دجاج محشي بالجبن مع صلصة الشومبينيو

نهر التسنيم · 2016-04-26, 23:41

اليوم جبتلكم اكلة لذيذة جدا وخفيفة و غير مكلفة كثيرا بدون اطالة ابدا بالمكونات
اولا نأخذ صدر دجاج مرحي نتبله بالملح و الفلفل الاسود فقط بعدها نبسطه فوق فيلم اليمونتار بسمك 0.5 سم و بعد ذلك بواسطة مول دائري نقطع صدر الدجاج المرحي و هكذا حتى نكمل كل الكمية ،بعد ذلك نحشو دوائر صدر الدجاج المرحي بالجبن الابيض و جبن شيدار و المعدنوس المقطع بشكل رقيق و الصور المرفقة توضح ذلك و نقوم بغلقها جيدا لكي لا تنفتح عند القلي بعد ذلك عند الانتهاء من كل الكمية نرمدها فالفرينة و نقليها في زيت غزيز حتى تاخذ لون ذهبي فاتح و نضعها فوق مناديل ورقية لكي تشرب الزيت و نضعها جانبا من جهة اخرى نضح في مقلات 50 ع مارغرين نضع عليها شومبنيون و نتبدلها بالملح فلفل اسود شوية زنجييل مطحون و نقلب بعد ذلك نضيف فنجان صغير من الماء و نترك الخليط حتى يغلي بعدها نضيف ملعقة فرينة باش تعقد الصوص بعد ذلك نضع صدر الدجاج المرحي اللي قليناه من قبل فالصوص و نضيف كمية وفيرة من جبن شيدار و حفنة معدنوس مفروم ناعم و نطفئ على النار و نتركه قليلا حتى يذوب الجبن و بالصحة و الهنا ان شاء الله ان شاء الله يعجبكم

&ام ايوب& · 2016-04-26, 23:51

يعطيييييييك الصحة خرجلك روووووووووعة

&ام ايوب& · 2016-04-26, 23:59

لكن تنبيه فقط موضوعك يكون في قسم الاطباق الرئيسية وليس الحلويات

نهر التسنيم · 2016-04-27, 00:03

اسفة عندك الحق راني جديدة مازال ماتعودتش المرة الجاية ننتبه اكثر بارك الله فيك

Sasau · 2016-04-27, 01:33

مرحبا وشكرا على ما تقدرين

.

abtal · 2016-04-27, 08:28

اممممم باين لذيذ بورك فيك

ninnou · 2016-04-27, 09:17

يعطيك الصحة، باين يجي خفيف وبنين خاصة راهي جاية السخانة....... ونبدلو ثاني ديما الكويرات......شكرا

نهر التسنيم · 2016-04-27, 09:21

ربي يخليكم و بحفظكم

&ام ايوب& · 2016-04-27, 16:11

[quote=نهر التسنيم;3995493016]اسفة عندك الحق راني جديدة مازال ماتعودتش المرة الجاية ننتبه اكثر بارك الله فيك[/quote
لا. تاسفي عزيزتي...
رانا خواتات
وفيكي بارك الرحمن