العجينة المورقة اسهل طريقة

[khalisa]

بسم الله الرحمن الرحيم اليوم اول مشاركة لي حبيت نوريلكم طريقة صنع العجينة المورقة باسهل طريقة واتحدى كل من تقول اني اعرفها ... المقادير -1كغ فرينة -250 مارغرين (صالحة) -قرصة ملح -ماء الزهر -ماء عادي (نعجن بيه) -نشاء (نحل بيها العجينة) التحضير= نضع الفرينة في كسرونة قطعي المارغرين قطع صغيرة بالسكين .ودخليها في بعضاها جيدا حكيها بين يديك ومن الاحسن عقبيها في السيار ثم اضيفي قرصة الملح وماء الزهر ولميها بالماء العادي .اتركيها ترتاح ليلة كاملة . اقسميها الى كويرات صغيرة des boules اكثر من 10 وبعدها نحل بالنشاء كل واحدة على حدى ثم نضعهم فوق بعضهم بيناتهم النشاء ونحل بالحلالة للحصول على طبقة واحدة -ملاحظة= هذه العجينة لاتفسد يمكن الاحتفاظ بها في الثلاجة واستخدامها متى شئتي .كذلك انا استخدمهافي الحلويات مثل الشامية البقلاوة وكذلك الساندويشات والتارت ماتنساوش تدعيولي ربي يوفقني ويكملي ويسترني ااااااااااااااااااااااااامين

[samsoon city16]

مشكورة أختي انا اليوم ان شاء الرحمان ندير بيها ميل فوي

[horae]

واش قصدك بمارغارين (صالحة) حبيت نجربها اليوم لاني اول مرة نسكع بهادي الطريقة ويلا خرجتلي شابة نعتمدها

[**نور اليقين**]

سمعت بيها برك بصح كنت حابة نعرف الطريقة
وجات في وقتها
يعطيك الصحة اختي
ربي يوفقك ويحققلك ماتتمناي ان شاء الله

[khalisa]

مارغرين صالحة يعني اسمها صالحة هذا هو سر نجاحها

[*شهد العسل*]

هذي لا بات افيلو
يعطيك الصحة

[**نور اليقين**]

نقدر ندير اي نوع من المرغرين ولا

و لازم تخليها ترتاح ليلة كاملة ؟

[أم القادة]

ربي يحقق لك ماتتمناي
هل تكون النتيجة مثل الطريقة التقليدية
وإذا كان عندك صور من فضلك نزليهم لنا
وشكرا

[khalisa]

كونك متهنبة النتيجة افضل وبطريقة اسهل معذرة معنديش صور لكن كي نكون نخدم فيها نصورهالك

[khalisa]

لالة حبيبتي نور اليقين لازم مارغرين صالحة ولازم تخليها تريح ليلة كاملة

[mimicha1977]

يعطيك الصحة

[أم القادة]

شكرا لك على الرد الجميل

[العداءلا]

بارك الله فيك ...لازم مارغرين صالحة غير هى اللى صالحة

ام انه اشهار هههههههههه

[khalisa]

اسمها صالحة

[*أم كوثر*]

هدي لابات فيلو جربتها مرة و خرجت رووووعة من بعد ما كملت فرقت الاوراق كل وحدة وحدها و استعملتها للبقلاوة و خرجت رووووعة
بصح للكرواسون ماجربتش