عرس اخي اقترب مساعدة بليز

[bouchra laila]

اخي يريد الزواج عما قريب و المشكلة انه اول ذكر يتزوج في العائلة ولا ادري ماذا ناخذ للعروس يوم الحنة في الطبق
كما انني تائهة فيما يخص الحلويات التي اخذها للعروس و التي اقدمها للضيوف
ارجوكم لا تبخلوا علي باي تفصيل ممل
بليييييييييييييييز ربي يخليكم ساعدونييييييييييييييييييييييي

[ام خليل §]

الحلويات ادي 3 انواع مثل البقلاوة و حاجة بالطلية كما تشاراك قلاصي و لا براسلي و كاش نوع واحد اخر و ادي سنيوة فيها المكسرات
و الحلوى كما نقولو المخلط و ثاني البياس مونتي مع الرامي القرع الصغار 2 فاردو و لا 3
هذا على حساب المنطقة نتاعنا

[روضة من رياض الجنة]

كل منطقة وعداتها شوفي عادات اهلك ومدينتك
احنا في الغرب ندو 6 بلاوت تع حلوة و المخلط
الطبق علي حسب ما تفهموا اهل العروسين وطبعاناخدوا مكياج الشمبون والعطور

[bouchra laila]

any other ideas

[raboha]

صح كيما قاتلك الأخت شوفي نتوما عادتكم كيفاه وديلها
حنا الطبق تاعنا فيه كلشي عدد زوجي يعني جبة تاع دار 2 و تاع الخرجة 2 و العطور و الشمبوان ولوازم وحدوخرين بايننن
هذا بلا طبق الحنة لوازمو باينين الحنة و البيض و لا ماء الزهر و السكر و الشموع
و القاطو نتي واش تحبي تدي من سنيوة كاين اللي يدي حتى 8 و عندنا سنيوة المخلط لازم و سنيوة قاطو الفاكية ثان نديروها
و بياس مونتي لازم و كي ندوها و نكملو حنتنا و نجو صادين من عندهم ندو معانا نصف البياس مونتي هذي لازم ندوها و إذا ممدوهاش يتسمى عيب على أهل العروسة
ربي يدوم فرحتكم

[mostafa28]

شوفي فيما يخص الحلوى انت و المقدور نتاعكم كاين الي يدو حتى 10بلاولت لكن في اغلب الاحيان6عموما مثلا البقلاوة +الدزيريات + صابلي بالشكولا + العرايش +تشاراك المسكر+شكولا الي نخدموها في قوالب السيليكون مع النيسلي و المكسرات لا اعرفهل سبق لك و حضرتيهالكن صدقيني بريزونطابل بزاف و زيدي الحلوى و الكاوكاو بلا وحده اما الجهاز و الي ندوه في الطبق نحن في سيدي بلعباس الكراكو او القسنطينية+ منسورية او قفطان حسب المقدور + ديزابيي + 2بياس راكي فاهمة واش +الريحة + الماكياج +الحداء مع الساك طبعا الشموع و القفاز و الحنة + الشرط اي الدهب ادا كانو متفاهمين عليه اهل الزوجين هدا كل شيء و ادا اردتي نعطيك وصفات ناجحة100/100 ديريهم و الف الف مبروك و عقبال لك انشاء الله

[mostafa28]

المشاركة الأصلية كتبت بواسطة ام خليل §

الحلويات ادي 3 انواع مثل البقلاوة و حاجة بالطلية كما تشاراك قلاصي و لا براسلي و كاش نوع واحد اخر و ادي سنيوة فيها المكسرات
و الحلوى كما نقولو المخلط و ثاني البياس مونتي مع الرامي القرع الصغار 2 فاردو و لا 3
هذا على حساب المنطقة نتاعنا

حببتي سمحيلي هده تبهديلا عندنا طياحة 3cava pas platنتع القاتو الناس الشبعانين يدو حتى10 بلاوات و النت تقوليلها3 اسمحيلي هنا غير قعدي في داركم و ما تروحوش تبهدلو العروسة نتاعكم مع احتراماتي لك

