وش ناوية ندير قاطو للعيد

[narmine nor]

السلام عليكم ورحمة الله وبركاته
اليوم أن شاءالله ناوية نبدأ قولولي رايكم




و طبعا مقروظ و قطايف و كروكي

[يسمينة الزهور]

مشاء الله تبارك الله موفقة أختي هايلييين ويهبلو عجبني الثاني يبان بنين بزااف
لازم تبعتيلي شوية ههههههههههه
تصحيح كلمة إن شاء الله وليس أنشاء الله


وها النقاش للمبدعة إلهام7إذا راكي حابة ديريه

صباح الخير عليكم عسولاتي الحلوين

وأخيرا وصلت الحلقة الأخيرة نتاع المسلسل التركي " كعك النقاش في العيد أو لا أحد " هههههههههههههه

كي عدتوا تحبوا السرقة راني جبتلكم الوصفة نتاع خالتي نتاع كعك النقاش ، كي جربوه تعرفوا باللي عمركم لاكليتو كعك النقاش قبل اليوم حتى اللي مايحبوش كيما انا يهبل عليه .

هاهي الوصفة نتاع كعك النقاش نتاع خالتي اللي انتظرتوها طويييييييييييييييييييييييييييلا . تبعوا معايا احم احم زعمة مدام بو حامد هههههههههه :


- مقادير العجينة :

* 500غ مارغارين فلوريال تكون طرية ممكن أي نوع آخر بصح أنا وخالتي نخدموا غير بيها ريحتها مليحة والقاطو بيها يجي مبسس
* 135غ سكر رطب
* فانيلا
* 4 صفار بيض + 1 بيضة كاملة ( وتنقص وحدة بيضة نقتلها راني نشوف فيكم )
* 1 خميرة
* 135غ نشاء
* نلموا العجين بالفرينة ( أنا استعلمت حوالي 650غ بالتقريب )

- مقادير الحشو :

* حوالي 250غ غرس
* 1 ملعقة كبيرة نتاع حلوة الترك ( اختياري اللي مايحبش مايحطش )
* 1 ملعقة كبيرة نتاع جلجلانية حب
*1 ملعقة كبيرة جلجلانية مرحية
* 2 ملعقة كبيرة زيت
* 1 ملعقة كبيرة ماء زهر
* 1/2 ملعقة صغيرة قرنفل

- للتزيين :

* سكر ناعم للتزيين

- الكيفية :

1- نبدى نخفق الزبدة اللي تكون طرية مع السكر الناعم والفانيلا (ماشي شرط نخفق بزاف غير تمتزج المكونات خلاص ).


إضغط هنا لرؤية الصورة بحجمها الطبيعي.

2- نبدى نضيف في البيضات وحدة وحدة ونخفق .


إضغط هنا لرؤية الصورة بحجمها الطبيعي.

3- نزيد النشاء المغربل ونخفق شوية برك .


إضغط هنا لرؤية الصورة بحجمها الطبيعي.

4- نضيف الخميرة والفرينة المغربلة ونخفق بالشوية ونضيف الفرينة حتى تتلم عندنا العجين . ماتنشفوهاش بزاف من بعد تشققلكم لازم تزيدوا الفرينة غير بالشوية حتى تتحصلوا على عجينة كيما نتاع لصابلي ماتلصقش في اليد كي تكوروها وتقدروا تشكلو منها سوار كيما هذا :




راهي تعطيكم كمية لاباس بيها خليت العجينة تريح غير شوية برك ونخدم بيها غطيتها بكيس بلاستيكي باش ماتنشفش .


إضغط هنا لرؤية الصورة بحجمها الطبيعي.

5- عجنت الغرس مع الزيت وماء الزهر حتى رجع طري وزدتلو الجلجلانية اللي رحيتها مع حلوة الترك + الجلجلانية حب وعجنتو مليح ( إذا شفتوه مازال يابس زيدولو الزيت ماشي ماء الزهر ).


إضغط هنا لرؤية الصورة بحجمها الطبيعي.


