الجامعة ماذا تمثل لكم - الصفحة 2

BAROUD · 2012-09-27, 16:04

5 سنين ف الجامعة كرهت حياتي حتئ سميت الجامعة معتقل غوانتناموا

امينة 1991 · 2012-09-27, 16:50

الجامعة بالنسبة لي الجحيم وربي يهنيني منها في اقرب وقت يارب والله كرهتها قبل ما نعاود نولي ليها المهم الحمد لله راني تهنيت من عام ومازالولي عامين كيفاش ندير نفوتهم ؟؟؟؟الله اعلم

خولة لبابة · 2012-09-27, 17:50

لا أعلم ماذا اقول لكي فيما يخص هذا العالم المجهول بالنسبة لي.............فانا أخشاه.......فاسال الله ربّ العرش العظيم ان يحفظني من كل شر فيه.......و ييسر لي أموري هنالك...........و الله المستعان...........

كاميلا · 2012-09-27, 18:40

تعلمت لا انقد الاستاذ يعني ماشي معناتها النقد الهدام قصدي نتناقش معاه في نقطة ما وخاصة كي نفيق بيه غلط لان هذا ليس من اخلاق التي ينبغي ان يكون عليها الطالب

soso sirin · 2012-09-27, 18:41

اقتباس:

المشاركة الأصلية كتبت بواسطة مريم الصابرة

السلام عليكم اختي
شكرا ربما من سيدخلون الجامعة سيفيدهم موضوعك كثيرا
لهم نقول الجامعة رائعة لمن تعرف نفسها انها لن تتأثر بما حولها وكأنها في عالم لوحدها تلتفت فقط لدروسها واهدافها وتضع نصب عينيها دينها وخوفها من الله وتربية والديها لها
ستكون الجامعة احلى ايام حياتها انا والله كانت لمدة سنتين فقط توقفت لأامر إظطراري لكن كانت احلى ايام حياتي روعة شكرا

وعليكم السلام ليليا .والله الي مربية مايتخافش عليها ان شاء الله و ربي راح يلاقيها غير مع الناس الملاح ان شاء الله.و الي باغية تزيقزاقي هاذيك حاجة وخدخرى و رايح تغبن روحها بزاف مي الصح الجامعة و يماتها مايتنساوش و الصح انا كي نكره حياتي كي نتفكر هاذوك ليامات والله نضحك اصلا انا ملي خرجت من الجامعة ماضحكتش من قلبي. الا معاك انتي تاني الي نضحك من قلبي هذا مازال مانشوفك نيشان تم تولي طفرت فيا و نكري من ضروك في البليدة

اقتباس:

المشاركة الأصلية كتبت بواسطة بلسم غرام2018

مزالني مجربتهاش ممكن العام هذا وربي يبعدها علي ويقربلي الي في بالي

ان شاء الله تجربيها و تجيبي الباك ان شاء الله و تدخليها و الله مليحة بزاف مي واش نقلك اختي اذا باغية حاجة وخدخرى ربي يمدهالك ان شاء الله و يمدلك الخير وين مكان حنونة

soso sirin · 2012-09-27, 18:52

اقتباس:

المشاركة الأصلية كتبت بواسطة الواثق

الجامعة بالنسبة لي هي نقطة تغيير ب 180 درجة في حياتي واغلب صداقاتي الحقيقية هي من الجامعة حتى اساتذة الجامعة مازالت اتصل ببعضهم ......واجمل لحظات هي لحظات الميزرية ................لحظات الدراسة ولحظات النقاط السيئة ولحظات العراك والفوضى في الاحياء لحظات المبيت على ارصفة المحطات البرية لحظات من مرض منا واخدناه للمستشفى لحظات النوم في المدرجات والقاعات .............لحظات حملات التنظيف لكل رواق ..........لحظات البطولات الرياضية ههه........لحظات الدورات العلمية ويوما كنت مسؤول المطبخ للمنظمين ههههه ...............لحظات القرنطيطة ههه .........هو الشيء المميز في الجامعة الاقامات الجامعية ففيها الاثارة كل يوم وكل يوم جديد................فهي تجمع كل اصناف المجتمع

