المدرسة التطبيقية للدفاع مضاد الطائرات

[ilhemdz21]

السلام عليكم
اخي بعتوه الى المدرسة التطبيقية للدفاع مضاد الطائرات لاداء الخدمة الوطنية حيث يلتحق بها يوم 15 سبتمبر .... حبيت نسقسيكم واش رايكم فيها و هل فعلا يكون فيها الفائض
اتمنى اجابتي خاصة من ذوي الخبرة و شكرا

[هشام رضا]

اهلا ، كنت فيها في سبتمبر 2016 ، هي مدرسة متوسطة فيها لمليح ولحاير كيما كل المدارس والثكنات ...... فيها الفائض ايه ، بصح يا حبذا لو يدخل روطار لانو اذا دخل في 15 سبتمبر راح يلبسوه مباشرة وينسى حكاية الفائض للأبد لازم يدير روطار وربي يخرجوا منها روفورم ان شاء الله ماهيش خدمة خلاص

[BoOy16]

ilhemdz21
كيما قالك اخ لعزيز
هشام رضا
كنت تم في جانفي 2017...... مدرسة لي مليحة فيها انها متوسطة من كافة نواحي
متروحش 15 روح ب 22 لانو اذا رحت ب 15 يلبسوك و تولي تخدم على جماعة لي يدخلو بعد 15 حبيبي فائض فيها حبيبي تدي معاك ملف طبي عندك امكانية تدي ريفورم سبب طبي طبيب يشد دوسي تما تلعبها لطبيب مقروض و لا مريض بدون سبب يعطيك سورسي
موفق

[ilhemdz21]

شكرا لردودكم ....... و لكن للاسف اخي راه وصل اليوم للثكنة قتلو يتوخر شوية ما يروحش في التاريخ المحدد ما حبش خاف يصرالو كاش مشكل ...... ان شاء الله ربي يوفقو و يكون معاه و شكرا مرة ثانية للجميع

[⋟صقر☬الأندلس⋞]

السلام عليكم و رحمة الله و بركاته ، الأخت إلهام دي زاد 21 ، هل من أخبار جديدة عن أخيك ؟.

[ilhemdz21]

المشاركة الأصلية كتبت بواسطة ⋟صقر☬الأندلس⋞

السلام عليكم و رحمة الله و بركاته ، الأخت إلهام دي زاد 21 ، هل من أخبار جديدة عن أخيك ؟.

و عليكم السلام أخي وشكرا لك ..... نهار راح كيما وصل نحاولو التيليفون و قعد أربع أيام فالقازيرنا باش عقبوه على الطبيب و اليوم التاني لبس الكومبا وبدا التدريبات و قالولو بلي حتى ديسمبر باش يطلقوه و يمدولو بارميسو
للعلم فقط راه كل مرة يسلف تيليفون باش يفاكر فينا و نطمئن عليه

[⋟صقر☬الأندلس⋞]

المشاركة الأصلية كتبت بواسطة ilhemdz21

و عليكم السلام أخي وشكرا لك ..... نهار راح كيما وصل نحاولو التيليفون و قعد أربع أيام فالقازيرنا باش عقبوه على الطبيب و اليوم التاني لبس الكومبا وبدا التدريبات و قالولو بلي حتى ديسمبر باش يطلقوه و يمدولو بارميسو
للعلم فقط راه كل مرة يسلف تيليفون باش يفاكر فينا و نطمئن عليه

حسنا ، و لكن أرى أنّه يتحدّث و كأنّ الأمر قد قُضي و فُصل فيه ، ألا يوجد فائض في هذه المدرسة ، لأنّ لبس البزّة العسكريّة و بدأ التّدريبات ، لا يعني أنّ كل شيء انتهى و لا أمل في الحصول على الإعفاء ؛ فلو كان هناك فائض فلا يزال فيه أمل و لو ضئيل .

هل من معلومات أخرى أفادكم بها ؟

[ilhemdz21]

هذه هي المعلومات المتاحة لحد الآن أما فيما يخص الفائض على حسب علمي لا يوجد لأنه لم يخبرنا أو لم تتاح له الفرصة للتكلم في هذا الموضوع لأن أغلب مكالماته الهاتفية تكون لبضع دقائق معدودات و تنحصر إلا في السؤال عن حاله و صحته

[omarramo05]

سلام ... اذا كشما خصوا ..مثلا دخلولوا تيليفون نقدر نعاونك عندي صاحبي راه فيها

[ilhemdz21]

شكرا اخي و بارك الله فيك ....... كي عيطلنا اخر مرة قال بلي راهم يمدولهم التيليفون نهار الجمعة او السبت يعني مرة واحدة في الاسبوع و الله اعلم ....... كون كاش ما يحتاج راني نهدرلك و ربي يحفظك