6- فوق كيس بلاستيكي وزنت حوالي 6-7غ لكل كرية غرس وشكلت حرابش وغطيتهم باش مايشفش الغرس ، هكذا من بعد كي تبداو تخدموا ماشي تبقاو تخلطو تمسو الغرس ومن بعد العجين ، يكون الغرس واجد مسبقا خير .
الحرابش يكونو رقاق ماشي خشان باش كي تنقشوا مايخرجش الغرس وحتى في الطعم النقاش يكون خفيف ماشي ثقيل وحلو بزاف .


إضغط هنا لرؤية الصورة بحجمها الطبيعي.

7- وزنت كريات العجين باش يجيو الحبات قد بعضاهم وخليتهم في كيس بلاستيكي باش ماينشفش العجين (35غ للحبة إذا حبيتوها شوية كبيرة كيما نتاعي واللي تحب تنقص تقدر ).

8- نأخذ كرية نتاع عجين نشكلها حربوش وندي ونجيب مليح العجين باش تتلم وماتشققش ونشكل كيما الصورة ونغلق مليح :






9- باش العجينة تبقى ملساء وماتشققش على الجوانب كي ندوروها وفي نفس الوقت تلصق بسهولة وجي متساوية ومتحوفة من كل الجوانب نقصوا الأطراف بالسكين كيما الصورة :


إضغط هنا لرؤية الصورة بحجمها الطبيعي.

10- ونجمع العجين كيما الصورة ، راهي العجين طرية أجمعوها مليح وحاولوا تخفيو أثر الجريمة ههههههه :





11- الآن أبداو أنقشوا من تحت الدور كامل بشكل مائل ميلوا مليح باش يجي باهي ثم أنقشوا من فوق بشكل مائل في الاتجاه المعاكس .
حاولوا تنقشوا فوق المكان اللي لصقتوا فيها الحربوش باش تخفيو الأثر :







12- ضرك نجيو للطياب : تسخنوا الفرن مليح على درجة 180° ومن بعد تحطوا النقاش يطيب في الرف العلوي باش مايتحرقش ويطيب براحتوا مليح من داخل ، راهوا مايطولش ( حوالي 20د ) كي تشوفوه رجع بلون برتقالي فاتح من تحت نحيوه راهو يطيب كيما الغريبية مايطولش ومانحمروهش :






13- كي يطيب ماتمسوهش خليوه يبرد في راحتو راهو مبسس مممممممممممممممم كي تذوقوه تفهموا يم يم روووعة [IMG][/IMG] .

نجيو للتزيين :
باش ما تفسدوس السكر ديرو في صحن صغير وحطو بالحبة ورشوا شوية سكر ناعم خفيف خفيف للتزيين برك ومن بعد ترجعوا تغربلو هذاك السكر اللي في الصحن وتستعملوه عادي .
حطوه في كيسات وخبيوه في علبة محكمة الإغلاق وماتنساوش كل ماتاكلوه وتتبننوا تدعيولي .
خلاص هاهو واجد "نقوشي " حبيبي :
إضغط هنا لرؤية الصورة بحجمها الطبيعي.




من الفرحة نصور ونعاود


أتفضلوا راهو مبسس يذوب في الفم على بالي هذا كامل ومانعرف لا يكفي

إضغط هنا لرؤية الصورة بحجمها الطبيعي.


* ملاحظة : هذي الكمية أعطاتني 50 حبة لأنو الحبات شوية كبار وثاني لأنو الشكل نتاع السوار مايزكاش لو ديروه مقروظات أو سيقار يعطيكم 100حبة بصح أنا نحب شكل السوار باهي وزيد الغرس يبقى محمي داخل العجين ماييبسش.

هنا عاودتو بشكل سيقار :
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

وهنا عاودتو أيضا وكثرت فيه حلوة الترك والكاوكاو جا طعم الغرس مايبانش مممممممممممم:
إضغط هنا لرؤية الصورة بحجمها الطبيعي.

[ايمان نور الجزائر]

انواع هايلة نتاع قاطو ومنوعة بالتوفيق

[narmine nor]

Merci hbibti li hatitiholi hayl nkhamem ndiro

[katiya]

انا راني حاصلة .....ياالهي الليلة نبدا ان شاء الله

[fatisousou]

اناتاني اليوم نبدا انشاء الله بارك الله فيكم