السردين على طريقتي امممممممممم

أم ياسين الزهراء · 2013-10-30, 15:22

السلام عليكم

هدي الفكرة تاع الهام هي اللي اقترحت علينا نديرو مواضيع على السردين وكل وحدة تحط طريقتها وعفايسها لان المنتدى فيه مبتدات وبنات انا رغم اني عجوزة هههههههههه ماشي بزاف تفكرت لاني وعدتها بموضوع والبارح جاتني السردينة تفكرتكم قلت نحط طريقتي وان شاء الله تفيدكم

اولا نقو السردينة ونغسلوها مليح ونديروها في كسكاس تقطر

في طبسي نحط مغرف كبيرة موطارد ومغرف هريسة على حسب الدوق وكمون مغرف كبيرة الملح وفلفل عكري ومغرف صغيرة طماطم مصبرة وفلفل اكحل ومغرف كبيرة خل ونخلط الكل

ونجيبو السردين ونحطو عليه التغميسة ونخلطوهم مليح ونديروهم في بواطة نقفلوها باش كينحطوها في فريجيدار ماتضربش الريحة انتاع السردين والافضل تبات واللي مزروبة ديرها قبل ساعتين وكيلحق وقت الغدا تقليها

كيما قلتلكم الافضل تبات راح تولي هايلة وكيشغل جديدة نجبدوها ونرمدوها في الفرينة شوفو ذكائي بالمغلاق تاع البواطة درت الفرينة باش مانكثرش المواعن هههههههههههه اتعلمو بنات راهم المواعن يكرهو

وهنا مقلين اممممممممممممم البنة هايلة

زدت معاهم فلفل مقلي وطماطم

وفريت

والسلايط ورق وبيطراف وزرودية ماصورتهمش نقلي ونصور نسيت وهجمو علي ولادي بصحتهم

هدا لالهام تستاهلو

ان شاء الله فدتكم وعجبتكم طريقتي انا مانديرش فيه الثوم هكى يجيني بنين

sidali 2007 · 2013-10-30, 15:25

امممممم يعطيك الصحة نموت علي سردين شهيتني

*عاشقة الجنة* · 2013-10-30, 15:36

يعطيك الصحة اختي العزيزة

عجبتني طريقتك بزااااااف
لانو السردين فيه بزاف طرق لتحضيره

باركك الله

ilbeldelmondo · 2013-10-30, 15:39

ام ياسين الحبيبة شكرًا على الوصفة لكن اضافة الى عقدي مانكلش السردين نخاف الشوك

*أم ثازيري* · 2013-10-30, 15:39

امممممممممممم باين مالح و بنين و يقرمش امممممممم

عطرالذهب · 2013-10-30, 15:49

يعطيك الصحة ام ياسو يبان يشهي بالصح نبقو سخفانين هاذاك كامل لالهام واحنا نبقوا نشوفوا ونشموا برك (ابعثيلي وحدة بالدرقة)

<نَجْمَاتْ> · 2013-10-30, 15:51

تسلم الايادي ام ياسين الزهراء وانا رايحة ندير السردينة للعشاء تقريبا كيما وصفتك فقط انا ندير القارس وشوية ثوم وزعيترة

ladymillion · 2013-10-30, 15:53

شكراااااااااا ام ياسو اكيد بنينة بارك الله فيك

رياحين الجزائر · 2013-10-30, 15:55

ماشاء الله علسيك تقريبا نفس طريقتي بصح انا مانبيتوش انجربها ان شاء الله

natacabell · 2013-10-30, 15:57

شكرا لكي انا نديرو بنفس الطريقة فقط بلا لاموتارد نضيفلو فلفل دريس وثوم جي بنتو روعة٠ منبيتوش على خاطر منحبش السردين البايت٠ ٠مممم شهيتيني هههه مليحة الفكرة تع الفرينة نقولك انا ندير الفرينة في صاشي و نرمدو نحط كمية مليحة و نبدا نقلي

خربشة ناعمة · 2013-10-30, 16:02

شكرا على طريقتك اختي المصورة
بصحتكم الغدا تاكلوه بالصحة و الهنا
طريقتك تختلف على طريقتنا
احنا اول حاجة السردين نحيولوا الراس..فقط انواع الحوت الكبير اللي نخليولو الراس..
و الثوم ضرورية ..نعملوا الدرسة و نحشيوا بها السردين في المكان المفتوح ..من بعد نرمدوه في السميد الرطب ونقليوه يعطينا ذوق خاص..
تقبلي مروري..

أم محمد تاج · 2013-10-30, 16:05

ممممممممممممممممممم أم ياسوووو يعطيك الصحة حنونة يهبل هك طريقة أمي الله يرحمها بصحتكم

الماسة النادرة · 2013-10-30, 16:19

نعطيك وصفتي ثوم وفلفل احمر حار كمون وفلفل اسود وحمار وهريسة وليمون ومعدنوس وطماطم تاع البواطة وديرو فيها السردين ومن بعد رمدوه في السميد ارطب وقلوه وشهية طيبة

2013-10-30, 16:22

رااااااااااااااااااااااائع حبيبتي والله يشهييييييييي طريقتك رائعة سلمت يمناك

moslihe29 · 2013-10-30, 17:03

ام امممممممممممممممممممم يشهى انا راه عندى شراه سى السيد للفطور ولقانى دايرة البركوكس خليته للعشا راح نجربه شكرااحبيبتى