الى سميحة كات و كل الحبوبات ههههه

[stayfiya]

سلاااام
واشراكم شوي الحالة ماكان ماكان وشبيكم هذا راهو الصيف و الشعب راه غير يخيط بصح مابان وااالوووو كشما تخيطو ولا يخيطولكم و لا تشوفو خياطة اسرقو وحطو
المهم نوليو لموضوعنا
اححححممم حبيبتنا سميحة طلبت باترون نتاع كورساج ما يكونش معقد و ساهل التطبيق و النتيجة تكون توووب جوابك عند السطايفية بعون الله
و كيما قتلك عندك زهر يكسر لحجر ههههه غير كيف خيطت بدرون من تصميم فنانتنا ام مريومة و نجحنا فيه و كان يتضمن كورساج ولا كورسيه كل واحد كيفاش يسميه ماضاعلناش .. اقراو مليح باش ما توليوش تصقصيو على حاجة ذكرناها و يبان عليكم بلي تفرجتو غير في التصاور
شوفي كيفاش يتفصل الباترون اول حاجة ارفدي لي ميزور نتاوعك و طبقيهم فوق الورق

ال 4 لي زدناهم في لاطاي رانا نوكلوهم في لي بانس و عندكي تنساي لااااازم تقطعي ب 2 سم خارج الباترون ميش كيما العادة 1 برك دااكووور


في الظهر نقطعو الطرف لي من فوق من الطابق للطابق


الكتان راني مدوبلياتو باش نتحصل عل الجنب الاخر و ثاني عاى لا دوبلير اوووكاااي

انا درتلهم حروف باش مايدوخونيش كي نعود نركب خاطر اي خطا يشكل خطر على حياتي ههههههه


هااه و باش ما ننساش قلتيلي كيفا ه يجيك الكورساج واقف اولها انا نحب نستعمل الكتان يكون شوييييترح يتكسل و ندير الفيزلين في لحواشي و من بعد كي نجمل الكتان نزيد نوكل الواحد سنتمتر لي زدناه تفكرتووووو كيييمااااااا زدنا ال2 سم هاو جا وقتهم امممم ياو باش ندخلو فيهم السيرسو ضك نعتلكم كيفاش او السيرسو نتاع نيلو و يتباع عند نتاع الحرج باش ماتسقسيونيش





هاه شفتيني كيفاش دخلتو في الباساج و نتي قيسي قدماش طول الكورساج و نقصي حق الكفة من تحت بيانسور ميش رايحة تفوتي عليه لبرا ؟؟؟؟
و مانوصيكش على لحديد اكتلي لخياطة مليييييح

و اليك النتيجة سيدتي



و خلصناااااااا الحمد لله الذي تتم بنعمته الصالحات و اي سؤال مارانيش لهنا حتى لغدوة في الليل ههههههه

[bant beladi]

حبوبتك راهي رقدت راني غير انا وياك في هذا الليل راكي صحيتي يا العمرية بنت لحرار هههههههه وقبل ما ترقدي روحي تشوفي لي فوطو كيفاه سقدتهم ومالا سطايفية باطل ههههههه

[stayfiya]

ايييييييه يا بنت عامر راني سبقتك عطيتك كلامات زينين روووحي شوووفيهمههههههه او لولة انا لي حطيتهالك باش نتفاهمو نتقاسمو لي شكرااا ههههههه

[naiilia]

يعطيك الصحة رووووعة

[bant beladi]

ولاه غير تستاهلي نخيطلك روبة ههههههه

[stayfiya]

ههههه ياو ما نلبسش انا الروب خلاااص لكان سواري معليش قابلة هههههه ههههههه لا ماركب يتعنكش هههههه كيما نقولوها حنا

[bant beladi]

يمالا استناي كاشما نتعلم شوية وعندك ذيك الساعة تقوليلي مانلبسش السواري وتخرجيلي فرنسيس هههههه

[stayfiya]

ههههههه انا نلبس كللللش غير لعرب هههههه نخيطو و مانلبسوش واش تحبي

[ramoula]

rabi yahafdak ya ostada raki t3almi fina kol yom chy jdid rani mobtadya raki chaja3tini rabi yorzkak dahar salah

[ANNA LEULMI]

يعطيك الصحة و ربي يعطيك ما تتمني

[ام دارين]

مشكورة على هاد المجهود يا بنت بلادي

[nora-kamel]

يعطيك الصحة

[ميار صهيب]

جزاااااااااااااااااااااااااااااااااااااااااااك الله خير

[بوعنينبة]

بارك الله فيك

[hayat-48]

yaatik essaha baraka allahou fiki