الجزء 177 من واش طيبتي اليوم ك وزينة

[ام هاديل وياسين]

[ابني نور عيني]

جمعة مباركة للجميع
ام هدول واش درتي البارح هبلتينا بزيت الزيتون
زقزوقة توحشناك يا عسولة واش حوالك شهيتيني بهذاك الروز ماعندي مانقول الله يبارك وشكرا على التدبيرة اختي كلك عسل
حيوتة واش حوالك راكي لاباس
ام يوسف ربي يشافيك طمنينا عليك ان شاء الله تكوني صبحتي مليحة

حياتي اسما واش نقولك اطايبك تقتتتل ماشي غير تشهي يعطيك الصحة جيبينا اطباقك وارواحي ماشاء الله شطووورة
ام هاديل وياسين جمعة مباركة ليك اختي
البحر الصافي مابنتش لانو كنت في دارنا بصح ماحكمتنيش الضرسة كيما ام يوسف خخخخخ راني غير نضحك
ام اسلام راكي نشيييطة ماشاء الله اطايبك لا يعلى عليها يعطيك اللف صحة
ام ساجد ووسيم وشراكي علابالك والله فكرة نروحو لسميرة ههههه

[ابني نور عيني]

البحر الصافي يا عمري على القهوة في الطبيعة بصحتكم واقيلا نعاندك نروحو لكاش بلاصة هههه و يعطيك الف صحة على الغريبية امممم تشهي اعطيني حبة هههه

[ابني نور عيني]

ام هاديل شفتي رمضان راه يقرب بقالو تقريبا 100 يوم مانيش حاسبة بالضبط
بصح راه يقرب دوك نبدا نوجد الله غالب بنتو وحدها نسناوه بفارغ الصبر

[ابني نور عيني]

حبيت ندير العجينة المورقة بصح مانعرفلهاش اذا عنكم فكرة ورولي؟؟؟؟

[ام هاديل وياسين]

اهلا ام محمد البقوص هههه ياكانتي هيا والله صح قرب شهر الصيام الله يقدرنا على صيامه وقيامه ان شاء الله

والعجينة المورقة شوفي نتاع ام وليد وصفاتها كلهم ناجحين صراحة مزال مجربتهاش وجربت شحال من وصفة والي عجبتني كثر
نتاع ام انس رووعة

[ام هاديل وياسين]

https://www.djelfa.info/vb/showthread.php?t=1327489

هادي الوصفة جبتهالك ام محمد

[ابني نور عيني]

المشاركة الأصلية كتبت بواسطة ام هاديل وياسين

https://www.djelfa.info/vb/showthread.php?t=1327489

هادي الوصفة جبتهالك ام محمد

شكرا اختي ربي يجازيك

[حياة نور الدين]

السلام عليكن
واش راكم خياتي وجمعة مباركة البارح العشية مكنتش في الدار رحت طليت على سلفتي اللي ولدت لانها راحت لدارهم وكي جيت راكم تعرؤفوا العشا والدوران راح الحال
واليوم راجلي طلب مني ندير الفطور لاصحابه وزدت طيبت لعجوزتي على هديك مدخلتش الصباح
المهم نتمنى تكونوا الكل بخير

[حياة نور الدين]

هدا عشايا البارح دولمة قرنون حتى بديت ناكل تفكرت مصورتش مالا قلت ماعليش نصور ماناش برانيين هههههه





وهدا الفطوراللي وجدتوا لراجلي اداه والحمص متنخلعوش تقولوا مدارتش ههههههههه راه في المرق ونسيت مصورتش بعد ما زينت بالبيض مغلي راكم تعرفوا كي يوقف الراجل يقلق فيك







وهدا فطوري والحمد الله

[حياة نور الدين]

ام العبد اهلااا بك في انتظار تطبيقاتك

رزيقة عطلة سعيدة وريحي ماكسيموم باش تسترجعي نشاطك حبيبتي وربي يخليك على كلامك حقا ام حسام وام ايمان مراهمش يطيبوا هههههه توحشنا تحفهم بلغيهم سلامي

بحورة صح فيك انا مديتينيش معاكم وانا اللي لازم تاقلشوني هدا اليامات

ام السلام مقدرتش نعبر حليت فمي وبقيت نشوف هههه الله يبارك وماشاء الله كلشي رزووووعة يا الفحلة والنص و25

