لي عندو مشكلة عاطفية يتفضل هنا و يطرحها

[عطر البنفسج]

المشاركة الأصلية كتبت بواسطة fateh-algérie

من الصباح وانا نحكي وماحكمتي والو


مليح


ياك راني فهمتك ماعنديش مشكلة كبيرة

انتي الي راه قلبك حزين مديتلك نصيحة

بدل ماتسمعي حسني عودي اسمعي الزهوانية

لان واحد عندو حب وعواطف ويتكلم في التلفون اكيد انو بعيد كل البعد عن القرأن


وعلابالي اننا اخوة ورانا نتعاونو على الامر بالمعروف والنهي عن المنكر

هههههه شكون قالك حزينة اخي راك غالط
ثانيا ما نسمع لا لحسني لا للزهوانية
و الحمد لله ما رانيش بعيدة على القران الكريم
شكرا لمرورك

[Fateh-algérie]

توقيعك يقول

[عطر البنفسج]

المشاركة الأصلية كتبت بواسطة fateh-algérie

توقيعك يقول

توقيع ماهوش مكتوب على جبهتي
شكرا لك

[obrigado24]

السلام عليكم إخواني الأعضاء أنا عندي مشكلة محيرتني وهس أني نقرا في الجامعة وكاينا واحد الطفلة تقرا معايا زميلة دراسة فقط وشحال نتكلمو غير في القرايا المهم مرت ليام وحد الخطرة طلبت النيميرو تاعي وقالتلي كي نتحتاجك في القرايا نعيطلك مبعد ولت الهدرة تحها تتبدل تقلي نشوف فيك أكثر من زميل مما أنا ساعات كي نروح نفكر واش هدرنا وديفوا ما نقدرش نرقد في الليل وأنا نحط فيها غير زميلة ليا حاب نفهم هذا الشعور لي نحس بيه نشوف في روحي مخروظ خلاص

[رؤوف 1990]

المشاركة الأصلية كتبت بواسطة fateh-algérie

من الصباح وانا نحكي وماحكمتي والو


مليح


ياك راني فهمتك ماعنديش مشكلة كبيرة

انتي الي راه قلبك حزين مديتلك نصيحة

بدل ماتسمعي حسني عودي اسمعي الزهوانية

لان واحد عندو حب وعواطف ويتكلم في التلفون اكيد انو بعيد كل البعد عن القرأن


وعلابالي اننا اخوة ورانا نتعاونو على الامر بالمعروف والنهي عن المنكر

راك صعيب ياسر خويا

[amira3914]

انا اختك يا حنونتي وظنيت راح تفهميني ياخي حسيت مليش لازمة اسفة ممكن قلقتكم

[farida18]

merci mon frère adel02

[abdel02]

المشاركة الأصلية كتبت بواسطة farida18

merci mon frère adel02

pas de koi

[abdel02]

المشاركة الأصلية كتبت بواسطة عطر البنفسج

ربي يكملك اخي و يسرنا سماع اخبار مثل هذه و نشا الله ربي يجمعكم فالحلال و يهنيكم و تحياتنا لك و لها كذاك شكرا على مرورك الطيب

شكرا جزيلا

[~~ أغيلاس ~~]

المشاركة الأصلية كتبت بواسطة fateh-algérie

السلام عليكم عطر البنفسج

ردي الاول قصدت انو لو يحدث بن من تالفين بنهم امر محرم الا تضنين انه سيصيبك جزء من الاثم


اما عني فا الامر معقد لاني معقد

مرات نشوف اني اكبر من اني نبات نحكي في التلفون و مرات نقول ان حرام ومرات نقول انو لازم نكون مميز على الغاشي فا مانهدرش معا البنات ابدا
ومرات نحس انو خاصني الحب ونبدا نغار من صحابي ومرات نحس بالوحدة ياو راه دونجي القضية خاصة واني ارى كل يوم بنات من كل جنسات العالم
انا هوا هذاك المخلوع ال كل مايشوف طفلة يطيح في الغرام

