الدرس السادس الفتلة بالمشينة - الصفحة 5

djamilach23 · 2014-12-16, 14:07

بالامس رحت نقرا في الجمعية وتكلمت مع النساء اللاتي يدرسن معي عن الموضوع وذكرت اسم اختي الخروبيةو عملها الرائع الي انشاء الله يجزيها ربي اعليه كل خير وان شاء الله يشفيها عاجلا غير اجل. الخيط الشفاف من اعلى واي لون من اسفل لكن اللون الي من اسفل اخرج في الفتلة من فوق هل استطيع ان اغير الخيط الي من الاسفل بالشفاف ام لا ؟

ام رشدى · 2014-12-16, 16:06

اختي الكريمة انا لون الساتان احمر ولون الخيط الدي من الاسفل ايضا عملتو احمر ومابانش من فوق وكي تدخل اختي لخروبية تجاوبك وسؤالك في محلو

شابرمحمد · 2014-12-16, 16:58

بارك الله فيك اختي ام رشدي على الافاده وربي يشفي اختنا الخروبيه ياارب

ام رشدى · 2014-12-16, 17:30

لبنات حابة انقولكم حاجة انا باش مانضيعش الفتلة عوضتها بخيط انسيجة او احرير او حتى الصوف اخدمو بيها على فرد تم طبقوها على زوج كيما وراتلنا اختي لخروبية وهكدا رايحين نشفقو ومانضيعوش الفتلة وكي نشوف خدمتنا بات تتسقم نستعملو الفتلة انتضرو تطبيقي هدا المساء...........،،،،،،اين انتن ياحراير اني وحدي برك شوية نشاط باش نفرحو الاستادة ههههه.ه

بنت الطيب · 2014-12-16, 17:49

يعطيك الصحة أم رشدي على الفكرة أنا تاني عندي شوية فتلة وحابة ندير بيها لبنتي مالا نبدا كيما قلتي بكاش خيط خشين وكي تمشي يدي نولي للفتلة
منتظرين تطبيقك أنا حتى نهار الجمعة ان شاء الله نكون قاعدة بصح راني متابعة كل تعليقاتكم

*ام عبد الكريم* · 2014-12-16, 20:30

السلام عليكم اولا جزيل الشكر لاختي الخروبية على الموضوع الرائع يعطيك الصحة و ربي يعطيك ما تتمني و طبعا الاخت CRONO و مجهودتها ربي يحفضك و يعطيك ما تتمنى
حاولت نجرب وللاسف ما عنديش الفتلة بزاف و ما صبرتش حتى نشري ...هذا هو تطبيقي و لكن مازلت ما لقيتش الريقراج المناسب طبعا سابقى احاول حتى انجح ان شاء الله

واش رايك اختي الخروبية هذا كل بفضلك انت في ميزان حسناتك ان شاء الله و حبيت نعرف اذا تعطي دروس في البيت انا راني من بوالصوف

ايعطيك الصحة و ربي يهنيك

ام رشدى · 2014-12-16, 21:19

هدا هو تطبيقي نتمنى الصور تكون واضحا وهدا تطبيق مبدئي فقط وجدت صعوبة في رشام نصف دائرة ماعرفثش الدوران نمشي الماشينة غير بشوية
https://im77.gulfup.com/39ga1F.jpg
https://im77.gulfup.com/o4WsEs.jpg
https://im77.gulfup.com/Ue4XvJ.jpg

