تتبيلة الشلاضة ............. زٌخْرٌفَةٌ

zokhrofa · 2017-05-15, 09:11

السلام يا البنات

حبيت نشاركم بتتبيلة بنينة بزااااااااااف ان شاء الله تجربوها و تعطوني رايكم كي تحطوها على شلايظكم

اوّل حاجة حضري زيت في قارورة حطي فيها رند + سنات ثوم ماشي مفرومين + زعيترة + اكليل الجبل و خليها حتى يجي رمضان ان شاء الله باش تخدمي بالزيت الصلصة التالية : صفي كاس زيت منها لاستعماله في الوصفة

كاس ممزج بين زيت و زيت الزيتون

+ ربع كاس خل أو ليمون مثلما اقترحت اختي الفاضلة جلالي بلخير

+ نص كاس ماء دافي

+ شوية معدنوس حب

+ 2 فص ثوم

+ زعيترة

+ ملعقة قهوة معمرة تاع خردل

+ القلييييييييل من العسل

+ ملح

+ فلفل ابيض

خلطي كل شي في الخلاّط الكهربائي و بعدها حطي الخليط في قارورة زجاجية محكمة الغلق لازم ما يدخلش الهواء ليها راهي تفسد

اذا خفتو ديرو ورق الاكل لحمايتها من الهواء قبل وضع الغلاق

جلالي بلخير · 2017-05-15, 11:30

انا سعيدة ان اكون اول من يرد على الشيف زخرفة الله يعطيك الف صحة جات في وقتها ممكن نضيفلها ليمون او زنجبيل او فلفل اكحل

zokhrofa · 2017-05-15, 11:47

و أما ايضا سعيدة ما حبيتش نقول اسعد هههه

طبعا التتبيلة قابلة للتغيير و الاضافات على حسب الذوق

راح نعدل الموضوع حتى انك عطيتيني فكرة جميلة ما خممتش ندير الليمون في مكان الخل انا نفضل ليمون