مربى التين

[أمّ عبد الله]

السلام عليكم ورحمة الله وبركاته
هذه هي المقادير لي معتمدتها في عمل هاذ المربى:

التين

سكر: لكل 1كغ من التين -------> من 300غ حتى لـ 500غ سكر (على حساب نوع التين ودرجة نضجه)
ليمون: لكل 1كغ من التين -------> عصير نصف حبة ليمون
قرفة : لكل 1كغ من التين -------> عود قرفة



ننقي التين ثمّ نوزنو :


نقطعو ونضيفله السكر و عصير الليمون على طبقات ... ونخليه يبات في الثلاجة


بعد ما يطلق الماء تاعو نضيفلو القرفة و نحطو فوق نار قليلة


نتخلص من الرغوة ونبقا مرة على مرة نحركو ... ما نغفلش عليه لأنو ثقيل ويتحرق ليه ليه

كي يعقد نفرغوه في العلب


وبالصحة والعافية

[سحابة باردة]

ووووووو روعة يعطيك الصحة

[أمنية غفران]

امممممممممممممممممم يشهي تبارك الله عليك اختي ام عبد الله

قولي لي نقدر نقطعه يعني الحبة على زوج فقط يخرج كيما الي يتباع في المحلات يعني ما يروحش شكله في الطياب

خرج لك روعة دمتي متألقة

تحياتي

[أمّ عبد الله]

المشاركة الأصلية كتبت بواسطة سحابة باردة

ووووووو روعة يعطيك الصحة

آمين ... سعدت بمرورك

المشاركة الأصلية كتبت بواسطة أمنية غفران

امممممممممممممممممم يشهي تبارك الله عليك اختي ام عبد الله

قولي لي نقدر نقطعه يعني الحبة على زوج فقط يخرج كيما الي يتباع في المحلات يعني ما يروحش شكله في الطياب

خرج لك روعة دمتي متألقة

تحياتي

شكرا لكِ هذا من ذوقك

إذا حبيتي ما يروحش شكلو في الطياب ... لازم بعد ما بيتيه في الثلاجة ويطلق الماء لي فيه .... تطيبيه على مرحلتين :
1- نحي حبات التين من الماء
2- طيبي الماء هذاك حتى يثقال
3- ضيفيلو التين لي كنت نحيتيه مع الأوّل ... وما تخليهش يطول بزاف فوق النّار
ملاحظة: لازم التين لي تديريه هكذا يكون شاد روحو شوية ماشي طايب بزاف

[nihal159]

روعة؛ يعطيك الصحة

[أم فاطمه]

السلا عليكي ام عبد الله المعجون خرجلك روعة الله يعطيك الصحة انا تني نخدمه بصح منديرش فيه القرفة والليمون و يخرجلي بنين تحياتي

[&ام ايوب&]

مممممممممم خرج يشهي ويبان كيما اللي يتباع
سلمت الايادي