راني مقلقة محتاجة رأيكم

[مريم الصابرة]

السلام عليكم جميعا
لأنو دائما نشوف ردودكم قيمة حبيت ندي رايكم في موضوع ودبرو عليا وقولولي شكون الغالط
الحكاية إنو خويا الكبير وطبعا ما يسكنش معانا ولا يجينا أبدا يعني مرات نتلاقى بيه فالطريق وعادي كإني ما رانيش ختو او يمى يماه عادي ربي يهديه والفنا وحتى وإنو راه يسكن قريب لينا
المشكل خويا متزوج للمرة الثانية ومطلق مرتو الاولى عندو 3 أطفال 12 و 11 و 3 سنوات ومع زوجتو الثانية عندو طفل 2 عامين
االمشكل طليقتو تحب دير فيه زكارة لكن تخيلو كيفاش في كل عطلة تبعث ولادو يقعدو عندو من حقهم يشوفو باباهم ويبقاو معاه لكن زوجتو الثانية ما تقبقلهمش مع العلم إنها هي من خربت دارو حتى طلق مرتو وتزوجها ولما ما تقبلهمش عندها وين يجو عندنا ويمى ما تقبلش عليهم يعني يقعدو كامل العطلة ويروحو
المشكل قولولي راني البارح شعلتها فالدار وقلت ليمى والله نخرج ونروح نهمل تتخيلو انا مريضة كيما تعرفو اغلبيتكم وراني حالية ما نوضش ما نمشيش ويمى تروح تخدم تقريبا ما تجيش مرات حتى بعد العصر هذو أطفال محتاجين رعاية محتاجين اللي يطيبلهم ويلبسهم وانا ما نقدرش انا اصلا ما نقدرش حتى نتحرك لما قلتلها دار باباهم كاينة ويماهم موجودة علاش رانا مجبورين بيهم كيفاش يماهم تبعثهم وباباهم مرتو ما قبلتهمش يجو هنا إنت تروحي تخدمي وانا كيفاش ندير علاش مجبورة نضيع حياتي على ولاد الناس ويا ريت راني بصحتي عادي نعتبرهم أيتام لأانهم فعلا ضحايا بين امهم وباباهم ولكن انا ما نقدرش جواب أمي كان ما نرميهمش وخليهم يقعدو وقت ما حبو وباباهم نهار كامل ما يحوسش عليهم نهائيا صدقوني في رمضان يستناوه فالشارع برا يقولهم أقعدو هنا ضرك نعيطلكم تدخلو تاكلو ويدخل ويقفل الباب حتى تروح يمى تحوس عليهم تجيبهم ويجو يعني باباهم ما عندوش قلب عليهم هو أصلا جافي قلبو حجر
الآن واش ندير انا راهم جاو البارح انا ما نقدرش وعلاش محتم عليا فوق مرضي نتحمل مسؤولية ولاد يماهم وباباهم حيين خبروني هل راني غالطة ؟ شكرا

[سراب06]

مراكيش غالطة و الله موقف صعيب جدا رب معاك ويفرج همك
فقط نقلك أصبري هم أيضا مساكين وضحايا
تحمليهم لوجه الله علميهم وأنت في مكانك الإعتماد على النفس مثلا قوليلهم إذهب جيب هذيك الحاجة
وإنت غسلي ماعونك
والله العظيم راح يعطيك الله أجر عظيم إنك رحمتيهم وكنت السبب في جمعمهم مع والدهم
صحيح والدهم جافي ولكن معملتك الطيبة هي تحنن قلبو مع الدوام وتخليه يندم على وش راه
يدير معكم
إن شاء الله تقبلي هذه المداخلة مني فنحن إخوة أمام
الله وإذا احتجتي أي مساعدة أخرى انا مستعدة
رمضان كريم وتقبل الله مني ومنك

[imi02i]