لحد الان صراتلي قصص حب كثيرة ابرزها مرة كنت واقف وكانت وحدة جاية قاعد نشوف فها وهيا تشوف فا ومن بعد وقفت قدامي و ابتسمت وقالت اكس كيوزمي فا افقت من الغيبوبة وعرفت اني لازم نبعد باه تفوت لاني كنت ماسك الممر ثم بعدت وها فاتت وبتسمت مرة اخرى فا تاكدت انها خلاص قد وقعت في الحب لاكنها كانت اخر مرة اشوفها حدثت هذه القصة منذ اشهر ولا ازال افكر فيها واضن انها ايضا هي الان تفكر فيا

والقصة الاخرى معا وحدة زينة بزاف قبل ثلاث سنوات باص المدرسة كان يجيني كل صباح و الزنة كانت تقعد في الجهة الاخرى من الباص على يميني

عام كامل وانا نشوف فيها بشق عين باه مانديرش السمير عيناي كانت تؤلماني من كثر ما نميلهم لليمين وانتهى العام دون اي شئ اختي الغبية كانت تقرا في نفس المدرسة فا ماقدرت ندير والو ولاكن انا على يقين انها كانت تحبني كثيرا واضنها هي الاخرى تفكر فيا الان لم ارها منذ ان انتهى ذالك العام الدراسي

شفتي كيفاش كاين اثنين بنات راهم يفكرو فيا الان

وكي قريت في الجزائر اول سنة دراسية لم افلح في التكلم معا اي بنت سوى مرة واحدة او مرتان حين طلبت من تلك الجلفاوية ان تغلق النافذة لاني حسيت بالبرودة وهيا كانت تجلس جنب النافذة فا فعلت وهي الاخرى ابتسمت لاكن ليست الابتسامة التي تكلمت عليها في القصة الاولى لان الفرق واضح الاولى كانت امريكية او كندية او لا ادري المهم انها كانت غربية اما الثانية فا مثل ماقلت جلفاوية ابا عن جد وهذا يعني ان عندها ابتسامة كيما تع حديدوان

والان انا امر بفترة الفراغ العاطفي ولا اجرئ ان اتكلم معا اي بنت لان مثلما ذكرت البنات هنا اغلبهم جميلات ( انا اعيش في الغربة )
وعندما ارى فتاة جميلة اتاكد انها لن تكون لي

كل بنت اراها لا افكر بشيئ غير الزواج فا عندما ارى فتات جميلة اقول في نفسي اني لا يمكن ان اكون محضوض لهاذي الدرجة وتكون هاذهي من نصيبي

وعندمتا ارى وحدة عادية الجمال اقول ان هاذه حتى اذا كلمتها لااضنها تقبل بواحد يبيع في محل وقد تكون غنية فا هنا لايعيش الى الاغنياء

وافكار رئسي متضاربة ولم اجد مبتغاي لان التي اريدها فتاة متدينة


بما ان لدي افكار عضيمة طبعا درت حاجة مليحة

افترضت بنت خيالية و الان انا اعيش معها قصة حب حقيقية لاكن البنت لاوجود لها في الواقع كل الحب خيال ونحن الان نعيش حياة طيبة و نغنيلها دايما اغنية ام كلثوم ( اهرب من ألبي اروح على فين ليالينا الحلوى فكل مكان مليناها حب احنا الاثنين وملينا الدنيا امل ........ امل )

نتمصخر بروحي لاكن خير من والو


ثم ارى اني عندما تدق ساعة الزواج نقول لامي تختارلي سعيدة الحض ويكون اول يوم نشوفها هو يوم العرس اضنها فكرة مليحة ايضا لان السوسبانس سيكون اكثر من السوسبانس الي كان في الماتش تع الجزاير ومصر


بالنسبة ليا مانعرفش نحكي معا وحدة البداية صعيبة لان انا مانحكيش معا وحدة من هاذوك الي يمشو ويتلفتو ولا البنات الي رافدا معاها برويطة تع ابتسامات تمشي و تمد للغاشي

بابيشتي راهي عندها شخصية قوية وتحشم الله يجمعني بيها في القفص الذهبي


اضن اني سفينة مملوئة بالومنسية و الحنان مرتي رح تشبع حب و عشق و اخلاص وووووو


حتا اذا قدرت نهدر معا وحدة و بدينا الحب لا استطيع تخيل منضري وانا نحكي معاها في التلفون بالتخبية على دارهم وكان يجيني خوها ويقلي عيب عليك من حقو انو يقتلني

