ܨܓܨ ๘彡 نصائح من تجاربكم من خلال القاطوا لي عملتوه في عيد الفطر 2015 彡๘ܓܨ.ܨ - الصفحة 4

choroukguid · 2015-07-22, 11:22

نصيحتي اللي تطبق وصفة ماتتقيدش بالمقادير 100/100 لان ماشي نفس المكونات
مثلا انا في هدا العيد جربت مقروظ ام اماني جا يهبل دارت ربع ماء وماء الزهر انا جاني مفتت ومبعد درت كاس جا هايل
والسر هو السميد تاعي وتاعها ماشي نفس النوووع

aya la belle · 2015-07-23, 19:11

فكرة مميزة اختي اكرام

salamon kalou · 2015-07-23, 22:06

merciiiiiiiiiiiiiiiiiiiiiiiiiiiiiiiiiiiiiiiiiiiiii iiiii 44444444444444444444444444444444444444444

فـــرح · 2015-07-24, 15:02

بالنسبة للبقلاوة نعملو 3 عبارات كوكاو او لوز مع نصف عبار سكر باه ميجيش الحشو يابس كما يتعرض للحرارة
خطرس البقلاوة تطيب على خاطرها

فـــرح · 2015-07-24, 15:07

اقتباس:

المشاركة الأصلية كتبت بواسطة مياسم الصمت

السلام عليكم ورحمة الله وبركاته
اضافة اخرى حبيت نضيفها للاخوات
خاصة بقاطو الصابلي وما شابهه من العجين
انا اولا العجينة نحتفظ بها في كيس بلاستيكي مغلق لغاية مانكمل حتى ما تنشف

الشي الثاني انا لما نحل ما نستعمل الفرينة او النشاء
لانه ينشفها وتولي مشققة

نحط قطعة بلاستيك على مساحة العمل ونحط قريصة العجين ونحط فوقها قطعة بلاستيك اخرى
ونحل بالحلال
صدقوني تمشي مليح وتجي رطبة وما تتشقق
من بعد ننزع الغلاف الفوقاني ونقطع كما نحب
ونحط في البلاط
ونكمل بنفس الطريقة

الطريقة هذي ما تخلي عجينتك تنشف خلاص وما تتشقق

فكرة هايلة كنت نعاني من عجينة الصابلي

فـــرح · 2015-07-24, 15:11

اقتباس:

المشاركة الأصلية كتبت بواسطة إكرام ملاك

السلام عليكم ورحمة الله

النصيحة الموالية

بخصوص الطلية

لما تحضري البيض وتخفقيه حتى يصبح كالثلج لا تضيف له السكر الناعم مباشرة
بل ضعي السكر الناعم في وعاء ثم أضيفي عليه البيض المخفوق

لان بهاته الطريقة تضمني أن الخليط يكون كما تحبي وفي نفس الوقت تضمني أن السكر يكفيك
لآنوا مرااات تلقاي روحك حطيتي كل السكر لي عندك لكن ما كفاش باه تتحلي على خليط المناسب
وممكن ما يكونش عندك لي راح يشريلك

بالتوفيق

عجبتني كلمة متلقايش ليشريلك والله محسوب حسيتي بيا
وفكرتك ةيدة جدا

أم باسم · 2015-07-26, 09:04

السلام عليكم بالنسبة ليا هذا العيد خدمت العسيلة في الدار ماشريتش تاع برا جاتني ماشاء الله (تاع أم أنس) ربي يجازيها كل خير واستعملت في حل العجينة كيما البقلاوة والسيقار (حكمت البلاستيك لي نديروه على السني نبل المائدة بشوية برك ماء ومبعد ندير البلاستيك ونحلو مليح ومبعد نحط العجينة ونحط فوقها بابي كويصوا ونحل بالقنوط )راه مايلسقش القنوط في العجينه وكي نحل العجينةجيدا نهز العجينة بالبلاستيك مايسرالها والو ماتتقطعش العجينة تكون لاصقة في البلاستيك ونحطها كيما بغيت ونعي بالشوية البلاستيك والصابلي ندير بابي كويصوا من تحت ومن فوق مانديرش الفرينة ونحل بالقنوط تجي هايله ماتلصقش ونحيها بسهولة محافظة على شكلها وبدون إضافة الفرينة إن شاء الله تكونوا فهمتوني أي إستفسار راني في الخدمة

اضاليا · 2015-07-26, 11:43

الله يبارك فيك

رائع

souhoub · 2015-07-26, 11:53

من فصلكم شكون لي دارت غلاصاج في هاد العيد و كيفاش حتى يبقى طري و ماييبسش في السخانة

ام احمدي · 2015-07-26, 16:44

اقتباس:

المشاركة الأصلية كتبت بواسطة souhoub

من فصلكم شكون لي دارت غلاصاج في هاد العيد و كيفاش حتى يبقى طري و ماييبسش في السخانة

حنونة ديري تاع الشيف ام رامي مهما يبقى مييبسش ويبقى هااااااااااااااااااااااااااااااااااااااااايل
بالنسبة لليمون تقدري تستغناي عليه ولا تنقصي منو سيرتو الا الحلوى تاعك مفيهاش الليمون

souhoub · 2015-07-26, 17:36

اقتباس:

المشاركة الأصلية كتبت بواسطة ام احمدي

حنونة ديري تاع الشيف ام رامي مهما يبقى مييبسش ويبقى هااااااااااااااااااااااااااااااااااااااااايل
بالنسبة لليمون تقدري تستغناي عليه ولا تنقصي منو سيرتو الا الحلوى تاعك مفيهاش الليمون

ممكن تمديلي الرابط تعيشي

ام احمدي · 2015-07-26, 19:30

تفضلي اختي راهي خدمت بيه الهام جاها رووعة
الوصفة بقلمها
قلاصاج الحليب أم رامي

كيلة ماء الزهر
كيلة زيت
كيلة ليمون
كيلة حليب
و سكر مسحوق
لكن كي تضيفي سكر مسحوق خصك تضيفي بزاف حتى يثقل
انا نثقله و نسيي حبة و نحطها و يليق القلاصاج ما يسيلش خصه يبقى في بلاصته باه يخرج زين
و لاكان سال القلاصاج من الحبة زيدي ثقليه بالسكر مسحوق حتى تولي تمشي فيه باصبعك فوق الحبة تاع الحلوى
و لما ينشف القلاصاج مسحي عليه الملمع لكن بقطنة جافة ديريها في الملمع و مسحي فوق القلاصاج