|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
«||••سلسلة صحة العيونBe wise...protect your eyes",,,••||»"
 |
|
|
أدوات الموضوع | انواع عرض الموضوع |
2017-01-29, 20:47
|
رقم المشاركة : 61 | |||||
|
اقتباس:
للاسف مكانش دوا فعال للاكاطاراطت حلها الوحيد هو العملية حيث يتم ازالة العدسة ونواتها واستبدالها بعدسة زرع implant intraoculaie لذلك اخي خذ موعد مع الطبيب وهو من يقرر بشان العملية ومتستهنش بجرح العين لانو الاهم من العدسة هي القرنية شوف اذا راهي لاباس او لا في كل الاحوال عليك بزايرة طبيب في ارقب وقت للتاكد ن سلامة العين والنظر بشان عملية لاطاطاراطت اخي وربي يشافيك
|
|||||
|
|
2017-01-30, 11:38
|
رقم المشاركة : 62 | |||
|
اختي على رصيف الامل و الله جربنا الارقام والو ما راهمش يرفدو علينا و حبيت نسقسيك شحال تستغرق المدة و توجد هذي العدسات و هذا بعد اخذ القياسات طبعا باعتبار انهم يجيبوهم من الخارج |
|||
|
|
|
2017-01-30, 21:33
|
رقم المشاركة : 63 | |||
|
اهلا اختي غريب الامر هذو الارقام راهم جدد |
|||
|
|
|
2017-01-30, 22:57
|
رقم المشاركة : 64 | ||||
|
اقتباس:
شكرا الأخت رصيف بارك الله فيك لا ليس هذا بالضبط أنا ما عطيتكش المعلومات الكافية الحالة من 12 سنة و تم علاجها عند أخصائيين و شفيت نهائيا لكن الإستفسار عن علاج : la cataracte traumatique sur le plan esthétique شكرا لك |
||||
|
|
|
2017-01-31, 21:19
|
رقم المشاركة : 65 | ||||
|
اقتباس:
ممكن تقولي المشكل وين اكزاكت اسكو في القرنية ولا في الصلبة وهل تاثرو الطبقات الداخلية لهما لما صراتلك الاصابة يعني وين حاب يكون الكوتي استيتيك باش نعرف وشا نجاوبك اخي ونعرف الحالي ياريت تفصلي ثم قولي العين لما استبدلت العدسة يخي راك تشوف بيها متاثرتش بزاف؟ |
||||
|
|
|
2017-01-31, 21:51
|
رقم المشاركة : 66 | |||
|
اختي توبة راني اتصلت وجبتلك رقم اخر |
|||
|
|
|
2017-01-31, 21:55
|
رقم المشاركة : 67 | |||
|
شكرا ليك اختي ربي يحفظك
نجربو و نردلك الخبر |
|||
|
|
|
2017-02-06, 22:51
|
رقم المشاركة : 68 | |||
|
ان شاء الله اختي مرحبا بيك باي وقت |
|||
|
|
|
2017-02-11, 10:13
|
رقم المشاركة : 69 | ||||
|
اقتباس:
أولا أختي على رصيف الأمل يعجز لساني على إيجاد الكلمات لشكرك فألف ألف شكر لك أختي على كل شيء و ربي يجازيك و يحققلك كل ما تتمنين انت فرحتيني و ربي يجعل حياتك كلها أفراح في الدنيا و الآخرة و الحمد لله بفضل ربي أولا و بفضلك قدرت نوصل للمصحة و درت الفحوصات و التجربة تاع ليلونتي و الحمد لله كانت النتائج جد مفرحة عمري و لا كنت نتوقعها خاصة اليسرى لأني كنت قاطعة منها الأمل و إن شاء الله منا على شهر و لا شهر و نص يوجدولي ربي يكتبلك من الخير ما يغنيك عن السؤال و من التوفيق ما يفتح لك كل مجال ربي و من حفظك و عنايتك ما يحيط بها من اليمين و الشمال |
||||
|
|
|
2017-02-11, 12:30
|
رقم المشاركة : 70 | ||||
|
اقتباس:
+ قوليلي عند اي طبيب فيهم فتي واش من لونتي جات على عينك غاليتي درتي lentille rigide minicon ولا lentille sclérale تاع السيروم هذيك احكيلي كيفاش جاز الرونديفو + نحب نزيد نفرحك بحاجة اخرى شفتي الفرحة لي راكي فيها لما ركبتي العدسة التجريبية رايحة تتضاعف بعد شهر لما تركبي العدسة النهائية لانو العدسة التجريبية قدرتها اقل مما ترين والعدسة الخاصة بيك ترين بها احسن واحسن والله فرحتلك من قلبي اعرف جيدا ما هو هذا المرض وكل خباياة وفاتو عليا بزاف حالات لما نشوف فرحتهم ننسى كل هموم الدنيا ومتاعبها العين نعمة وربي لا يحرم منها اي واحد اي حاجة تسحقيها اختي راني هنا نعاونك بلي نقدر عليه |
||||
|
|
|
2017-02-12, 12:11
|
رقم المشاركة : 71 | |||