[nouna98]

حنا في منطقتنا لعروسة هيا لي تجيب القاطو
بس ممكن تدي بقلاوة مقروط الوز صابلي مخبز المشكلة التشاراك بانواعه.......
و بالتوفيق في الاختيار

[عطرالذهب]

اختي ربي يكمللكم على خير
شوفي نحنا في الشرق ندوبلا المخلط نسموه القشقشة فيها حلوى فاخرة ودراجي ومكسرات وشوكولا وكاين اللي يدير حتى التمر
وندو الحنة معاها الشمع يتباعو في علبة كبيرة اشكال والحنايات اللي يربطو بيهم الحنة وحاجة ذهب تحني عليها لعروسة حسب امكانيات خوك من لويزة حتى لمحزمة ذهب وماء الزهر وطبق الريحة والصابون والشومبوان كل حاجة منها 4 وباطة ماكياج وقندورة ثقيلة واونسونبل ومنصورية وملابس داخلية وكل لبسة وصباطها وصاكها وطورطة مليحة وعند مالي لمرا تلقوهم وجدو القاطو والعصير وكاين اوخرين يوجدو لعشا
وقاطو عرس خوك ديري مقروظ وبقلاوة وغريبية وصابلي وقاطو ما يطيبش هاذو نتاع البانيات وديري لقريوش للشاي

[bouchra laila]

المشاركة الأصلية كتبت بواسطة mostafa28

شوفي فيما يخص الحلوى انت و المقدور نتاعكم كاين الي يدو حتى 10بلاولت لكن في اغلب الاحيان6عموما مثلا البقلاوة +الدزيريات + صابلي بالشكولا + العرايش +تشاراك المسكر+شكولا الي نخدموها في قوالب السيليكون مع النيسلي و المكسرات لا اعرفهل سبق لك و حضرتيهالكن صدقيني بريزونطابل بزاف و زيدي الحلوى و الكاوكاو بلا وحده اما الجهاز و الي ندوه في الطبق نحن في سيدي بلعباس الكراكو او القسنطينية+ منسورية او قفطان حسب المقدور + ديزابيي + 2بياس راكي فاهمة واش +الريحة + الماكياج +الحداء مع الساك طبعا الشموع و القفاز و الحنة + الشرط اي الدهب ادا كانو متفاهمين عليه اهل الزوجين هدا كل شيء و ادا اردتي نعطيك وصفات ناجحة100/100 ديريهم و الف الف مبروك و عقبال لك انشاء الله

اختي اتمنى انك تساعديني بالوصفات هدا راح يكون جميل ما ننساهلكش

[mon poupon]

المشاركة الأصلية كتبت بواسطة mostafa28

حببتي سمحيلي هده تبهديلا عندنا طياحة 3cava pas platنتع القاتو الناس الشبعانين يدو حتى10 بلاوات و النت تقوليلها3 اسمحيلي هنا غير قعدي في داركم و ما تروحوش تبهدلو العروسة نتاعكم مع احتراماتي لك

شوفي أختي العزيزة اولا كل واحد و المنطق تابعو
و كل منطقة و عاداتها

ما تقولين هكذا عيب

و كل واحد و مقدورها


كائن اللي يدي حتي الكباش كائن اللي يدي غير بيأس مونتي و التبق

و كلشي يجوز بالصح لهنا غلب الغنا ما تنسايش

[bouchra laila]

je veux des recettes

[Omrihem]

اختي ربي يهني خوك ويكملو المهم في السعادة من بعد تبقي كلشي ما هو غير عوايد حنا في سطيف في الحنة نديو البياس مونتي في الليل ونلبسو للعروسة حاجة من الجهاز لي نكونو بعثناه من قبل وكل واحد و مقدورو كاين لي يدي من كلشي 3 حتي 5 حوايج و الريحة والماكياج والحنة وزيد حويجة ذهب تحني عليها لعروسة اما القاطوات ما ندوش في الحنة لعروسة هي لتوجدهم ويبقي اختي كل واحد و مقدورو