ام ياسين اهلااا بك اختي

حياتي اسمى اطباقك روووعة شكرااا علبى المشاركة

ام محمد واش راه ميمتك ان شاء الله خليتيها بخير ومقلتلناش واش طيبتك خخخخ تقرعيج الله غالب

ام يوسف نتمنى تكوني ريحتي من الضرسة انا كل حمل طيحلي واحدة واااااع

[oum islem]

السلام عليكم ورحمة الله

صح غداكم حراير الكوزينة إن شاء الله تكونو بخير وصحة

حيوتة ربي يجعلها صدقة مقبولة ولكم فيها أجر ومغفرة يعطيك الصحة

حياتي أسمى أهلا بمشاركاتك واطباقك اللذيذة يسلمو يديك الفحلة

أم هاديل وياسين كنت سألتك إذا أنت لي جربتي حلوى الباريسية لي عجينتها بيضاء ومن داخل عجينة بالكاكاو إذا أنت لي حطيتي الحلوى اعطيلنا الوصفة وإذا غلطت بينك وبين أخت أخرى ما تلوموش عليا ذاكرتي ضعيفة

بحورة نحمل الوصفات بالنسبة للعجينة المورقة طبقت تاع أم وليد وطويتها كما أم ثازيري وزدت توغ زايد من عندي عجبتني %90 والفت نشريها قليل وين نخدمها في الدار

مامات البوقوص واش راكي وداركم خليتيهم ملاح؟؟

شفتكم تحوسو تروحو لقناة سميرة ما تنساونيش تعيشو وشوفو لي بلاصة في جنان لالة ههه

[oum islem]

اللهم بلغنا رمضان
لبنات بإذن الله هاذ العام رمضان فيه خمس جمعات وهذا لا يتكرر كل سنة وإنما مرة كل عشرين سنة اغتنمن الشهر للعبادة غالياتي

[oum islem]

بحورة تفضلي الوصفة

المخللات
تقطعي الخضر حسب المتوفر عندك بسباس خيار جزر شوفلاغ كرنب فلفل حار أخضر زيتون أسود وزيتون أخضر أنا هاذا واش درت كاين لي تزيد لوبيا خضراء وجلبان وكرنب بنفسجي وفلفل حلو
تحطي الخضر وتحطي عليها ثلث الإناء خل أحمر وتكملي الباقي بالماء المعدني ولا ماء الشرب غليه وخليه يبرد وكملي حتى تغطي الخضر زيدي توابل حب مش مرحية من الأحسن وإذا ما عندكش ديري المرحية بذور بسباس وفلفل أسود وأوراق رند وفصوص ثوم واعواد كركم وفلفل أحمر حاار هذاك الصغيير والملح بكمية ملييحة ورشة سكر باه تحافظ الخضر على القرمشة وغطي الكل بطبقة رفييعة من زيت الزيتون اغلقي الأواني وحطيها في مكان بارد وبعيد عن الضوء وبعد 15 يوم تصبح جاهزة للاستهلاك

[ابني نور عيني]

المشاركة الأصلية كتبت بواسطة حياة نور الدين

هدا عشايا البارح دولمة قرنون حتى بديت ناكل تفكرت مصورتش مالا قلت ماعليش نصور ماناش برانيين هههههه





وهدا الفطوراللي وجدتوا لراجلي اداه والحمص متنخلعوش تقولوا مدارتش ههههههههه راه في المرق ونسيت مصورتش بعد ما زينت بالبيض مغلي راكم تعرفوا كي يوقف الراجل يقلق فيك







وهدا فطوري والحمد الله

يا مامي حيوتة واش هاذ الشطارة و في الشهر التاسع ربي يحفظلك صحتك حنونة ما قتلكش نموووت على ماكلتك في باطل راكي معلمة الله يبارك اللي يخرج من يديك روووعة ربي يتمملك حملك ويسهل ولادتك و نفرحو معاك بالبيبي بصح قوليلي شووووت عندك امور ولا امورة ؟؟؟؟

كيفو البيبي تاع سلفتك و كيفاش راهي لاباس؟؟؟ربي يشافيها و يردلها صحتها
بصح نسيت نقولك اعطيني وصفة البازلاء اللي درتيها تعيشي شهاتني موووووووت!!!!!