شكرا لانك ذكرتنا

الجامعة يماتها حلوين بزاف بزاف مع انو فيهم ميزيرية بزاف مي حلاوتها في ميزيريتها.معنتها كون ما تكونش سوفريت شوية تكون ماقريتش في الجامعة اصلا مرادف الجامعة هي الميزيرية .اواه راك سوفريت بزاف يا الواثق هههههههههههههههههه.صح صحاباتي الي يكانو يباتو في لاسيتي كانو دايمن عندهم حكاية جديدة انا الجامعة كانت قريبة لينا نروح لدارنا .مي الحاجة المليحة الي في الجامعة تخليك تعرف الناس مليح لانو تولي معاشرهم كثر و انا الصح من الجامعة تعلمت حوايج بزاف .اسوء يمات هي ليامات تاع لافيشاج كنت نكره حياتي كنا نروحو من الصبح حتى للعشية و حنا نستناو تقول رايحين يافيشونا لاليست تاع السكنات

soso sirin · 2012-09-27, 19:00

[quote=عميروش الحر;11718844]انا حقيقة الجامعة لا تمثل لي الشيء الكبير ولا اعتبرها فترة من حياتي لاني لا اعيش فيها .. اقضي فيها ربما 15ساعة اسبوعيا واحيانا اقل و هي مرتبطة فقط بدراستي لذا ما يمكن ان تمثله لي هي انها فضاء لتلقي العلم و تطوير الشخص معرفيا لم تأثر فيا لا في سلوكي ولا شخصيتي ولكنها مكنتني من التعرف اكثر على مختلف طبقات المجتمع و مختلف العقليات
و لكن للاسف البعض يعتبر ان هذه الفترة هي فترة من لم يعشها فلم يعش حياتهو اصبحو ينجحون في البكالوريا ليس من اجل العلم واكمال الدراسة وانما فقط للدخول الى الجامعة و العيش في هذا العالم المختلف وكأن البكالوريا هي فيزا للدخول الى احد البلدان الاوروبية وهم لا يعلمون انها مرحلة تعليم لا تختلف عن الابتدائي المتوسط الثانوي و حتى التكوين المهني .. [/quote نحترم رايك يا خويا مي الجامعة زيادة على انو بلاصة تقرى فيها مي ماشي كيما اي مرحلة من المراحل لخرى لانو تم تحس روحك ماراكش انسان مسؤول دايمن كاين واحد يراقب فيك مي في الجامعة انت و عقلك خويا معنتها الشي الي ديرو انت تتحمل النتيجة تاعو مكان شيخ يقلك علاه و لا ولي يعيطولو.

اقتباس:

المشاركة الأصلية كتبت بواسطة عبد الله 31

الله المستعان

خويا عبد الله باغيين نعرفو رايك معليش

soso sirin · 2012-09-27, 19:07

اقتباس:

المشاركة الأصلية كتبت بواسطة amina.z

الجامعة مرحلة جميلة و جديدة
كونت فيها اغلب صداقاتي و بالتاكيد تغير سلوكي قليلا فانا اشعر باني اكثر نضجا بسبب العلوم و المعارف الكبيرة و الهامة التي اتلقاها و ايضا لاني قابلت دكاترة ذوو مستوى راق و جعلتهم قدوة لي في حياتي
الجامعة صراحة تساعد على فهم بعض العقليات لانها ملتقى للعديد من الشخصيات من عدة ولايات و من عدة دول ايضا
لم انه دراستي بعد لكني اجزم بانها ستكون من اجمل مراحل حياتي

انا والله الي قراوني ماشي دكاترة غير صغار مي الصح اكثريتهم ماشاء الله من جهة القرايا و ماغبنوناش بزاف انا الي غبني هو دكتور هبلنا بكتابو غير نقولولو حاجة يقلنا روحو لكتابي حتا كرهت كتابو و الكور تاعو.و هي الصح الصحابات تاع الصح هوما ديريهم في الابتدائي و الجامعة و هي الي دوم لانو الابتدائي نكونو صغار نبغو الغاشي ماشي على جال حاجة و الجامعة لانو الصحوبية تاع الصح تبان مع الميزيرية و تاني لانو الواحد يطول بزاف في الجامعة معنتها الانسان يبان يبان المعدن تاعو .ربي يوفقك في دراستك