السلام عليكم ورحمة الله وبركاته
أسأل الله أن يكتب لك الصحة والعافية والشفاء الذي لا يغادر سقما
أختي مريم: من حقك أن توفري الجو المريح لك ولصحتك بعيدا عن كل هاته المشاكل والفوضى
الخطأ ليس منك بل من أخيك وزوجته الأولى وزوجته الثانية فكل واحد منهم يحب أن ينتقم بطريقته الخاصة بإستخدام هؤلاء الصغار الأبرياء الذين ستكتب لهم التعاسة إن واصلوا حياتهم على هذا المنوال،
فالأب ليس بمكترث لأمرهم وأمهم تستغلهم في إشفاء غليلها وزوجة أبيهم تنفرهم لحقدها
إن انعدمت الرحمة من قلوب هؤلاء فمن ياترى سيرحمهم ويعوضهم الرعاية والحنان الذي هو حقهم
أنا لا أنصحك بأن تنفي وجودهم من بيتكم لأني أعلم أنك لو كنت تستطيعين لاحتويهم أنت بنفسك
لكن الأولى أن تتخذوا موقفا صارمًا مع هؤلاء الثلاثة وإلا فلن يحلها إلا القضاء
وإن لم ينفع معهم القضاء فلا حل إلا أن تتحمليهم بشدة وكفى
وإن رفضتهم فهذا حقك، لأنك لا تحملين أي ولاية عليهم
والله الميسر

[adlan18]

الله المستعان ربي يقدرك و يشافيك ان شاء الله

[مريم الصابرة]

المشاركة الأصلية كتبت بواسطة سراب06

مراكيش غالطة و الله موقف صعيب جدا رب معاك ويفرج همك
فقط نقلك أصبري هم أيضا مساكين وضحايا
تحمليهم لوجه الله علميهم وأنت في مكانك الإعتماد على النفس مثلا قوليلهم إذهب جيب هذيك الحاجة
وإنت غسلي ماعونك
والله العظيم راح يعطيك الله أجر عظيم إنك رحمتيهم وكنت السبب في جمعمهم مع والدهم
صحيح والدهم جافي ولكن معملتك الطيبة هي تحنن قلبو مع الدوام وتخليه يندم على وش راه
يدير معكم
إن شاء الله تقبلي هذه المداخلة مني فنحن إخوة أمام
الله وإذا احتجتي أي مساعدة أخرى انا مستعدة
رمضان كريم وتقبل الله مني ومنك

السلام عليكم اختي شكرا على ردك الطيب
اكيد عارفتهم ابرياء وضحايا صدقيني لو تشوفيهم تقوليهم يتامى ووالديهم حيين يماهم ما عندهاش قلب تبعثهم مثلا فالعطل الصيفية تتخيلي حتى يروحولها فالعيد باه تشوفهم ما تعيطلهمش ما تحوسش عليهم نهائيا مرات يقولولي عمتي مدينا تلفون نعيطلو لماما تهدر معاهم زوج كلمات وتقلي راني مشغولة وتروح للبحر وللأعراس وتخليهم تخلي عندها الصغير برك والزوج لخرين عندنا
المشكل انا مريضة وهوما صدقيني لازملهم إعادة تربية يعني لما يجو راسي يشيب معاهم نعاودلهم التربية لازم نوقف معاهم كي ياكلو وينقو سنانهم ويغسلو ولما يلعبو يجو حوايجهم مسخين لازم بدليلهم ما نقدرش نخليهم هكذاك مسخين يعني ما راهمش متعلمين نهائيا والغلطة مش منهم على بالي لكن يمى خدامة نهار كامل وانا مرات نمشي ومرات لالا حاليا ما رانيش نمشي والله انا الصباح ما نلقاش شكون يمدلي كاس حليب او دوايا نشربو كيفاه نتحمل مسؤولية طفلين وباباهم يسكن في نفس الحومة معاهم هو صح ما رحمنيش وما يرحمنيش وما يهمنيش فيه ربي يخليلي يمى لكن غير معقول باباهم حي ويماهم وانا نتحمل مسؤوليتهم
ربي يجيبها فالصواب المهم نرفد صحتي حاليا ونشوف وعارفة ما نقدرلهمش
ربي يخليك وشكرا ورمضانك اكرم بارك الله فيك واكيد نتقبل النصيحة فالله أعلم أنني أعتبر الجميع هنا إخوتي وأخواتي شكرا

