مع كل إحتراماتي """""""

أخزي الشيطان و كملي مع الراجل لي خيرك أنت و أنت فقط . ربي يوفقك

looona · 2012-01-30, 10:02

اختي ربي يفرج عليك
صلي صلاة الأستخاة ودعي ربي يفرج همك

التـــــــــــــــــــائهة · 2012-01-30, 10:03

في الحقيقة أنا ثان كرهت من هدرة التيليفون بلا فايدة خطيبي ثان و لكن توصل 21سا تاع الليل لازم إعيطلي سينو نهبل الله غالب أنا ثان مشكاكة ملينيوم هاذي ماشي مليحة .و الله لوكان نصيب إكسرها و لا إيبيعها ....
آسفة نسيت روحي ........
أختي العرس قريب أصبرت معاه عامين و الشك فيها فيها الغيرة و الحسابات تاعنا أحنا البنات إياك أحنا و اش دارولنا مانستعرفوش .
و الله أنا حاسة بيك .. واش نقولك أختي أستغفري أكثري من الإستغفار و كملي معاه لوكان عينو راه حبس معاك مي في جوان العرس ماعليك إلا توجدي روحك و تديسيدي تهبليـــــه بعد الزواج تخلفيهالـــــو ...... تعرفي كيفاه ؟؟؟؟؟؟؟؟؟؟ ماشي بالزكارة مي؟؟؟؟؟؟؟؟؟؟؟؟؟؟؟ بالحنانة .
و كي تجي تخمي لوجيكمو مسألة الشك عادية جدا للرجل و المرأة على حد سواء يا اختي شوفي برك واش رانا نسمعو برا """"" مع كل إحتراماتي """""""

أخزي الشيطان و كملي مع الراجل لي خيرك أنت و أنت فقط . ربي يوفقك

kiki-lacharmante · 2012-01-30, 12:39

يا اختي ننصحك ماتتقلقيش خمي مليح وحكمي خطيبك وفهميه كلشي بصراحة باه ماتندميش ممبعد ويلا ماتعاوضش انا نقولك ربي يعوضك ماخير منه

*ملاك الليل* · 2012-01-30, 13:29

شكرا كثبر على التفهم و النصائح
انا راني نصلي و ندعي في ربي يفرج عليا
ان شاء الله تفرا

اسيل1990 · 2012-01-30, 13:33

ربي يفرج عليك و يهنيك حبيبتي

*ملاك الليل* · 2012-01-30, 13:36

اقتباس:

المشاركة الأصلية كتبت بواسطة اسيل1990

ربي يفرج عليك و يهنيك حبيبتي

amiiiiiiiiiiiiiiiiiiiiiiiin

حفيدة عائشة · 2012-01-30, 15:54

اختي رانا قاع في شكارة وحدة
انا تخطبت في فيفري 2008 و عقدت في جوان2008 و كان المفروض نتزوجو في جويلية2009 و لكن عام يجيب عام و مازالنا على نفس الحال كل مرة نححدو العرش لكن يتأجل لأتفه الأسباب دوك كان من المفروض العرس في فيفري لكن زاد تأجل لجوان أنا عن نفسي راني صابرة لأني الحمد لله متأكدة بلي راجلي وليد فاميليا و نحبو بزاف و كي ماتصبريش عليه نتي دورك و تفهميه مالا علاش راح تبني معاه دار؟اختي ولاد الفاميليا راهم قلال في هذه الايام و لوكان جا راجلك ماشي منهم لوكان راه تمسخر بيك و خلاك مالا احمدي ربي على هذه النعمة انا نقولك اسمعي نصائح لكن لا احد يستطيع ان يقدر حالتك غيرك انتي
اللهم يسري لي زواجي و زواجك و زواج كل البنات لي معانا اللهم امين
اختي إن شاء الله نتزوجو و نولو نحكو لبعضانا و نقولو لو كان غير مازلنا مخطوبين برك
بالتوفيق

ariyana charmente · 2012-01-30, 16:22

شوفي اختي والله غير عندي نفس المشكل ديالك تقول شي انا لي راني نحكي ماشي انتي بصح انا مازلت نحبو و هابلة عليه و مازال ما درناش la date تاع العرس و مرضت من التليفون و الشك مني و منو شا نقولك غير بشوية عليك لحبيبة و وسعي في خاطرك و زيدي صبري بالاك ترجعي تبدلي رايك و ربي يهنيك انشاالله