عرايش من كوزينتي تفضلوا بالصحة والهنا

leilaz · 2014-07-26, 21:04

بسم الله الرحمن الرحيم

اليوم طيبت العرايش لي حبيت نشاركم بيها اخواتي
المقادير

كيلو فرينة ونبسسها برطل زبدة وشوية زيت +4مغارف سكر ارطب+شوية فاني +قرصة ملح +قرصة خميرة اختيارية+ونبل بالماء الزهر

تم نحضر الحشو 3كيلات لوز او كاوكاو بكيلا سكر وشويه قرفة وشوية زيت للطراوة وشوية فاني ونبل بالزهر

تم نشكل العرايش نشكل دوائر ونضع الحشو على شكل tونلمها ونشكل عرايش

وهادا القلاصاج

وهنا كي طاب وقلاصيتو

وفي الختام نتمنى تعجبكم حلوياتي
شكراااااااااااااا

وهاد القاطو الثاني لكن بحلة ملونة وجميلة ننصحكم تجربووووووووووه امممم وبالتفصيل
المقادير
رطل زبدة 2 كيسان سكر قلاص ونحكهم مليح ثم نزيدلهم 5بيضات 3 كاملين و2 الاصفر تاعهم زاست تع القارس فنجال زيت فاني 2كيسان نشا طبعا مع الخلط كل مانزيد حاجة و2خميرة تع القاطو ونشيح بالفرينة

ثم نحضر الحشو وانت واش حبيتي انا عملت كاوكاو معجون المشمش قاطو توم حلوة الترك ونلمها

تم نشكل اين بول من الحشو ونحشي بيهم قطعة من العجين

نطيبهم

نغطس حبت القاطو في ماء الزهر ونزيدها في السكر الارطب مرتين او 3
ونزينهم بالبات داموند بالطابع لي نغطس القاعدة تيعو بماء الزهر باش تلصق لابات في الكعبة تع القاطو و بألوان مختلفة كي تزيد بهاء في طريقة التقديم
ملاحظة
هادي الكمية دير 110 من كعبة اي زاكي وبريزونتابل

في امان الله اي استفسار انا في الخدمة

وبالصحة والهناء لكم عزيزاتي

lalmi12 · 2014-07-26, 21:39

يعطيك الصخة

chetoui · 2014-07-26, 21:46

Merci pour les recettes, yatik saha

leilaz · 2014-07-26, 21:51

بارك الله فيكم على الطلة الحلوة حبيباتي

leilaz · 2014-07-27, 20:38

278 ننرد ومانلقى حتى وحدة ترد علي غير 2 اخوات راني زعفانة منكم ياسر لا تشجيع ولا شكر على المجهود
بلاك حطيتو الحلويات خاطيتني والله غير تيعي والاسم هواسمي في منتدى اخر
المهم نشكركم ياسررررررر يلي يدخلتو وماعلقتوووش
وصحة عيدكم وينعاد عليكم بالصحة والهناء