ما رأيكم في المرأة التي لا تجيد الطبخ ؟

[*باسم*]

أريد أسألكم عن رأيكم في المرأة التي لاتجيد الطبخ يعني قدها قد حالها ولا تريد أصلا تعلم الطبخ؟
في إنتظار أرائكم رأيكم يهمنا

[staifia]

سلام
هناك فرق بين امراة تتعلم و طبخها ناقصةشوي
وامراة لا تريد ان تتعلم اساسا
واللى تحب الكوزينة و الطبخ مع الوقت تتعلم لانو لازم عليها تعرف ... والا خلات عليها

[الفايسبوكي]

السلام عليكم

أنا نعرف ندير كل شيء حتى الكسكس



إذا مرأة ما تعرفش تطبخ تروح تضرب الزرنة

خيرلها

[*باسم*]

المشاركة الأصلية كتبت بواسطة staifia

سلام
هناك فرق بين امراة تتعلم و طبخها ناقصةشوي
وامراة لا تريد ان تتعلم اساسا
واللى تحب الكوزينة و الطبخ مع الوقت تتعلم لانو لازم عليها تعرف .. والا خلات عليها

عجبتني الجملة الأخيرة خلات عليها

[*باسم*]

المشاركة الأصلية كتبت بواسطة الفايسبوكي

السلام عليكم

أنا نعرف ندير كل شيء حتى الكسكس



إذا مرأة ما تعرفش تطبخ تروح تضرب الزرنة

خيرلها

الله يبارك تعرغ دير الكسكس زيد ثاني وش تعرف ؟

[*سندوسة*]

السلام عليكم

على حسب الناس لي عايشة معاهم كاين لي راجلها ماعلابالهش غير كيما جات ياكل وخلاص وكاين لي يتقلش بزاف فالماكلة
وكاين فرق بين وحدة ماتعرفش او بالاحرى الله غالب اكلها سامط
وكاين المتمردة لي هي اصلا فنيانة وماتبغيش تتعلم الطبخ يعني تحوس غير على نتاع برا

[*باسم*]

المشاركة الأصلية كتبت بواسطة سندوسة يسمين";3993348080][b][i][color="navy

السلام عليكم

على حسب الناس لي عايشة معاهم كاين لي راجلها ماعلابالهش غير كيما جات ياكل وخلاص وكاين لي يتقلش بزاف فالماكلة
وكاين فرق بين وحدة ماتعرفش او بالاحرى الله غالب اكلها سامط
وكاين المتمردة لي هي اصلا فنيانة وماتبغيش تتعلم الطبخ يعني تحوس غير على نتاع برا
[/color][/i][/b]

في رأيك ماهي الأسباب التي تجعلها فنيانة هل مشكل في التربية أم ماذا؟

[eBusiness]

المشكلة ماشي فيها هي بل في الراجل اللي تزوجها... نورمالمو يرميها مع كاش طاق

[*سندوسة*]

المشاركة الأصلية كتبت بواسطة *باسم*

في رأيك ماهي الأسباب التي تجعلها فنيانة هل مشكل في التربية أم ماذا؟

بلاك تكون مقلشة
او جميلة ومغرورة
او زوجها مخلوع فيها قاع مايقولهاش يجيبلها كلش واجد
او تكون عاملة ومتمردة
هذه بعض الاسباب لي تخليها تكون فنيانة

[staifia]

انا نعرف وحدة والله مادير حاجة كلشي يجيها واجد تاكل برك تجتر
ماتعرفش دير حتى كي دير وتجي ماء و زغاريت هاديك الماكلة راجلها ياكلها ويسكت
الوحدة كي تكون باهية ومغرورة كيما قالت ياسمين تخرج لقرون تاعها
صح عبد المجيد المشكل في ال الراجل

[*سندوسة*]

بصح انا مزال مافهمتش راه يحكي على المراة بصفة عامة او الزوجة بصفة خاصة
هافهمونا ووضحولنا باش نعرفو نردو

[*باسم*]

المرأة بصفة عامة

[optimism]

السلام عليكم
لااعتقد ان هناك امراة لاتجيد الطبخ ,,,,,,,,,,ولكن هو اختلاف لحس الذوق,,,,,,,,,,,وهناك من تتعلم ماتحبه هي فقط في الاكل,,,,,,,,,وتعتمد على طريقتها في الطبخ لاغيرها
والرجال ,,,,,,يفضلون اكل الام ,,,,,وليس لانه الافضل ,,,,,,,انما اعتادوا عليه
اما من لاتريد ,,,,,,الارادة ,,,,,,,,حقا مشكل
سلام

[غصن البآن]

سلام...........

على رأي الاخت السطايفية......
لي متعرفش الطبخ خلات عليها........الزوج مسكين وزيد
مع العرضات و الضياف....تم يكمل الحساب...........

لكن ...نادرا ما تلقى من النساء من لا تجيد الطبخ...ما يحدث انه قد تكون المرأة تحتاج لبعض المهارات ...أو تحتاج للمزيد من التعلم....

تحياتي.....

[إكليل]

السلام عليكم و رحمة الله تعالى و بركاته.

اخي الطبخ مهارة و موهبة قد لا تجيده كل إمرأة توجد كثير من النساء يطبخن قد لا يكون طبخهن في المستوى لكن يؤكل أما عن النساء اللاوتي لا يحببن الطبخ و لا يردن تعلمه ربما المشكل من بيتهم ربما لم تتلعم أصلا في بيت والديها و لا تحب أن تغامر و تكابر في ذلك و فيهن المغرورة اللتي تدلل و تريد كل شيء جاهزا.

لكن الطبخ لا يمكن أن يعتمد عليه للزواج فكثيرات لم يكن يعرفن الطبخ و مع مرور الوقت تعلمن.