موسكوتشو بصوص الشوكولا، هشّ وبنين وساهل و كيفو في الخفة ماكانش *.* (وصفة ماما ربيّ يحفظهالي للفطور اليومي)

[« أبْجَدِيَّاتْ »]

مساكم بالخير يا حبوبات ، ان شاءالله راكم كامل غاية
حبّيت نشارككم وصفة أميّ في عمل موسكوتشو الكاكاو و الشّوكولا ،
وصدّقوني أنو أسْهل و ألذّ موسكوتشو ممكن تعمليه ، و من الصّور تقدري تشوفي شحال خفيف و هشّ *.*
الوصفة باذن الله ناجحة مع الجميع ، و تقدري تستعملي أي مول تحبيّ ،

نبدأ على بركة الله



المقادير :

7 ملاعق كبيرة فرينة
1 ملعقة كبيرة كاكاو غير محلىّ ( أنا نستعمل تاع نوّارة ، جودة عالية )
8 ملاعق كبيرة سكّر أبيض عادي
2 كيس خميرة الحلويّات
4 بيض ( حجم متوسّط ) - مفصول الصّفار عن البياض
2 و نص ملعقة كبيرة زيت
100 غ شوكولا سوداء ( Ambassadeur noir )
ربع كاس حليب









1. سخّني الفرن على 180°
2. طلّعي بياض البيض كالثلج ثم أضيفي السكر + الصّفار + الزّيت النباتي و تابعي الخفق ( 2 دقيقة )
3. أضيفي المكونات الجافة : الفرينة + الكاكاو + الخميرة و امزجي مليح 8 دقائق
القوام الليّ تحصلي عليه رغوي و سَائل .
4. ادهني الصينية بالزّبدة و رشّيها بالفرينة ( انفضي منها الفرينة الزّايدة باش ما تلصقش في قاعدة الموسكوتشو ) .
أنا استعملت صينيّة بأبعاد 35*22 سم . طيّبيها لمدّة 17-20 دقيقة ( 180° ) وما تفتحيش عليها حتّان تطيب .
5. وهي تطيب سخّني ربع كاس حليب و ذوّبي فيه الشّوكولا
ولماّ يجهز الكيك غطّيه بصوص الشّوكولا و حطّيه في الثلاجة ليتماسك أو قدّميه دافئ

























شوفو شحال خفيف و طريّ












ما تنساوش الدّعاء لأميّ بالشّفاء العاجل يا الزينات
وان شاءالله تعملوا هاد الوصفة البسيطة و تعجبكم

[الاء هبة الرحمان]

ماشاء الله خفيفة جدا يعطيك الصحة وربى يشفى الوالدة الكريمة

[<نَجْمَاتْ>]

ما شاء الله سلمت يداك

[ام شريف]

راهي باينا خفيفة ولديدة يعطيك الصحة والشفاء العاجل للوالدة

[أم إناس]

امممممم يعطيك الصحه

[janino]

تشهى ربى يحفظها و يشفيها و يطول فى عمرها قولى امين

[الامل نور]

ما شاااااااااااء الله

[« أبْجَدِيَّاتْ »]

المشاركة الأصلية كتبت بواسطة الاء هبة الرحمان

ماشاء الله خفيفة جدا يعطيك الصحة وربى يشفى الوالدة الكريمة

آمين ياربّ العالمين.. و جميع مرضى المسلمين إن شاءَ الله
شكرا خيّتي آلاء ، شرّفتيني بأوّل ردّ.. ربيّ يبارك فيكِ

[« أبْجَدِيَّاتْ »]

المشاركة الأصلية كتبت بواسطة ام نور و جمانة

ما شاء الله سلمت يداك

الله يسلمك حبّوبة ،
وربيّ يحفظلك نور و جمانة الزّينات ،
نوّرتي

[« أبْجَدِيَّاتْ »]

المشاركة الأصلية كتبت بواسطة ام شريف

راهي باينا خفيفة ولديدة يعطيك الصحة والشفاء العاجل للوالدة

آمين ياربّي
فعلا بنينة بزّاف بزّاف و ماتدّيش منّك أكثر من 10 دقائق في تحضيرها
ان شاءالله تجرّبيها و يحبّوها الأطفال

[« أبْجَدِيَّاتْ »]

المشاركة الأصلية كتبت بواسطة أم إناس

امممممم يعطيك الصحه

تعيشي حنّونة، فرّحتوني بردودكم المحفّزة

[« أبْجَدِيَّاتْ »]

المشاركة الأصلية كتبت بواسطة الامل نور

ما شاااااااااااء الله

المشاركة الأصلية كتبت بواسطة janino

تشهى ربى يحفظها و يشفيها و يطول فى عمرها قولى امين

آمين إن شاءالله
ربي يخليكم لبنات ، ربي يحفظكم

[الصوامعية]

مشكورة ربي يخليلك الوالدة الكريمة
ويخليها تاج فوق رؤسكم

[fifise88]

bayna hchicha ya3tik al saha

[« أبْجَدِيَّاتْ »]

المشاركة الأصلية كتبت بواسطة الصوامعية

مشكورة ربي يخليلك الوالدة الكريمة
ويخليها تاج فوق رؤسكم

آمين يارب عاجلاً غيرَ آجل
الله يبارك فيك أختي، وشكرا على الدّعاء، ربيّ يخلّيلك كل غالي