و علاه دايما تصرالي هكذا!!!!!!!

nibou · 2013-03-12, 20:13

السلام عليكم يا البنات أنا شريت مول تاع المسكوتة و زعم قلت نجرب فيه،المشكلة أنو لما نطيب و طبعا فالفور تطلع مليح و مبعد غير طيب و نطفي عليه نقول نخليها تبرد و نجبدها نلقاها هبطت و مافهمتش علاه فالأول قلت بالاك كي جبدتها طول على بيها و لكن خليتها بصح خليتها و هكداك منفعش معاها وزيد جهة تحرقتلي شوية سما جاني الفور ما يطيبش كيف كيف و ليت إضطريت أني نفتحو مرة باه ندور المول و ساعات نقول بالاك درتها جارية شوية وليت زدتلها الفرينة المهم كيما درت ما صلحش ،حتى وليت جربت وصفة تاع إحدى الأخوات هنا تاع حلوة رخامية و يعطيها الصحة كل شي جاز مليح غير المرحلة الأخيرة تاع كي طيب و تخلص هي اللي هبلتني خاطر طلعت مليح و مبعد هبطت و مافهمتش مناواه مع العلم أني نستعمل نوعية تاع فرينة رفيعة و نسيرها قبل ،مافهمتش علاااااااااااااااااااااااااااه يا ريت تفهموني خاطر مانيش خبيرة في هاد المجال

صابرة2013 · 2013-03-12, 20:43

سلام أختي الكريمة أنا رني عضوة جديدة ادا سمحتولي ندخل معاك بحاجة واحدة أنصحوكي متفتخيش كوزتيار أو لفور كل مرة خلي درجة حرارة تاعو شوية راكي باينة تفتخي بزاف الباب هههههههه

nibou · 2013-03-12, 21:00

ههههههههه شكرا أختي على الإجابة و لكن راني جربت ما نفتحوش خلاص حتى قريب ما تحرقت يعني غير شميت الريحة بدات تطلع طفيت و لكن نفس النتيجة في كلللللللللللللل ممممممرررررررررة

maiss toussa · 2013-03-12, 23:34

كي اطفي من تحت شعلي من فوق وما تفتحيش عليها