[مريم الصابرة]

المشاركة الأصلية كتبت بواسطة imi02i

السلام عليكم ورحمة الله وبركاته
أسأل الله أن يكتب لك الصحة والعافية والشفاء الذي لا يغادر سقما
أختي مريم: من حقك أن توفري الجو المريح لك ولصحتك بعيدا عن كل هاته المشاكل والفوضى
الخطأ ليس منك بل من أخيك وزوجته الأولى وزوجته الثانية فكل واحد منهم يحب أن ينتقم بطريقته الخاصة بإستخدام هؤلاء الصغار الأبرياء الذين ستكتب لهم التعاسة إن واصلوا حياتهم على هذا المنوال،
فالأب ليس بمكترث لأمرهم وأمهم تستغلهم في إشفاء غليلها وزوجة أبيهم تنفرهم لحقدها
إن انعدمت الرحمة من قلوب هؤلاء فمن ياترى سيرحمهم ويعوضهم الرعاية والحنان الذي هو حقهم
أنا لا أنصحك بأن تنفي وجودهم من بيتكم لأني أعلم أنك لو كنت تستطيعين لاحتويهم أنت بنفسك
لكن الأولى أن تتخذوا موقفا صارمًا مع هؤلاء الثلاثة وإلا فلن يحلها إلا القضاء
وإن لم ينفع معهم القضاء فلا حل إلا أن تتحمليهم بشدة وكفى
وإن رفضتهم فهذا حقك، لأنك لا تحملين أي ولاية عليهم
والله الميسر

السلام عليكم اختي إميو شكرا على المداخلة
كيما قلت هم ضحايا إنتقام يماهم من ضرتها وباباهم يخاف من مرتو الثانية وانا راني في وسطهم هوما صح صغار وما عندهم حتى ذنب ولكن انا راني مريضة نفسيا ما رانيش مرتاحة من مرضي وألف مشكل راه في راسي نفكر فيه ومش قادرة نوض ونربيهم وراكي عارفة الذراري لازملهم تعب كبير وختي المتزوجة قالت انا نقدر نتهلى فيهم فالنهار عادي لكن زوجها ما يقبلش لأانها عندها بنات وبطبعو ما يحبش الإختلاط بين البنات والذكور وراكي عارفة الألفاظ اللي تعلموها الذراري وعندو الحق
لما يجوني نعاودلهم التربية تعلمو الفاظ من الشارع ومن ذراري وحتى الصلاة عندي يصلو لما يروحو يقولي عام كامل في دارهم ما يصلوش عند يماهم يعني صح هوما ضحايا ولكن انا ما نقدرش
وموقف امي قلقني هي صح تحيهم وتظل تبكي عليهم وين تروح يروحو معاها لما يكونو عندنا وصدقيني في رمضان يغلق بابو ويخليهم ويمى هي تتكفل وامي ما تدخمش في رمضان وحتى ما يخسرش عليهم خبزة يمى دبر راسها وياكلو معانا تقولي يمى خليهم ربي يرزقهم ويرزقني وعادي يقعدو عندنا شهر كامل وتزيد يمى تكسيهم فالعيد ويروحو بعد العيد تعاد يماهم تبعثهم تقولهم كي يبقى نهار قل الدخول المدرسي أرواحو
المشكل صحتي ما نقدرلهمش في زوج تعب كبير
فوضت امري لربي حاليا نحوس نبرا ونقدر نمشي على رجليا ومن بعد ساهل إن شاء الله شكرا على ردك الطيب

[فدائية]

