تخصص الحقوق الناس كامل مدايراتو تمسخير لكن صدقني ماكش تخصص افضل من تخصص الحقوق لانو تقدر تعمل في شتى الميادين الادارية منها والمصالح الاقتصادية والقضائية منها
4 سدسيات يعني تقرا عامين تقدر تشارك في مسابقة نائب مقتصد
6 سداسيات يعني كي تجيب لسانس تشارك في مسابقة مقتصد وكل المناصب الادارية مثل متصرف رئيسي
بالسانس تقدر تقرا في المدرسة الوطنية للادارة عامين وبلاصتك مضمونة
تقدر تقرا في المدرسة العليا للضمان الاجتناعي وبلاصتك مضمونة
تقدر تقرا في المدرسة العليا للمناجمنت والادارة الصحية بلاصتك مضمونة في التوظيف
تقدر تقرا ماستر المدرسة العليا للمناجمنت نتاع القليعة
تقدر تقرا قضاء وتخرج قاضي
تقدر تدير موثق لي هي وضيفة العمر
محضر قضائي ايضا
تقدر باليسانس تكاجي ضابط ب 2 نجوم في الجيش او الدرك او الحرس الجمهوري
وسيط شحن
وبزاف امورات وتقدر تكمل قرايتك الماستر وممبعد دكتورة تخصص الحقوق صعب لكن لي يقرا يدي ويوصل بعيد
بالتوفيق