شوق الجنة · 2012-09-27, 19:12

انا اسير بخطى ثابتة نحو الجامعة وهذا العام انشاء الله سيكون اول عام لى بها لكنها لم ترقنى اطلاقااااااااااااااا اسئل الله الثبات

soso sirin · 2012-09-27, 19:25

اقتباس:

المشاركة الأصلية كتبت بواسطة لذريق

السلام عليكم أختي الكريمة وسلةاييييييييه على ايام الجامعة و ما احلاها بالنسبة الى فقد كنت بها ما بين 99 الى 2003 و كم تركت في فكري من ذكريات طيبة و مغامرات مع الاصدقاء و كذا الدراسة
فترة جميلة و الله انها بمثابة الباب الحقيقي الذي يلجه الفرد الى المجتمع الحقيقي و بكل تناقضاته فهناك من يتبدل جذريا و هنا من يستمر و في كل الاحوال فالتغير مضمون سواء ايجابا او سلبا و هناك يعرف الفرد مدى وعيه و تربية الوالدين له هل هي متجذرة او سطحية فالبعض من الناس مجرد ان ارتقوا الى الجامعة تدهورت اخلاقهم او لم يستطيعوا مسايرة ما فيها رغم ان زمن وجودنا فيها كان قليل الفتنة عما هو عليه الان
فمرة سمعت بأذني احدهم يقول **في الجامعة كلشي حلال ** فتبين لي من قوله انه ممكن كان لا يعرف الكثير و ضغط الاسرة هو كان المانع من اقتراف الاخطاء وبمجرد ان اتيحت له اول فرصة و غاب عن مراقبة الاهل فعل ما يحلو له
و في الجامعة رأينا الفئة المثقفة و كل افعالها فهذا الاكتشاف يقذف فينا فكرة و لو بسيطة عن فعل الفئات الاخرى
و المهم من كل ذلك تجارب استفدناها و صحبة طيبة التقيناها و إلمام بكثير من الامور خاصة العقيدة فقبل الجامعة لم نكن نعرف شيئا الا مجرد معلومات مشتتة و لكن الحمد لله ،شاء الله ان نعلم ما الله به عليم
بارك الله فيك اختي و جزيتي الفردوس الاعلى
ســـــــــــــــــــــــــــــــــــــــــــــــــ ــــــلام

و عليكم السلام ايييييه وين وصلت خويا رجعت للنهار الاول و لا النهار التالي في الجامعة.الجامعة والله الي مايعرفش يعيش برك الي تلفلو الراي و الا الي كان عايش في ظغط كي يبعد على الدار يتخلع .انا الصح الجامعة فادتني في كلشي من الناحية العلمية و حتا الشخصية فيها ديت حوايج بزاف و تعرفت على ناس بزاف بزاف لونفي تاعنا اكثريتو هدرت معاه و حتا ليفيلياغ لخرين و ماطلقتهمش لانو صحاباتي تاني كانو يقراو في الجامعة كنت ملي ندخل للجامعة و انا نصبح بالخير حتا مرات نعيا .و الصح الحمد الله الناس كامل الي عرفتهم ناس ملاح .فيها الناس يتعرفو نيشان لانو الواحد ملي يخرج على 8 مايدخلش حتا للعشية دارنا كنت نتوحشها.فيها ضحكت من قلبي و فيها بكيت تاني من قلبي.نقصتلي الحشمة وليت اجتماعية و حاجة وحدا ماشي مليحة ديتها منها وليت نهدر بزاف تقول بوست خاسر .لذريق هاذي المرة الزاوجة راك تغلط في الاسم الاولى كان في اسم العضوية و الزاوج الياء تاع الاسم وين راهي.الثالثة تخلص ضريبة على الخطئ و حنا ندو الاورو ماشي الدينار

soso sirin · 2012-09-27, 19:39

اقتباس:

المشاركة الأصلية كتبت بواسطة بسمة العمر

كل مرحلة و لها حلاوتها ...لكن الجامعة عالم اخر تكتشف فيه ذاتك ..الى اي فئة تنتمي ..فهناك لا رقيب عليك الا الله....فتكتشف قدر نفسك......رغم الميزيرية و التمرميدة .....نصل حتى ان ننسى الاكل طول اليوم.....نجري وراء الاستاذ لنرى نقاطنا...التحلال على 0.25 نقطة....تمزيق العلامات قبل ان تراها.......الجري وراء الكوس و انت نتمرمد بالغرقة .....تلصق في الحيط وانت ميت بالخوف ادا تبقى حي ولا تموت هدا باش تطلع القطار برك ....ادا ماطلعتش كلاك بوبي...........تسهر الليل و النهار على جال باش تجيب 1.5 نقطة في المادة ....تتعرف على كل الولايات الجزائرية من اللهجة و العادات و يكونو ليك صديقات من كل الوطن .....و المغامرات .......و كي تكمل و تفرح بالدبلوم تفطن انه حياة العمل ماشي هي الجامعة فالجامعة تخليك متفائل بالعلم و التربية و تحس انه وجود الاساتدة و الابحاث ديالهم .....انه كاين تطور في هدا البلد ... لكن الواقع شيء اخر........في الواقع تروحلك الحيوية و الحماس لي كانو بعد عام من العمل ...لانه محيط لا يحب الانسان الذي يطور من نفسه......تم تظهر تناقضات الحياة

المشكل انو التمرميد الي فيها هو السر تاع حلاوتها .ملي ندخلوها و حنا نجرو نجرو مع التسجال نجرو مع لونفيات نجروو مع الشيوخة و نجرو حتا مع الكوس ههههههههههههه.والله العام تاعي الاول في الجامعة و كان الشتا الشيخ نسا روحو في الهدرو و خرجنا هذاك النهار على 5 و ربع منها كانت الحالة ظلمت تتخيلي خرجت نجري من الكلاسا الواحد قريب يطيح مع ليزيزكالي زيديلها الباب جاني بعيد بزاف كانو بانيين حيط صغير بلا باروداج تتخيلي سوطيتو انا وصحاباتي الي يشوفنا يحسب موالفين الهربة من لسوار ههههههههههه.كي وصلت صت الكوس راح هبطت نجري للنقل و هذاك النهار النقل و مكانش وقت الشتا كي وقفت كنت ميتة بالخوف غير الرجال برك و شوفي شوفتهم فيا تقول راني دايرا جريمة في حق البشرية و مكانش بورطابل باه نعيط للدار نروح للطاكسيفون خفت نبعد على لاري كي شافني جارنا و جا عندي ماشي فرحت وقف معايا و منبعد بالجهاد باه ركبنا كي وصلت للدار صبت الباب مفتوح و يستناوني و مانقلكش الهدرة الي سمعتها على قلبي و بابا شقى حتى لعندي مسكين و مالقانيش .مي الصح التمرميد مي الواحد كان فرحان والله ليامات كون نصيب يرجعو صح كاين يمات كنت نكره حياتي مي الجامعة هايلة

soso sirin · 2012-09-27, 19:42

اقتباس:

المشاركة الأصلية كتبت بواسطة لؤلؤة الفردوس

لآ حول ولآ قوة الآ بالله
أسوأ فترة عندي هي فترة الدراسة في الجامعة
غير العيا باش نوصل و نولي كل يوم كاااارثة
الحمد لله تهنيت منها

المشكل يا لؤلؤة الفردوس العيا الي فيها و كان يجيني راحة صح فيها التعب و كنت نكره مينذاك سوغتو كي نتفكر شي حوايج صراولي فيها سوغتو مع وحد الهم تاع وحد الشيخة لحد الان مازالت مقلقتني بلاك كي نلقاها و نفرغ واش في قلبي نتهنى مي والله كون نصيب نرجع ليها

