اريدها زوجة لي ولكن....

[مشكلتي]

السلام عليكم
قصتي معقدة لكن ارجو ان تقرؤوها كلها
انا شاب في 25 من عمري كأي شاب ارغب بالارتباط لكن اريد فتاة معينة والتي هي ابنة جاري الى هنا كل شيء عادي
هذه الفتاة كانت عمتها تريدها لابنها لكن ابنها احب زميلته في العمل وتزوج بها دون رضى امه
بعد هذا تقدم ابن خالتها لها لكن جدتها ( المسيطرة في العائلة) ام ابيها لم ترضى لان ابن ابنتها لم يتزوج بها
اكيد ستقولون لما لا تتقدم انت المشكل في أمي(والدي متوفي) لا ترغب في تزويجي لاني مازلت ابحث عن عمل وتعلمون صعوبة هذا في الجزائر
حتى انها لا ترضى ب ندير عليها الكلمة مع العلم اني لم اقل لامي من الفتاة كل هذا الكلام يعاد لما احدثها عن صديق لي زوج او قريب لنا
وصراحة انا لم اكلم الفتاة ولم اصارحها اريد ان ادخل البيت من بابه ولا اريد قهرها معي
احيانا افكر ان اكلم والدها ولكني لا اريد مشاكل مع امي ولا اريد ان احرج نفسي لان لا اعمل حاليا
ارجو ان تشيرو علي وتعتبوني مثل اخيكم
والسلام عليكم ورحمة الله

[khiro07]

اخي نصيحة اخدم دير التاويل ثم تقرب
الفتات ماتقدرش تستناك
خاصة لو كانت كبيرة في العمر
ما تشدهاش معاك
راك تحصل ةتحصل الطفلة معاك

[toulay]

وعليكم السلام ورحمة الله تعالى وبركاته
واش راح نقولك يا اخي الوالدة تاعك عندها الحق نهار تلقى خدمة ان شاء الله اتزوج لانو علابالك مين تروح تخطب اول حاجة يسقسوا عليها ابنك واش يخدم
وان شاء الله البنت ربي يعوضها
بالتوفيق

[نيران]

تسأل الناس ونسيت ان تسأل رب الناس لن ينفعك احد في هذا الموضوع سوى الله سبحانه وتعالى لذا انصحك بصلاة الاستخارة وإذا رأى الله انه فيه خير لك فتيقن ان الله سيسهل لك امورك من حيث لاتدري وستقبل بك حتى لو كنت بدون عمل

[محارب الحمق]

الله غالب يا خويا, تروح تخطب المخلوقة وانتا ماعندك والو وزيد امك ماحباش وزيد راح تمرمدها معاك, خليك عازب حتى يفرج ربي.

[nan719]

يا خويا ماراكش سيريو اولا خمم في الطفلة معظم المشاكل لي هنا اساسها الانانية دير روحك في بلاصة الطفلة و لا دير روحك باباها واش تزوجها لواحد ما يخدمش لا شوية اوزيد عاجباتك الزواج يا اخي ما يتبناش على الاعجاب ولا الحب خمم مليح و حوس على خدمة ماشي على جال الزواج و انما على جال روحك و يماك

[حميد.ص]

ربي يفتحلك ابواب الخير

[mino 13]

اخي اخدم هي اول من بعد روح اخطب بنت الناس
زواج ماشي لعب نتا باش راك ماشي تعيشها ؟

[AMINA.Z]

الخدمة اولا
على الاقل عندك باه تقابل.
المهم انت اخدم اي حاجة درك باه تبدا تلم و في نفس الوقت راك تحوس على خدمة مليحة.
و الطفلة ماكالاه تحكي معاها
ربي يفرج عليك

[محمد صديق علي]

الله يكون في عونك.....فقط أكثر من الإستغفار

ابحث عن عمل اولا ثم فكر في الزواج

ربي يرزقك ويفتح عليك أبواب الرزق

[أسماء*]

مادمت مصر على الفتاة بعينها فالأفضل تعلمها برغبتك في خطبتها ولكن بإرسال أحد أخواتك أو قريباتك لكي تنتظرك والله أعلم

[عين الصقر]

ياخويا اذا راك ناوي الحلال ما فيها باس اهدر مع الطفلة وقوللها خير ما طير من يدك
اما باش تخطب فلازملك خدمة لان اول حاجة يسقسة عليها هي الخدمة وامك عارفة صلاحك
ربي ييسرلك ماراك متمني

[houssem zizou]

لازم تخدم بش تتزوج و إلا كيفاه راح تعيش المخلوقة
و أيضا لازم تلقى وان تسكن
قال عليه السلام: (من استطاع منكم الباءة فليتزوج)
و الباءة في زماننا أصبحت بالأخص المسكن
لأن الخدمة دبر راسك فيها أبدا بريكولي أخدم سباغ دير ماصو أحكم حانوت حتان تتحسن الوضعية تاعك
أما تحب تتزج بلا خدمة فلا أنصحك بذلك
رب يرزقك الزوجة الصالحة

[sisi bonoise]

الله يكون في عونك

[ندى العالم]

عليك بالاستغفار...