موضوع مميز دروس من مركز التكوين الى كل ماكثة بالبيت - الصفحة 4

ام مريم اسراء · 2013-03-11, 19:53

اشكر كل الاخووات الكريمات على الردود المشجعة و الكلمات الطيبة الي مكنتش نتوقها ابدا .... لازم كيما عدنا هته الرغبة في التعلم نكمل بيها المشوار و ربي يوفقنا كاملين ....... و اذا منتبهتوش راني حطيت الدرس الثاني تحت الدرس الاول ....... اقراوه تبقى هته الدروس مجرد مبادسء اولية تدخل في الثقافة العامة ... متحكموش عليها انها مملة

stayfiya · 2013-03-11, 21:16

.. تعرفو علاش اخترت الاخت السطايفية كضيفة شرف - مستشارة توجيهية- لاني التمست فيها الروح الطيبة و حب مساعدة الغير
والله الكلام هذا اثر فيا بزاااف انا لي ليا الشرف باش ننظم ليكم و بارك الله فيك اولا كي تولهتي للفكرة هاذي راهي ميش اي وحدة يجي في بالها و لا تحب تعاون من قلبها يعني واش نقولك يا حبيبتي ربي يخليك و كثر من مثالك والله نحتاجوهم و لكان عليا والله مانبخل بحتى حاجة و لي ثقيلة عليك خفيفة عليا و اطلبيني في عينيا خاطر و الله نشتيك و علابالي بلي راكي ناوية الخير مالا كملي و راني معاك نشالله و لي تقدر تعاون مرحبا بيها و صح روماركيتها في قسم تلبية الطلبات كل وحدة تعاون بالشي لي تقدر عليه ما نتكلوش غير على كرونو مسكينة لي فيها يكفيها دمتي حبيبتي سلاام

sirine3000 · 2013-03-11, 22:26

شكرا لك ساتابع باهتمام هذا ماكنت ابحث عنه لك كل دعوات الخير كنت اتابع مع صمت الجزائر شكرا

جيجلية · 2013-03-12, 08:46

موضوع في غاية الروعة

انا نحب الخياطة وتعلمت اشياء بسيطة منها اكيد سأكون من المتتبعات إن شاء الله

جزاك الله خيرا على هذا العمل التطوعي الرائع

راجية رضى ربي · 2013-03-12, 11:04

بوركت يا اختي و جزاك الله خيرا انا حلمي ان اتعلم الخياطة لكن ضروفي لا تسمح لي بالخروج من البيت راكي علابالك مع الاولاد . ادعو الله ان يوفقك لاتمام هذه المبادرة و جعلها الله في ميزان حسناتك. وكلنا متابعين باهتمام و شكرا لك مسبقا

tasnime_ess · 2013-03-12, 11:19

بارك الله فيك ويعطيك الصحة كنت بحاجة لهاذ الموضوع

nadoouuch · 2013-03-12, 12:21

و الله فرحت بزااااااااااااف بزااااااااااااف منيتي نتعلم الخياطة و التفصيل
عندي الوقت و عندي الدراهم و عندي كلش بصح ماقدرتش نسجل في التكوين ماعلاباليش علاش
بصح اليوم راني سجلت معاك بالاك كان ناقصني الناس لنلاح و هاني لكيتهم ان شاء الله انت اللي راه تعلميني الخياطة و راني معاك خطوة خطوة حتى نوصلو لل 1000 خطوة ههههههههههههههههههههههههههههههههههههههه

زهرة الهضاب 19 · 2013-03-12, 15:17

بارك الله فيك على المبادرة

تحياتي

لبرايجية · 2013-03-12, 15:53

و الله دمعت عيني كي قريت العنوان وقلت خلاص لقيت لي يعاوني نحب لخياطة لكن كلما نجرب تجيني الهيبة و نفشل لذلك ساكون ممتنة لك لو تساعدينني الف الف شكر

