حسبي الله

[faty05]

اختي تبالي فاجئتيها بزيارتك لربما كانت راقدة و انتي ازعجتيها
جربيها انتي تكوني راقده و يدقدق الباب
في وقت خاطي زيارة تنوضي مشونعة
المهم التمسي لها الاعذار
كيما قالت الاخت كي تقلقي اقراي القران
ربي يسلكك علا خير

[توحيد الجزائرية]

في الحياة مفارقات ،،
اصبري واحسني اليهم،،،
يبقى خوك خوك ،،،ويجي نهار تتغير وتفهم

[baalache]

المشاركة الأصلية كتبت بواسطة وردة صفراء

ايه وديرلك اكثر انتي مازلتي مشفتي والو هذو هوما نسا الخاوة لكان يصيبو اخوات زوجهم يلتصقو فالارضية وهوما يصعدو للعلالي هذا الواقع المعاش انا قبل منزوج كان عندي زوج نسا خاوتي خدمو فيا لي خلفها بليس بصح وكيلهم ربي وكي تخطبت كادو ينفجرو معجبهمش لحال زعما كفاه نتي تتزوجي الزواج لينا برك وانتي تقعدي ودارو البوسيبل تاعهم باش منزوجش والحمدلله ضرك يعني صح يغيرو منك يحسدوك توصل بيهم الدرجة ميتفاهموش فيما بعضاهم بصح عليا يتفاهمو ويتكتلو وش نقول اختي انشاله كل انسان يدي حقو مدنيا هذي

ااااااااا تريثي فقد تقول اخت زوجك هذا الكلام عنك

[نسيم الشوق]

ليس أريح لقلب العبد في هذه الحياة ولا أسعد لنفسه من حسن الظن، فبه يسلم من أذى الخواطر المقلقة التي تؤذي النفس، وتكدر البال، وتتعب الجسد. إن حسن الظن يؤدي إلى سلامة الصدر وتدعيم روابط الألفة والمحبة بين أبناء المجتمع، فلا تحمل الصدور غلاًّ ولا حقدًا
إن إحسان الظن بالناس يحتاج إلى كثير من مجاهدة النفس لحملها على ذلك، خاصة وأن الشيطان يجري من ابن آدم مجرى الدم، ولا يكاد يفتر عن التفريق بين المؤمنين والتحريش بينهم، وأعظم أسباب قطع الطريق على الشيطان هو إحسان الظن.

رزقنا الله قلوبًا سليمة، وأعاننا على إحسان الظن بإخواننا، والحمد لله رب العالمين.

[mouslemkhirouni]

عندها حق كاينة حاجة اسمها خصوصية 10 تاع صباح من حقها تدير هكذا

[bello angel]

هو نورمالمو انتي غالطة لي رايحة على 10 تاع الصباح و كاين ناس مع تنوض من النوم متفيقش حتى مع روحها واش تقول

لكن بما اننا في الجزائر و منعرفوش الاتيكيت للاسف و بما انو اللي صرا صرا
نقلك بللي مهما كااااااااااان محقهاش ترد عليك بهادي الطريقة عيب عليها
انا كون في بلاصتك نحكي مع يما و خويا و نبهدلها و نزعف و نكبر لحكاية حتى تجي تطلب السماح

ااااااو تتربي شوية مش هكا