إكتآب ما بعد الولادة

[أريج الهدى]

السلام عليكم أرجو منكم ٱعانتي أعاني من إكتآب ما بعد الولادة عاونوني

[bahi65b]

المشاركة الأصلية كتبت بواسطة أريج الهدى

السلام عليكم أرجو منكم ٱعانتي أعاني من إكتآب ما بعد الولادة عاونوني

السلام عليكم و رحمة الله
الأخت الفاضلة حمدا لله على سلامة صحتك
بالنسبة للكأبة يمكنك إستعمال محفزات هرمون السيروتونين Serotonin وهو هرمون الشعور بالسعادة

- من الأعشاب :
- الزعفران وهو باهض الثمن جدا إن أمكنك إستعماله فمطحون ملعقة قهوة صغيرة سفا بماء دافيء صباحا
على الريق أو نقيعا في كأس ماء ساخن لمدة 15 دقيقة ثم يشرب مرة في اليوم فهو من أروع ما وصف للشعور بالسعادة

- الخزامة أيضا جيد شما و نقيعا في كأس ماء ساخن لمدة 15 دقيقة ثم يصفى و يشرب صباحا مرة في اليوم

- ملازمة الذكر و الإستغفار و الصلاة على رسول الله صلى الله عليه و سلم تذهب الهم و الحزن بإذن الله

طهورة إن شاء الله

[عائش الوقار]

حسبنا الله سيؤتينا الله من فضله إنَّا إلى الله راغبون

[ميسم جوري]

السلام عليك اختي اريج
ممكن اختي تحكيلي الاعراض اللي عندك معنتها كيفاه تحسي انا مثلك اختي عندي اربع اشهر وانا نعاني راح تلقي موضوع تاعي في قسم الامراض بعنوان انا في دوامة ساعدوني
راح نحكيلك تجربتي مع المرض
ظهرت عندي الاعراض بعد 8 اشهر من الولادة كرهت حياتي وليت نحب نكون معزولة ماناكلش واي حاجة ناكلها نتقياها وليت نخاف خوف شديد وليت موسوسة سمحت في بنتي وفي زوجي وليت ما نرقدش فالليل نقول راني حابة نموت ودايما نحس اجة ماشي مليحة راها باغة تجيني وكي تحكمني الزمة هادي يتنمل الجسم تاعي كامل خاصة ايديا ورجليا و يخبط قلبي بسرعة نقول خلاص دوك يحبس حتى اني نسمع الخبيط في كل بلاصة ودراعي يتخدر كنت نقول بلاك راه فيا مرض القلب وليت نخاف من المرض ونخاف من أي حاجة وتجيني الرجفة في ايديا ورجليا وترتفع حرارة جسمي واعراض كتيرة هلكتني بزاف معاناتي كانت كبيرة بزاف راني حاسة بيك اختي المعناة صعبة خاصة كي ماتكونيش عارفة واش راه بيك
طرحت المشكل تاعي على اخوتي فالمنتدى ساعدوني بزاف وهما اللي شخصولي الحالة تاعي وكانت نصائح تاهم مفيدة جدا ولقيت اخوات حتى هما عاناو مثلي اقراي موضوعي في قسم لامراض راح تشوفي الردود ربما تستفيدي
نصحوني بزاف اني ندير الرقية واطباء قالولي روحي لطبيب الاعصاب
كنت راح نهبل صدقيني رحت لطبيب الاعصاب قالي عندك اكتئاب بعد الولادة اعطاني دواء يقولو ديبريتين صدقيني اختي كي كليت الدواء هدا هبلني ولات عندي اعراض اكتر من الاول وليت نحس راسي راه فيه موتور وقلبي حسيت بيه راح يحبس جاتني حالة هيستيريا غير طبيعية وهدا بمجرد اني اخدت الدوا لمدة تلات ايام او اربعة
حبست الدوا هدا نهائيا كنت راح نقتل روحي واعر بزاف انك دخلي الى عالم ادويه الاعصاب مع احترمااتي لكل الطباء انا راني نحكي على نفسي فقط كاين اللي كلاو الدواء تحسنت حالتهم كل واحد وكيفاه لكن انا شخصيا هلكني ودرك راني رحت لطب البديل الاعشاب داويت الخلعة عند امراة وراني نشرب الحللبة وافضل علاج هو انك تعالجي نفسك بنفسك علابالي ماهيش ساهلة بصح ديري في بالك انو ابتلاء وعلينا الصبر ان الله مع الصابرين وتكتري قراءة القران الدكر الصلاه في وقتها ما تقعديش وحدك اخرجي حوسي ماتخليش فراغ لانو الفراغ هو اللي يخلي الشيطان يتغلب عليك تقولي راني مريضة بصح انا ماريتش مائة بالمائة لكن الحمد لله على اللي فات عليا درك راني لاباس راني نخرج نكي ونضحك وراني لاهية ببنتي وزوجي درك راني نعاني من النحافة بسبب المرض هدا والقولون وانشاء الله دوك نريح بادن الله را نساندك اختي ونكون معاك وكي تعرفي واش راه فيك بلاك ترتاحي شوية نصيحتي لكي وكيما نصحوني الاخوة وعن تجربة خليك من الدوية اللي تتشرى بالبطاقة التعريف لانك ادا والفتيها راح يكون مشكل كبير اسأل الله العظيم رب العرش العظيم ان يشفيك اكتري من الاستغفار

[أريج الهدى]

السلام عليكم يرحم والديك يا أختي الآن الحمد لله راني في نعمة والله حبيتك بلا ما شفتك حبيبتي ربي يخليك لزوجك وبنيتك وما يحرمكش منهم يا رب

[muhibbat rrasoul sws]

المشاركة الأصلية كتبت بواسطة أريج الهدى

السلام عليكم يرحم والديك يا أختي الآن الحمد لله راني في نعمة والله حبيتك بلا ما شفتك حبيبتي ربي يخليك لزوجك وبنيتك وما يحرمكش منهم يا رب

السلام عليكم و رحمة الله و بركاته

ممكن يا أختنا تشاركنا تجربتك؟
هناك من يعاني من إخوانك من الاكتئاب الشديد و لم و لن تنفع معه الأدوية