~~♥ المتفائل ♥~~ · 2012-09-27, 19:43

الجامعة = بنات متبرجات يمشون في الطريق و شباب شبه رجال يجلسون تحت الحائط و ينظرون اليهم
و يلفيات لا يظهر منهن شيء و لباسهم يتكركر في الارض وراءهم ذاهبون الى المنظمة
و اساتذة يكمرصون في النقطة و يصيدون بها لبنات
و اقامة وسخة و ريسطو معفن

soso sirin · 2012-09-27, 19:52

اقتباس:

المشاركة الأصلية كتبت بواسطة baroud

5 سنين ف الجامعة كرهت حياتي حتئ سميت الجامعة معتقل غوانتناموا

معتقل غوانتنامو هاذي شابة تاع الصح.انا تاني قريت 5 سنين 3 سنين هايلين و عامين نص النص مي بصفة عامة كانت بالنسبة ليا حاجة مليحة بزاف

اقتباس:

المشاركة الأصلية كتبت بواسطة امينة 1991

الجامعة بالنسبة لي الجحيم وربي يهنيني منها في اقرب وقت يارب والله كرهتها قبل ما نعاود نولي ليها المهم الحمد لله راني تهنيت من عام ومازالولي عامين كيفاش ندير نفوتهم ؟؟؟؟الله اعلم

امينة راح يفوتو و يفوتو يجرو و ماتحسيلهمش كامل حتا تلقاي روحك رافدة الديبلوم مي علاه ماتكمليش الماستر .

اقتباس:

المشاركة الأصلية كتبت بواسطة فلال باك

لا أعلم ماذا اقول لكي فيما يخص هذا العالم المجهول بالنسبة لي.............فانا أخشاه.......فاسال الله ربّ العرش العظيم ان يحفظني من كل شر فيه.......و ييسر لي أموري هنالك...........و الله المستعان...........

ماتخافي منو ماوالو انتي علاه راكي مكبرة الموضوع الجامعة ماشي غولة و ماتاكلش كامل الناس هي تدي الغاشي المخلوع برك و لا الي في حياتو ماشافش و لا الي فارضين عليه حصار و انتي الله يبارك عليك امالا روحي تكلي على ربي و قراي و عرفي واش داسري الجامعة تاني كي تفوتيها روحك ماتحسيش بيها المهم تعرفي معامن تريحي و الشر انتي تروحي ليه هو عمرو و لا يجي ليك و حتا و يجي ليك اذا لقاك واقفة مع روحك ماعندو مايديرلك .المخالطة مليحة و ماشي مليحة المهم تعرفي كيفاه تعيشي برك .

اقتباس:

المشاركة الأصلية كتبت بواسطة كاميلا

تعلمت لا انقد الاستاذ يعني ماشي معناتها النقد الهدام قصدي نتناقش معاه في نقطة ما وخاصة كي نفيق بيه غلط لان هذا ليس من اخلاق التي ينبغي ان يكون عليها الطالب

كاين شيوخة الله يبارك و كاين شيوخة تقول تفوتي عليهم بسيمي يقلقو الي مايتقلقش سوغتو وقت لافيشاج تقول رؤساء و مكتوب عليهم ممنوع اللمس او الاقتراب .سوغتو الي حاكمين بيراوات تقول حاكمين السما مي الصح كاين وحد الشيوخة والله الله يبارك

soso sirin · 2012-09-27, 19:57

اقتباس:

المشاركة الأصلية كتبت بواسطة شوق الجنة

انا اسير بخطى ثابتة نحو الجامعة وهذا العام انشاء الله سيكون اول عام لى بها لكنها لم ترقنى اطلاقااااااااااااااا اسئل الله الثبات

ربي يوفقك ان شاء الله والله هي مليحة المهم انتي و عقلك اختي و لازمك تعرفي تعيشي فيها برك .انا و خواتاتي قاريين كامل في الجامعة التالية فينا السنة عامها التالي و دخلنا ليها و خرجنا منها و حنا الحمد الله زادت فينا حوايج ملاح لانو الواحد راح يتمشى بتربيتو و انتي حنونة الله يبارك الوالدين راهم رباو امالا ماتخممي في والو و ان شاء الله مايكون غير الخير