الجزء 182 من الكوزينة( ان شاء الله تكون فاتحة خير عليكم) - الصفحة 60

ام هدول · 2017-10-17, 19:47

اقتباس:

المشاركة الأصلية كتبت بواسطة حياة نور الدين

وهدوا اطباقي الايام اللي فاتت بلاك تاخدوا فكرة للفطور

فول مقلي وشربة ومطلوع

وهدا عشايا لول بارح عصبان وسلطة والحمد لله

وهدا عشايا البارح وفطوري اليوم هههه

وهدا كان فطوري البارح

وهدي كسرة رخساس او فطير صح قاطو انا حرفت في الوصفة شوية

وهدا قاطو السكرفاج او المعجون او صب الرشراش درتوا نهار الخميس ديت منه لسلفتي جا يذوب في الفم خخخ

بصحتكم،،،مطرح مايسري يمري

ام هدول · 2017-10-17, 20:29

صحة عشاكم ،،،،،

بيلسان91 · 2017-10-17, 21:04

حياة شفتك تلومي فيا والله متلوميني كون تشوفي وش سرا فيا مزدرة سمانة هادي حتى صوتي راح ولدرك مزلت مريضة وفاشلة مزدرة
الا تشفاو على هداك المدير لي جراني ليامات لفاتو وطيشلي دوسي فرق لي بوست وبقا يجري فيا نوكل عليه ربي وفرات منعرف علتش لكدب كون قالي فرقتهم خير مجراني ملبلدية لكازوراك وماكين حتشي
المهم هرجتكم بحاكايتي ياسر
هاو عشانا عدس احمر والله دخل لراسي صح قبل معجبنيش مي كي عدت مريضة لقيتو وجا بنين فخمس دقايق طاب

بيلسان91 · 2017-10-17, 21:10

اقتباس:

المشاركة الأصلية كتبت بواسطة ام هدول

صحة عشاكم ،،،،،

لم هدول جبتلنا رمضان بطيابك هدا تاكلو بصحة ولهنا

أمنية غفران · 2017-10-17, 22:06

السلام عليكم أخواتي الكريمات الفحلات

صحا عشاكم و ليلتكم سعيدة

سحوبة حبيبتي ربي يحفظك على كلامك الحلو يا عسل

حيوتة طيابك يسخف امممم و حبيت نسقسيك على قاطو صب الرشراش قلتي تقسمي العجينة على ثلاثة يعني ديري طبقة و تطليها بالمربى و تزيدي طبقة عجينة و من بعد تطليها بالمربي و تزيدي العجينة الثالثة مسكرفجة هادي هي الطريقة و لا فهمت بالغلط و صحيتي

ام هدول بيسو ام يوسف و كل الأخوات ربي يحفظكم و يهنيكم

عشانا الليلة كمونية كبد الدجاج لذيذة اممممممممممم

و راني جبت ليكم العجينة البرونزية في صورة حطيتها لهيتة و نحطها ليكم هنايا تفضلن

في أمان الله

حياة نور الدين · 2017-10-17, 23:32

صح عشاكم خياتي

سحابة كلك ذوق حبيبتي وربي يحفظك يا غالية

امنية شوفي تقسمي العجينة على 3 جزئين تلميهم مع بعض وتحليهم في الصينية الي يبقى تنشفيه بالفرينة وتبرشيه انا قلت هكا باش نعرفوا عبر شحال نحوا العجينة باش نبرشوها خخخ وشكرا على الوصفات المصورو وحاولي تحملي ابليكاسبون pic collage تخدمي بها الوصفات المصورة احسن وهدا مجرد راي ههههه

بيسو العتب من المحبة وراح هد اليامات نعاندك ونجرب لاول مرة العدس الاحمر بصحتكم وربي يشفيك وحسبي والله ونعم الوكيل صبرا وراح تفرج

