سوفلي بعجينة العشر دقائق ... ولا اروع

فلةفلة · 2015-07-08, 22:29

اليوم جبتلكم سوفلي ولا اروع ......
عملتو بعجينة العشر دقائق ... خليت ربع ساعة قبل المغرب و خدمتو ... خرجت البنة تاعو تهبل و كامل عجبتهم ... مي الشكل نخليكم تحكمو نتوما بسك ربع ساعة قبل المغرب ههههههه..
و الميني بيتزا خدمتها بنت ختي ملاك عندها ثلث سنين و شوي هههه...

IMG-20150708-WA0000.jpg

tong2 · 2015-07-09, 16:25

مممممممممممممممممم روعة
ربي يحفظلكم ملاك

إحساس الورد · 2015-07-09, 18:21

مليح يعطيك الصحة ملاك شطووووورة ......تاكلوهم بالصحة والهنا

*توبــــة* · 2015-07-10, 16:07

ملاك من ضرك ف الكوزينة ولا كي ماماها مهيش لاتية بيها ههههههههه

معلييييييييييش

يعطيك الربح كل منقولك حطيلي الوصفة تزليني يا موصيبة
المثوم زليتيني تزيدي هذا تاني نجيك بالبشماق هههههه

حطيها بالتفصيل مع الحشو اللي درتيه

فلةفلة · 2015-07-11, 12:37

اقتباس:

المشاركة الأصلية كتبت بواسطة *توبــــة*

ملاك من ضرك ف الكوزينة ولا كي ماماها مهيش لاتية بيها ههههههههه

معلييييييييييش

يعطيك الربح كل منقولك حطيلي الوصفة تزليني يا موصيبة
المثوم زليتيني تزيدي هذا تاني نجيك بالبشماق هههههه

حطيها بالتفصيل مع الحشو اللي درتيه

هههههههههههه... سمحيلي الله غالب مايكونش عندي الوقت باش نحط المقادير...
dsl welah ghir nessit...
IRIS_IMG_20150627_163938[1].jpg
هاذي تاع الحشو...
درت فيه لحم مرحي ، طون طماطم، و رحيت شوي بطاطا، و شوي زرودية، و بصل ، ثوم، طماطم تاع باطة، كمون، ملح، فلفل كحل .........
المهم الحاجة اللي كانت عندي فالفريجيدار حطيتها ههه

...
و العجينة هي عجينة العشر دقائف:
الخطوة الاولى:
2 كاس ماء+2كاس دقيق+ ذرة ملح+2 م ك سكر+2 ملعقة كبيرة خميرة.. نخلطوهم و نخليوهم يرتاحو 10د، مبعد زيدي مقادير الخطوة الثانية
الخطوة الثانية:
3 كاسات دقيق+ نصف كاس زيت
اعجنيهم مليح و خدمي بيها... تقدري ديري بيها اي شيء سوفلي، كرواسون، بيتزا ........