ربي يسر لك امووووووووووووورك,,, و ربي يشفيك و يرزقك بتاج الصحة,,, ان شاء الله
انا نقولك اصبري و احتسبي,,, الخير ما تعرفيهش قع مين يجي,,,, و رضى الرب في رضى الوالدة,,, و الله اعلم,,,, يعني انت احتسبي و الله لا يضيع اجر المحسينين,,,,, و الله المستعان
ربي معاكم و معاهم ان شاء الله

[مريم الصابرة]

المشاركة الأصلية كتبت بواسطة adlan18

الله المستعان ربي يقدرك و يشافيك ان شاء الله

السلام عليكم اخي
بارك الله فيك اللهم آمين شكرا ربي يشفي كل مرضانا يا رب شكرا

[مريم الصابرة]

المشاركة الأصلية كتبت بواسطة فدائية

ربي يسر لك امووووووووووووورك,,, و ربي يشفيك و يرزقك بتاج الصحة,,, ان شاء الله
انا نقولك اصبري و احتسبي,,, الخير ما تعرفيهش قع مين يجي,,,, و رضى الرب في رضى الوالدة,,, و الله اعلم,,,, يعني انت احتسبي و الله لا يضيع اجر المحسينين,,,,, و الله المستعان
ربي معاكم و معاهم ان شاء الله

السلام عليكم اختي
اللّهم آمين ربي يخليك ويعزك
والله هنا لقيتيتين حايرة لانو رضاي امي هي اللي تهمني وعارفتها متعلقة بيهم بزاف وهي أصلا ركبها السكر العام اللي فات من مشكل إنو مرت باباهم حاوزتهم وضربتهم والله لوما مشكل صحتي ما تهمنيش لما يجو 3 اشهر او نتاع العطل عادي بزاف لكن أيضا لو نخمم من منطق يماهم حية وعارفتها دير زكارة في مرت باباهم ومرت باباهم رماتهم وباباهم اللي ما عندوش قلب يخاف من مرتو
بقيت انا وهوما فالوسط
ربي يهديهم شكرا وربي يخليك

[سراب06]

المشاركة الأصلية كتبت بواسطة مريم الصابرة

السلام عليكم اختي شكرا على ردك الطيب
اكيد عارفتهم ابرياء وضحايا صدقيني لو تشوفيهم تقوليهم يتامى ووالديهم حيين يماهم ما عندهاش قلب تبعثهم مثلا فالعطل الصيفية تتخيلي حتى يروحولها فالعيد باه تشوفهم ما تعيطلهمش ما تحوسش عليهم نهائيا مرات يقولولي عمتي مدينا تلفون نعيطلو لماما تهدر معاهم زوج كلمات وتقلي راني مشغولة وتروح للبحر وللأعراس وتخليهم تخلي عندها الصغير برك والزوج لخرين عندنا
المشكل انا مريضة وهوما صدقيني لازملهم إعادة تربية يعني لما يجو راسي يشيب معاهم نعاودلهم التربية لازم نوقف معاهم كي ياكلو وينقو سنانهم ويغسلو ولما يلعبو يجو حوايجهم مسخين لازم بدليلهم ما نقدرش نخليهم هكذاك مسخين يعني ما راهمش متعلمين نهائيا والغلطة مش منهم على بالي لكن يمى خدامة نهار كامل وانا مرات نمشي ومرات لالا حاليا ما رانيش نمشي والله انا الصباح ما نلقاش شكون يمدلي كاس حليب او دوايا نشربو كيفاه نتحمل مسؤولية طفلين وباباهم يسكن في نفس الحومة معاهم هو صح ما رحمنيش وما يرحمنيش وما يهمنيش فيه ربي يخليلي يمى لكن غير معقول باباهم حي ويماهم وانا نتحمل مسؤوليتهم
ربي يجيبها فالصواب المهم نرفد صحتي حاليا ونشوف وعارفة ما نقدرلهمش
ربي يخليك وشكرا ورمضانك اكرم بارك الله فيك واكيد نتقبل النصيحة فالله أعلم أنني أعتبر الجميع هنا إخوتي وأخواتي شكرا

