شوربة العدس

[dana1998i]

ماما عندها فقر الدم و نصحوها بشوربة العدس الاحمر لذا اريد طريقة تحضيرها

[kakoucha]

dirilha el adess fi tajine hamsih wa hamssi zereaat elmaïs erhimom wa khaltihom bi el asal al hora rahi moufida djidane

[kakoucha]

ama chourba houti el khodar elli andak kamel (haba batata ,2 sanaeia....)wa zidilhome ras bessal wa seninat thoum wa melh felfel aswad ,chouia zit wa amreki bi elma maa milaaka akl tamatem mosabara wa hafna adas wa akfli cocota ki tib arhihom bi robot............... bi chefa li mamaki wa saha likom

[kakoucha]

ih nsit hadi .............ida kanet mamak thab loufah zidi chouia karouia marhia wa 2 wrak rand (nehihom kabl ma tarh......salemi

[مون1]

انا ندير شوربة بالعدس لحمر تجي تهبل
المقادير 1 او 2 بصل
2 او 3 سنينات توم
قليل من اللحم المرحية ( لفيونداشي) اختيارية
عدس أحمر
ماء
ملح وفلفل اسود وفلفل احمر وكمون
عصير ليمون حسب الذوق
الطريقة توجد 2 طرق
ط1) تقلي البصل و التوم واللحم مع شوية زيت ميلح بصح بلاكي تحريقهم لازم تحركيهم ومبعد تبليهم وحطي العدس والماء وخليهم يغليو مليح حتى يطيب لعدس وقبل ما تطفي الغاز حطي شوية عصير ليمون على حسب الذوق تاعك

ط2) تقلي البصل واللحم والتوم مع شوية زيت وتحطيلهم الملح والتوابل ومبعد نحيهم من الطنجرة وحطي فيها لعدس مع الماء حتى يطيب ورجعي حطي فوقهم البصل والتوم واللحم المقليين وقبل ما تطفي حطي عصير نصف ليمونة او اقل او اكثر على حسب الذوق تاعك
ملا حظة
تقدري ترحيهم بالميكسور بصح صراحة انا نفضلهم ماشي مرحيين خلي لعدس شوية يطيب بالزيادة راه يدوب وحدو
واللحم كما تحبي تقدري بيها تحبي بلابيها على حساب المتوفر واذا كنتي تحبي حاجة تقيلة ولا خفيفة
المهم كتفرغي الشربة تاعك فالصحن رشي عليها شوية زيت الزيتون والكمون هذه الشوربة مفيدة جدا لانها تحتوي على الحديد بالاضافة الى الفتامين سي الموجود في الليمون والمعروف انه يساعد على امتصاص الجسم للحديد
وبالصحة ولهنا انا نموت على هذه الوصفة وللامانة العلمية اخدتها من الاخوة السوريين اذا اردتي ابحثي عنها في الانثرنات اسمها شوربة العدس الاحمر
الفرق فقط هم يضيفون لها الخبز تاعهم مقلي
سلام

[مرام 1987]

تفضلي أختي اسمحيلنا المنتدى كان معطل
https://www.djelfa.info/vb/showthread.php?t=1280970
وديرولها الكبدة تاع الجاج مليحة لفقر الدم انا كيف عندي وناكلها ساعات وثانك الطحال روووووعة للدم
وقولها تجرب العدس محمص ومرحي وتخلطو مع العسل رووووعة للدم عن تجربة طبعا اذا ما عندهاش امراض أخرى عفانا الله وإياكم
ربي يشفيها ويشفيني آمين

[مرام 1987]

تفضلي أختي اسمحيلنا المنتدى كان معطل
https://www.djelfa.info/vb/showthread.php?t=1280970
وديرولها الكبدة تاع الجاج مليحة لفقر الدم انا كيف عندي وناكلها ساعات وثانك الطحال روووووعة للدم
وقولها تجرب العدس محمص ومرحي وتخلطو مع العسل رووووعة للدم عن تجربة طبعا اذا ما عندهاش امراض أخرى عفانا الله وإياكم
ربي يشفيها ويشفيني آمين

[dana1998i]

سلام
بارك الله فيكم
هي جربت الكبدة تاع الدجاج ديجا مي مكاش فايدة كبيرة
هي اصلا جاها فقر الدم بويسك حامل