ام اياد2 · 2013-03-12, 16:51

هايلة ممكن تكمليني الدروس

didahe · 2013-03-12, 18:15

انا احب الخياطة لحد لا يتصوره احد لكن لا استطيع الخروج من المنزل سوف اتابعك اختى وسوف احقق حلمى بفضلك

maymoucha · 2013-03-12, 19:19

بارك الله فيكي اختي هدا واش كنت نحوس عليه مشكوووووووووووووووورة اختي

منى27 · 2013-03-12, 22:48

ربي يعطيك متتمناي مثلما حققتي لي هذه الرغبة في تعليم الخياطة

stayfiya · 2013-03-12, 23:43

يعطيك الصحة ام مريومة راكي جبتيها ههه انا من راي لوكان يحبو الاخوات يطبقو خيير و خييير مافيها والو يشريو طرف قماش و يقطعوه طراف و يبداو يطبقو كل درس كهذا يلصق مليح الدرس و تشوفي لكان لفهامة دخلت في الخشخاش ولا نو هههه او ما تستهزاوش و في نهاية كل خمس دروس راح يكون سؤا ل عشوائي بلا ما طلو على الدروس هههه او مابيناش الغش رانا نشوفو فيكم ههههه هاه واش قلتي يا شريكتي ؟؟!!

ام مريم اسراء · 2013-03-13, 10:47

اقتباس:

المشاركة الأصلية كتبت بواسطة stayfiya

يعطيك الصحة ام مريومة راكي جبتيها ههه انا من راي لوكان يحبو الاخوات يطبقو خيير و خييير مافيها والو يشريو طرف قماش و يقطعوه طراف و يبداو يطبقو كل درس كهذا يلصق مليح الدرس و تشوفي لكان لفهامة دخلت في الخشخاش ولا نو هههه او ما تستهزاوش و في نهاية كل خمس دروس راح يكون سؤا ل عشوائي بلا ما طلو على الدروس هههه او مابيناش الغش رانا نشوفو فيكم ههههه هاه واش قلتي يا شريكتي ؟؟!!

نورتيني بطلتكك الباهية يا سطايفية وروحك الطيبة ... و طرحك دا في محلو ... و بما انك مستشارة تويجهية لينا مفيش نقاش لكلامك نتمنى دائما انك تساعدينا .....

فعلا احنا في السونطر اعطاولنا قطعة قماش و قالولنا طبقو الغرز فيها ... نتمني من كل وحدة تطبق االتمرين التالي :

اولا نجيبو قطعة قماش مربعة او مستطيلة و نجيبو ابرة وخيط
ننزلو على حافة القماش ب 2.5 سنتمتر و نسلو خيط على العرض و من بعد ننزلو 2.5 سنتمتر و نسلو خيط ثاني و نطبقو معا غرزتين :
الاولى غرزة السراجة ... نطبقوها في السطر الاول الي سلينالو الخيط و نبداو نحسبو في الخيوط العمودية نرفدو 6 خيوط عمودية وندخلو ابرة فيها خيط واحد بعدما عملنا عقدة في البداية طبعا و احكمناها مع القماش قتلكم نرفدو 6 خيوط عمودية و نتركو ستة خيط و نعاودو نفس الطريقة

اما السطر الثاني الي سليناه نعملو عقدة بالبرة و الخيط ونثبتوها مع القماش ... و نتركو 2 خيوط عمودية و نرفدو 2 نتركو 2 ونرفدو 2

انا راح نحطلكم تطبيقي و نتمنى اننا نعملو معا براي الاخت المستشارة - السطايفية - و راح من هاذ الاسبوع نبداو نسجلو في الغيابات يمالا وجدو رواحكم 3 غيابات غير مبررة راكم مطرودين

احنا راهم يخلعو فينا في السونطر بهاذ التهديد .-.. يمالا قلت انا ثاني نخلعكم

ههههههه
و تطبيقي راه هنا :