هل تعرفين أن هذا أسعد يوم في حياتي
عندما تدخلت للمساعدة لم أكن أبدا أتوقع منك الرد لكن كنت أطيب مني وكلامك أدخل السررور إلى قلبي وراح ندعيلك الله يسعدك كما
أسعدتني فلا يوجد في الحياة أجمل من التسامح
هل تعلمين أني كنت أطلب من الله هذا اللقاء بيننا
ولقد إستجاب لي لذلك اطلبي الله الشفاء والفرج
وراح يستجيبلك
مشكلتك قطعت قلبي وتمنيت أنني جارتك واساعدك
أختي ركزي على الأكبر وعليه يعاونك بدون أن تصرخي وتتعبي نفسك قوليلهم في جلسة مع بعضاكم راكم تشوفو في حالتي لازم تعاونوني
متوسخوش حوايجكم وتغسلوا أسنانكم وترتبوا
الأشياء وإلي يكون مؤدب نعطيه جائزة
والله ماتعرفي ربما بعثهم رب لمساعدتك أعرفي كيفاش تجعلينهم أبنائك أنت غكسبيهم لصفك صعبة
في المرة الاولى ثم تتعودين المهم بدون عصبية
المهم أختي نزيد ندلل وعندي طلب منك فهل توافقين؟وهو طلب مساعدة روحية

[فدائية]

لا عليكِ اخيتي,,,,, الله يرى و لن يضيعك,,,, و بالنسبة للأمهم الله يهديها,,,,, و يماك الله يشفيها و يكتب لها الاجـــــــــــــر ياااارب,,,, و اخـــــــــوك الله يهديه,,, و يجي النهار الي يتفكر ولادواااا ,,,,, سبحان الله,,, ناس محرومين من الذرية و ناس عندهم الذرية و لا مهتمين فيهم,,, الله المستعان
الله يصبرك اخيتي,,,,, دعـــــــــــــــــــواتي

[مريم الصابرة]

المشاركة الأصلية كتبت بواسطة فدائية

لا عليكِ اخيتي,,,,, الله يرى و لن يضيعك,,,, و بالنسبة للأمهم الله يهديها,,,,, و يماك الله يشفيها و يكتب لها الاجـــــــــــــر ياااارب,,,, و اخـــــــــوك الله يهديه,,, و يجي النهار الي يتفكر ولادواااا ,,,,, سبحان الله,,, ناس محرومين من الذرية و ناس عندهم الذرية و لا مهتمين فيهم,,, الله المستعان
الله يصبرك اخيتي,,,,, دعـــــــــــــــــــواتي

السلام عليكم اختي
اللهم آمين يا رب
والله حتى انا لما تشاجرت معاه قتلو عادي ما عندكش قلب على يماك وعليا بلا بيك رانا عايشين الحمد لله ما خصنا والو لكن هذو اولادك ماشي ولاد الناس كيفاه يجيك قلب تدخل لدارك تاكل وراميهم فالشارع ما راكش عارف كلاو او لا مرضو او واش خصهم المهم يهنولك راسك وما يجيبولكش مشاكل مع مرتك ناس محرومة وناس عندها ومضيعتهم لكن عند ربي الحساب عصير خليه
شكرا وربي يخليك وانا على جال ربي ويمى راني متحملة المهم نرفد صحتي شويا ومن بعد ربي يحلها من عندو شكرا

[فدائية]

ان شاء الله اخيتي,,,,, ابــــــــــشــــــــــــــــري ان شاء الله بدعــــــــــــــــــواتي,,,, يااااااااارب
اللهم يسر,,,,,

[مريم الصابرة]