ام هدولتي العزيزة عشاااك يقتللل بالسخفة بصحتكم وربي يخليك تامني نحب نعيطلك من عند زوجي عنده نفس المتعامل تاعك بصح هو يدخل لمغرب ونخاف نديرونجيك ههههه

ام يوسف مقصدتش انه قلتي كلام محرج او بذيء قصدت انه كاين نفوس مريضة هو راجل وقادر يشارك في الموضوع على اساس مراة وانت تحكي بنيتك هدا ماكان وكل يوم راه يخرجلنا عضو جديد
وانا نبهت البنات كامل واسمحيلي مرة اخرى منعاودش ندخل انتن احرار راكم كبار وتعرفوا مصلحتكم

ملوكة مبنتيش اليوم

تصبحن على خير

حياة نور الدين · 2017-10-17, 23:35

نسين محطيتش عشايا تليتلي ودرت عصير الرمان كان عندي بزاااف

أم يوسف2 · 2017-10-18, 07:15

صباح الخير عليكم كامل ان شاء الله تكونوا بخير

أم يوسف2 · 2017-10-18, 07:22

بيلسان بالشفا عليك
متقلقيش روحك ربي يجيب لي فيه الخير انا تاني صرالي كيما نتي مدير قالي وجدي كواغطك وارواحي باش تخدمي وكي وجدتهم اتخيلوا مد بلاصتي لانسان اخر

أمنية غفران · 2017-10-18, 08:08

صباح الخيرات و المسرات أخواتي

حيوتة يعطيك الصحة على توضيح الفكرة و بالنسبة لبرنامج الوصفات المصورة راني نخدم بهادا إسمه Collage Maker راني دايراته في PC

درك نحاول نحمل البرنامج إلي قلتي عليه و نقارن بيناتهم و الأسهل أكيد نحتفظ بيه مشكورة حبيبتي

فطوري في العمل و اليوم الأربعاء إمالا الكسكس بصحتنا ههههههه

في أمان الله

أم فاطمه · 2017-10-18, 08:17

ألسلام عليكم صباح الخير عليكم اجمعين هدا الكيكة خدمتها بي الييوت تقهواو بالصحة
مع السلامة

أم يوسف2 · 2017-10-18, 10:11

حيوتة يا حيوتة هكا ياك رانا خواتات ووحدة تنبه اختها وقتلك شكرا على التنبيه وياك ماجرحتكش بكلمة انا كلشي ولا نجرح انسان
انا قلتلكم برك بلي ماهدرتش حاجة غير لائقة بصح ماقلتلك والو
ايا ضحكي ضحكي نحبك نتي وقاع لبنات لي عرفتهم فالمنتدى

وردة الرمال43 · 2017-10-18, 11:34

صباحو حبيباتي واش احوالكم ان شاء الله بخييييييييييييييييييييير كامل
راني ماراجعت والو بصح راني نقولكم يعطيكم الف صحة وعافية وبوركتن يا حبيباتي راني نعرفكم فحلات كل وحدة تقول لاختها بعدي راني جيت يديكم ذهب والله بدون مجاملة
عندي 3 ايام وانا نسيي ندخل ونكتب ردود طولللل وعرض ولكن النات ثقيلة خلاص والمنتدى اصبح صعييييييب المهم يعطيكم الربح والهنا وربي يدوم النعم ويدوم لمة لحباب
البارح جربت كيكة لاشبلير تاع امنية غفران مع اني موديفيت ههههه انا سقيتها بالشاربات لانو زوجي مايحبش الناشف والله جات روعة وهو تاني عجبتو مع انو صعيب الذوق ويعلق بزاااااااااف واني نسيت ماصورتش ونقولك يا امنية غفران ربي يرزقك لي في بالك وربي يسهل وييسر امورك وجميع العضوات

طالبة الجامعة · 2017-10-18, 11:40

السلام عليكم عدنا والعو. احمد توحشتك بزااف الله غالب مانقدرس على فراقكم

ella elle · 2017-10-18, 11:46

بارك الله فيك