الخروبية · 2014-12-16, 23:22

السلام عليكم الله يبارك الله يحفضكم ونحي فيكم روح التواصل وهاذا دليل بلى راكم ناس الخير وربي يعطيكم كل خير ختى محمد شابر البنوتة تاعك الحلوى ربي يحفضها وقليلها تدعيلى وخليها تكتبلى واش تحب ربي يسترها اما السؤال على الخيط اولا نشكر الفحلة ختى ام رشدى على الجواب هو حل بصح ماشى تاع ديما هكا تولي مضطرة تبدلى الخيط مع كل قندورة بصح الحل النهائي هو تشبحى الكنيطة منتحت حتى تشوفى بلي الخيط لى من فوق يخرج منتحت هكا تتاكدى الخيط لى من تحت مايخرش من فوق وتخدمى براحتك اما عن كثرة الاسئلة والله غير نفرح كى نشوف سؤال انا حبا نخرج كلش عندى نتغشش كى ميكونش تفاعل ختي djamilach 23انا مجربتش الخيط الشفاف من تحت بصح نضن ميصلحش هو شوية واقف لازم خيط يحكمومن تحت اما الفكرة تاع ختى ام رشدى رووووووووووووووووووووووووعة مشاء الله شفتى راكى فحلة وزيد مبدعة والله صدقونى الصفحة تاعى ولات كى جنان معمر بنوار الله يبارك ختي تطبيقك العلامة كاملة وكملى هكا والله مليحة اما الدروس عمرى مادرت دروس والمرة الجايا كى الديري تطبيق وحد تاني ارشمي اي رشمة كون تعود الخدمة مليحة والرشمة مايش معدولة تبان خدمتك سواقي قدماتكون الرشمة معدولة تكون مليحة وصلنا الام رشدى التطبيق تاعك راهو مليييييييييييييييح فرحت كى شفت التطبيق وفرحت كي قريت الفكرة تاعك ومدا بيا كل وحدة تحط فكرى وكل وحدة تعرف اجابة تجاوب هكا نحسو بلي رانا كامل يد وحدة والهدف تاعي نكونو بكل متتميزين وكل وحدا تخرج وش عندها ورانى مزلت نسنى فى التطبيقات والاسئلة وشكرا على الدعاء ربي يجازكم خير ياوجوه الخير تحية من الخروبيةللجميع سلام ياكرام

~~hope of life~~ · 2014-12-17, 09:29

شفت تطبيقاتكم سخفتوني.....مازال ماشريتش الحوايج...على خاطر بنتي تقرا وبنتي لخرى عامين ....باش نخرج لازم نروح لاهلي نخلي بناتي ثم ونخرج نشري الحوايج .....وان شاء الله نحط تطبيقي في اقرب وقت....شحال دير الفتلة

*ام عبد الكريم* · 2014-12-17, 09:59

انا ثاني يا اختي hope of life مازال ما شريتش الفتلة لقيت طرف صغير عندي مخبي بصح شفتي تطبيق ام رشدى يمكنك التعلم بالصوف او الكوطا لخشينة انتاع لاناب و كي تمشي يدك ديري في الفتلة و انا معولة ندير هكذاك بالتوفيق

salima14 · 2014-12-17, 13:26

بسم الله ماشاء الله عليك اختي خروبية خدمتك رووووعة
شوفي اختي انا نحييت الرجل ودخلت الضروس بصح الخيط تع الكانيت ماحبش يحكملي فالخيط الفوقاني وعلااااش؟؟؟؟

شابرمحمد · 2014-12-17, 14:02

يعطيك الصحه اختي ام رشدي راكي ماشاء الله ورني حطيت الصور باش تبان خير من الرابط

شابرمحمد · 2014-12-17, 14:03

اختي الخروبيه ربي يعطيك صحتك ويشفيك ويشفيني حتى انا مريضه
بنتي مهوسه بالكلام اللبناني وزالسوري رغم انها صغيرة9 سنوات
راني قلتلها تدعيلك وكي تحب تتكلم معاك راني نخليها تكتبلك ان شاء الله

djamilach23 · 2014-12-17, 14:43

اقتباس:

المشاركة الأصلية كتبت بواسطة ام رشدى

هدا هو تطبيقي نتمنى الصور تكون واضحا وهدا تطبيق مبدئي فقط وجدت صعوبة في رشام نصف دائرة ماعرفثش الدوران نمشي الماشينة غير بشوية
https://im77.gulfup.com/39ga1f.jpg
https://im77.gulfup.com/o4wses.jpg
https://im77.gulfup.com/ue4xvj.jpg

الله ايبارك فيك اختي ام رشدى على كل نصيحة قلتيها في ميزان حسناتك. تطبيقك اكثر من رائع الله ايبارك فيك

حفيدة الفاروق · 2014-12-17, 14:47

ررررررررررررائع