|
 اقتباس: المشاركة الأصلية كتبت بواسطة على رصيف الأمل  ياه هذا احلى خبر نسمعو اليوم ربي يفرحك اختي والحمد لله لي وصلتيلهم كنت اكلة همك ونستنى فيك باش تردي ونحكملك رونديفو مي الله يبارك راكي شطورة وفتي والحمد لله لي لقيتي رونديفو ريب لانهم عندهم الضغط شوية ربما في العطل + قوليلي عند اي طبيب فيهم فتي واش من لونتي جات على عينك غاليتي درتي lentille rigide minicon ولا lentille sclérale تاع السيروم هذيك احكيلي كيفاش جاز الرونديفو + نحب نزيد نفرحك بحاجة اخرى شفتي الفرحة لي راكي فيها لما ركبتي العدسة التجريبية رايحة تتضاعف بعد شهر لما تركبي العدسة النهائية لانو العدسة التجريبية قدرتها اقل مما ترين والعدسة الخاصة بيك ترين بها احسن واحسن والله فرحتلك من قلبي اعرف جيدا ما هو هذا المرض وكل خباياة وفاتو عليا بزاف حالات لما نشوف فرحتهم ننسى كل هموم الدنيا ومتاعبها العين نعمة وربي لا يحرم منها اي واحد اي حاجة تسحقيها اختي راني هنا نعاونك بلي نقدر عليه بسم الله
تعيشي اختي و ربي يحفظك ههه اما بعد نبدالك فالتفاصيل الطبيب اللي عقبلي اسموا دليلاش طبيب و الله ما شاء الله بدا جربلي في عيني اليسرى حطلي عدسة صغيرة و حطلي فيها مادة خضراء و مبعد حطلي كادر كيما تاع النظارات و حطلي عليهم زجاجات و الله ما كنت نتوقع بلي راح تكون النتيجة هكذا اصلا كنت حاطة في بالي كي لحقت للمرحلة الرابعة مش راح يجربهالي رايحة و في بالي غير يديرولي لليمنى و الحمد لله الحمد لله الحمد لله يارب و لدرك مازلت مش مؤمنة ههه و مبعد زاد جربلي لليمنى و حطلي الدواء و خلاني قعدت نص ساعة و كي زاد شاف قالي راه مليح هكذا ما نقصش السيروم اللي حطلي و مام انا فالاول نحس عينيا ثقال بيهم و مبعد عادي و انا باش نسقسيه عليهم كبار و لا صغار من الفرحة ما جاتش في بالي و هو ما قاليش و هذو قالولي يجيبوهم من هولندا و الحمد لله مازلت بلادنا بخير بناسها و ماننساش خيرك و ربي يجازيك ان شاء الله فالدنيا و الاخرة و ثاني الدكتور محرز ربي يحفظوا و اخيرا الدكتور دليلاش هو ثاني الله يبارك كيفاش فهمني و نصحني قالي عملية زرع القرنية ما تقربيش ليها اصلا قالي مهما ديريها مش راح تكون عندها نتائج مليحة و يبقى الحل الافضل و الاحسن هوما العدسات لا الحلقات و لا الزرع ملاح |
|||
|
|
|
2017-02-15, 00:31
|
رقم المشاركة : 72 | |||
|
الحمد لله ياربي سعادتك تفرحني |
|||
|
|
|
2017-02-15, 14:06
|
رقم المشاركة : 73 | ||||
|
اقتباس:
ان شاء الله يا ربي
و ربي يشفي كل مريض و يفرح كل واحد و ربي يجازيك ان شاء الله ههه و ان شاء الحاجة اللي نحتاجها راني نقلك |
||||
|
|
|
2017-03-20, 17:17
|
رقم المشاركة : 74 | |||
|
السلام عليكم اختي على رصيف الامل
حبيت نقلك بلي الحمد لله راني جبت العدسات تاوعي و الحمد لله على النتيجة و الله قد ما فرحت بيهم درك ولالي شوي خوف منهم على كيفاش نستحفظ بيهم حبيت نسقسيك لما نكون مدايرة العدسات العلبة تاعهم لازم نظفها يوميا لما نرمي السائل اللي كانت فيهم العدسات و لا لالا على خار انا كي سقسيت هذي اللي مدتهملي قاتلي لالا غير كي تلقايها وسخت و ثاني شحال نقدر نخلي العدسات فالعلبة و بالمحلول تاعم لاني ملي جربتهملي البارح و نحيتم و خبيتم مازلت ما درتهمش لانهم جاونني شوي صعاب على خاطر كبار و هل كل ما نحيهم نظفم بالمحلول قبل ما نحطهم في العلبة تاعهم و فالمحلول و لا غير كي نجي نديرهم |
|||
|
|
|
2017-03-29, 13:43
|
رقم المشاركة : 75 | ||||
|
اقتباس:
+ وعلاش تخافي اختي رانا هنا ونعاونوك ونشرحولك ونساعدوك ولي ثقيلة عليك خفيفة علينا باذن الله + بخصوص المحافظة على العدسات سهليها تسهل من الان فصاعدا اعتبرها جزء من حياتك وديريها اسلوب حياة هكا باش متخافيش منها وتتعودي عليه فقط ديري عادات صحية باش متاذيش نفسك ولا تاذي لالونتي لانو كي تتاذى لالونتي تتاذى عينك اوتوماتيكمون المهم اختي نصيحتي الاولى ليك حاولي تتعلي تلبسيهم ونظن راهم شرحولك ومدولك سيدي فيه الطريقة فقط فيديو السيدي هوما يقطعو لافونتوز انت متقطعيهاش اختي خليها كيما راهي ايضا نظن قالولك بلي استعملي ديما فوطة كي تنحي وتركبي هكا باش متروحلك راني غير قاعدة نعاودلك باش تستفادي وشتفاي بخصوص ليبرودي وشا مدولك gp procare progent B5 واش اكزاكت باش نشرحلك كيفاش تستعمليه السيروم راهو حاجة مفروغ منها لانو تعمري لالونتي بيه شوفي اختي لابوات معلاباليش ويناه لي مدوهالك المهم انت فليل كي تنحي لالونتي ارمي البرودوي لي في لابوات واذا حبيتي شليها برودي مش مشكل من بعد حطيها في لابوات واغلقي عليها في الصباح استخدمي هذا لبرودي واغسلي بيه لالونتي يعني كوبيه عليها فرغي لابوات ومن بعد عاودي شلي ليلونتي برودوي جديد باش تضمني انها نظافت مليح تحبي تعاودي تعمري لابوات وتخبيها وفليل تحطي فيها او تخليها فارغة ولما تنحي لالونتي تكبي فيها برودوي جديد انت واش حبيتي دبري راسك اخي انا تبانلي خليها فارغة احسن المهم نوصيك اطونسيون تغسلي لابوات ولا لالونتي بماء الحنيفية او ماء سعيدة اطونسيون خط احمر لانو بعةة مدة يديرولك ليشزنبينيون فيها وينتاقلو للقرنية وانت اصلا قرنيتك مريضة المهم نرجعو للموضوع لابوات راهي كل يوم تتغسل بالبرودوي يعني رايحة تبقى نظيفة واذا شفتيها خماجت حكيها مليح بصباعك او بقماشة او اغسليها بيان ومن بعد عاودي شليها بالبرودي بلاكي تغسليها بالماء ومتفوتيش عليها ليبرودوي اختي + اذا وسخت بزاف بزاف غيريها هكا باش تضمني سلامة عيونك ياريت تصوريلي ليبرودوي لي مدوهملك وليفونتوز ولابوات بون معلومة ليك في لوبتيك منقولو ش لابوات راني غير نشرحلك نسميوها étui ايتوي + نروح لسوالك الاثاني اذا بقات لالونتي في نفس البرودوي لمدة ايام مرايح يصرالها والو مش شرط تبدليهولها لكن اذا طولت المدة بزاف مثلا 15 يوم واكثر الاحسن بدليهولها وزيد وعلاش مراكيش ديري فيهم معرفتيش تركبيهم لروحك خلي واحد من الدار يركبهملك هي تجيك بيزار شوية المرة الاولى مي عادي توالي حتى لي يركبلك ساهل عليه فقط لما تركبوها حاولو متخليوش فيها ليبيل دار هذوك الفقاعات تاع الهوا باش متتجينايش + اهم سوال لي نسيت نسقسيهولك واش من نوع عدسة ركبي misa او icd شفتي قعدت نشرحلك ونسيت هذا السوال هههه + لازم تتعلمي تلبسيهم شوفي اكميها صبحة كماملة او عشية كاملة ريحي في بلاصة الاز وين واحد ميجينيك وجيبي فيها فوطة وتربعي وتعلمي نحي وركبي نحي وركبي حتى تتعلمي ذكرتيني بواحد لما كنت عندهم سطاج جا مسكين ميعرفش يركبها مرتو لي تركبهالو قالنا معدتش نتهاوش معاها ولا نقولها اي كلمة خاف لتزعف منو وتبطل تركبهالو هههه الور انت لازم تتعلمي ومتخليش تاع الدار يركبولك هكا باش متسحقي مزية حتى واحد هههه + هي كيفكيف تغسليهم صباح ولا لعشية مي انا ننصحك لاعاد بزاف لغبار وشفتيهم خماجولك في النهار كي تنحيم لعشية ديريلهم البرودي والمساج ميكانيك دوسمون متضغطيش عليها لا تكسريها ياخي قالوليك كيفاش تحكميها ومن بعد شليها وحطيها في البرودوي في ليتوي واذا كانو مش خامجين بزاف نورمال الصباح كي تنوضي اغسليهم وابسيهم واي حاجة تسحقها اختي ولا سوال راني هنا وسامحني هذي المرة طولت عليك خاطر كنت غايبة عندي شوية ظروف رايحة نحاول ندخل باش نجاوبكم كل ما سمحتلي الفرصة بانتظار اسم لالونتي والصور تاع ليبرودوي وليتوي تاعهم سلام |
||||
|
|
|
| الكلمات الدلالية (Tags) |
| العيون, سلسلة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
«||••سلسلة صحة العيونBe wise...protect your eyes",,,••||»"
العرض العادي
