مقروط الجلجلانية سهل و بنييييييييييييييييييين

[nadiem]

مرحبا يا الفحلات جبتلكم اليوم قاطو ساهل وبنيييييييييييييييييين ويبيض الوجه
المقادير : 500غ زبدة ذايبة ...........6 ملاعق سكر.........بشر ليمون........كاس كاوكاو مرحي( أو لوز أو اي مكسرات انا نديرو غير بالكاوكاو يجي هايل )..........كاس جلجلانية محمصة .....فرينة حسب الحاجة وسكر ناعم للتزيين
الطريقة سهلة جداااااااااا في 30د يوجدلك
تحكو الزبدة الذايبة مع السكر والبشر والكاوكاو والجلجلان 5 د ثم نلمو بالفرينة هاذا ماكان
نعملو حربوش ونقصو مقروطات والى الفرن 10د بلاما يحمار مباشرة من الفرن الى السكر الناعم نرمدوه ونخليوه يبرد ممكن نخبيوه مدة طويلة ما يصرالو والللو وعند التقديم نرشو سكر ناعم على وجهو بالصّفاية

شفتو واش ساهل خاصة اذا كان الكاوكاو محمص ومرحي واجد وإذا ما كانش ما تديروليش السبّة نبدلو الكاس تاع الكاوكاو بكاس جلجلانية .......
ونقدرو نديروه غير بالنواد كوكو يعني زوج كيسان
هاد القاطو على ضمانتي يجي يدووووووووب فالفم وبنييين

[merieme hassi]

تبارك الله عليك
مفيهش البيض و الخميرة
يعطيك الصحة حنونة

[أم هبة الله]

يعطيك الصحة يالفحلة ،واذا درناه بالجلجلان ،نديرو 2 كيسان؟

[nadiem]

المشاركة الأصلية كتبت بواسطة merieme hassi

تبارك الله عليك
مفيهش البيض و الخميرة
يعطيك الصحة حنونة

شفتي واش ساهل ويجي يدوب في الفم انا كل عيد لازم نديرو كامل نحبوه وشكرالمرورك

[nadiem]

المشاركة الأصلية كتبت بواسطة أم هبة الله

يعطيك الصحة يالفحلة ،واذا درناه بالجلجلان ،نديرو 2 كيسان؟

انعم ديري زوج كيسان جلجلانية

[لولو1000]

وصفة رائع واقتصادية وزاد على هذا بنين وسهلة التحضير
شكرا لكى

[هم كريم]

انا هدي الحلوى متخطانيش فلعيد دائما موجودة اله يعطيك الصحة جاك هايل و فعلا يجي يدوب فالفم

[درب الأمل]

يعطيك الصحة دائما انعملو فعلا ساهل و بنين و الكل يحبوه

[remadna]

يعطيك الصحة جاك كل حبة وحدة في الشكل و كانه بالطابع
دائما نعملوه في الأعياد و نسميوه بوسو لا تمسو ساهل و يحمر الوجه

[nadiem]

المشاركة الأصلية كتبت بواسطة لولو1000

وصفة رائع واقتصادية وزاد على هذا بنين وسهلة التحضير
شكرا لكى

العفو اختي جربيه ماتندميش عليه

[nadiem]

المشاركة الأصلية كتبت بواسطة هم كريم

انا هدي الحلوى متخطانيش فلعيد دائما موجودة اله يعطيك الصحة جاك هايل و فعلا يجي يدوب فالفم

حتى حنا كل عيد نديرها شكرا لمرورك

[nadiem]

المشاركة الأصلية كتبت بواسطة مسرة

يعطيك الصحة دائما انعملو فعلا ساهل و بنين و الكل يحبوه

يسلمك حنونة

[nadiem]

المشاركة الأصلية كتبت بواسطة remadna

يعطيك الصحة جاك كل حبة وحدة في الشكل و كانه بالطابع
دائما نعملوه في الأعياد و نسميوه بوسو لا تمسو ساهل و يحمر الوجه

شكرا عزيزتي صح بوسو لاتمسو يشبهلو وما فيهش مكسرات

[ام مريم الجزائرية]

يعطيك الصحة
الزبدة نذوبوها ولا تكون طرية بدرجة الغرفة بغيت نجربها ان شاء الله

[nadiem]

يا ام مريم (هاذا اسمي) الزبدة ذايبة ودافية يعني تخليها تبرد شوية.....