المشاركة الأصلية كتبت بواسطة سراب06

هل تعرفين أن هذا أسعد يوم في حياتي
عندما تدخلت للمساعدة لم أكن أبدا أتوقع منك الرد لكن كنت أطيب مني وكلامك أدخل السررور إلى قلبي وراح ندعيلك الله يسعدك كما
أسعدتني فلا يوجد في الحياة أجمل من التسامح
هل تعلمين أني كنت أطلب من الله هذا اللقاء بيننا
ولقد إستجاب لي لذلك اطلبي الله الشفاء والفرج
وراح يستجيبلك
مشكلتك قطعت قلبي وتمنيت أنني جارتك واساعدك
أختي ركزي على الأكبر وعليه يعاونك بدون أن تصرخي وتتعبي نفسك قوليلهم في جلسة مع بعضاكم راكم تشوفو في حالتي لازم تعاونوني
متوسخوش حوايجكم وتغسلوا أسنانكم وترتبوا
الأشياء وإلي يكون مؤدب نعطيه جائزة
والله ماتعرفي ربما بعثهم رب لمساعدتك أعرفي كيفاش تجعلينهم أبنائك أنت غكسبيهم لصفك صعبة
في المرة الاولى ثم تتعودين المهم بدون عصبية
المهم أختي نزيد ندلل وعندي طلب منك فهل توافقين؟وهو طلب مساعدة روحية

السلام عليكم اختي
علاش ما نردش عليك صرا مشكل بيناتنا إنت حكمت عليا من خلال موضوع الإنتخابات انا درتو مجرد لعبة نخرج من الجو اللي راني عايشاتو وضحكت فيه صح من قلبي ممكن تجاوزنا الحد فالدردشة اعترف لكن كانت دردشة اخوية والله اعلم وكونك قلت انني آخر من تحترم نفسها فهذا عادي تجاوزته لأانو نعرف نفسي واختي مصارن فالكرش ويدابزو عادي والله لا يجعل بيناتنا زعاف عادي اختي الامر نسيتو خلاص
و بالنسبة للموضوع رغم انني مقلقة بزاف لكن يغيضوني ما نحبش نعيط عليهم نهدر معاهم بالعقل ونحتم عليهم الامور ونطلب منهم جيبولي هذيك وهذيك كيما اليوم هو ناض رفد فراشو خرجو للشمس فوق الدار انا ما نقدرش وشرب حليبو وحدو حتى يوصل خوه لاخر اليوم او غدوى الحقيقة يسمعولي ويروحو يشرولي ولما يكونو هنا ينقصو عليا لكن تعرفي هكذاك تبقاي حريصة مازالو صغار نخاف النار نخاف التريسيتي لازمني دايما واقفة معاهم ولازملهم النظافة هي يمى دوشلهم انا ما نقدرش لكن راكي عارفة فيها تعب كبير خليتها على ربي ويمى قاتلي نديهم للقضاء ونقدم شكوى بخوياو بطليقتو لانهم ضيعوهم ذاك النهار جابتو يماه بحوايجو لقيتها فالطريق قاتلي جبتولو يبقى عندو ما نحتاجوش قتلها مرتو ما قبلتهمش وانا اغلب وقتي فالسبيطارات وليدك كيفاه خلاتو وراحت عاود هو بعثولها مع الطاكسي هل هذو يستاهلو يكون والدين ربي يهديهم
شكرا على كل كلمة طيبة وربي يخليك وما فهمتش معناها مساعدة روحية اختي نتشرف بصداقتك اهلا وسهلا بك في اي وقت شكرا

[مريم الصابرة]

المشاركة الأصلية كتبت بواسطة فدائية

ان شاء الله اخيتي,,,,, ابــــــــــشــــــــــــــــري ان شاء الله بدعــــــــــــــــــواتي,,,, يااااااااارب
اللهم يسر,,,,,

السلام عليكم
بارك الله فيك وهذاك اللي نحتاجو دعواتكم نرفد صحتي لانو هذي الايام راني نعاني بزاف شكرا وربي يخليك يا رب