فا لن اعرض نفسي للقتل ونفترضو ان اهلها على بالهم ونبدا نحكي معاها اكيد كيما صحابي كيفاه يحكو معا صحاباتهم وشراكش نقولهالها 3 مرات في اليوم و توحشتك في كل دقيقة و رسائل وممكن يدخل بليس ويدير مشكلة فا نتخاصمو و مانتزوجش بيها وعندها اكيد رح نتزوج بوحدة متكلمة معا واحد في التلفون لكن كما تدين تدان وانا نغار بزاااااااااف بزاف وماذا بيا مرتي تكون ماهدرت معا حتا واحد قبلي

في الاخير يبدو اني اعيش حالة نفسية نسيت اسمها


وتستمر الحياة ......................




وهاذي صورة مراسلكم









[img][/img]

ههههههههههههههههههههههه

الجزء الأول من كلامك قتلني بالضحك .

اتق الله في كلامك ، تقول على بنت بلادك الضحكة تعها تشبه لضحكة حديدوان ، ما تستحيش .

هل أنت هو دريسي عبد الله ؟

من صورتك تبان باكستاني أو كويتي أو إماراتي ،،،،،،،،،،،،،،،،،،

من كلامك يبدو أنك ما عندكش ثقة في روحك كبيرة .

أنا الأوروبية الشقراء الكافرة تحللني و ما نزوجهاش ، ندي وحدة الضحكة تعها كيما تع حديدوان و ملتزمة و تخاف ربي الدنيا و ما فيها ،،،،،،،،،،،،،،،،،، بعيد الشر لا نشوف في وحدة كافرة اللي جا يلعب بيها حتى لو تكون فاتنة الجمال إلا أن النور ما عندها والو ، زيرو .

( اعذروني إخواني على طريقة كلامي إن لم تعجبكم ) .

[عطر البنفسج]

المشاركة الأصلية كتبت بواسطة obrigado24

السلام عليكم إخواني الأعضاء أنا عندي مشكلة محيرتني وهس أني نقرا في الجامعة وكاينا واحد الطفلة تقرا معايا زميلة دراسة فقط وشحال نتكلمو غير في القرايا المهم مرت ليام وحد الخطرة طلبت النيميرو تاعي وقالتلي كي نتحتاجك في القرايا نعيطلك مبعد ولت الهدرة تحها تتبدل تقلي نشوف فيك أكثر من زميل مما أنا ساعات كي نروح نفكر واش هدرنا وديفوا ما نقدرش نرقد في الليل وأنا نحط فيها غير زميلة ليا حاب نفهم هذا الشعور لي نحس بيه نشوف في روحي مخروظ خلاص

اخي ممكن ان هاذ الزميلة انت تشوف ليها بنظرة زي و هيا تشوف فيك بنظرة زي ممكن هيا حباتك و تعلقت بيك لدرجة تعدت حدود الزمالة اما انت فما زلت تنظر اليها على انها زميلة فقط اخي واش رايحة نقلك اذا كانت ما عندكش حتى مشاعر تجاهها فلا تكثر الحديث معها هكذا كي لا تتعلق بك اكثر و ان حاولت ان تفصح لك عن مشاعرها حاول كيف تعبر لها بطريقة ما بانها زميلة و تحترمها و تقدرها و انك لا تفكر فيها من ناحية اخررى غير الزمالة و ان شاء الله ما يكون غير الخير

[عطر البنفسج]

المشاركة الأصلية كتبت بواسطة مصريه جدا

المشكله اختى انه عارف كويس انى عمرى مافكرت فيه غير كاخ

عارف كدا وواثق منه وخصوصا انه كمان من جنسيه اخرى

لكن فاجئنى بالموضوع خصوصا ان علم موضوع ليا قبل سفره يعنى حطنى فى وضع صعب وسافر مس هيرجع غير بعد فتره

وعايزنى افكر فى الارتباط الرسمى بيه



لو كان موجود كنت اكيد هقنعه لكنه حط الموضوع وسافر

مشعارفه اعمل ايه هوا اخ عزيز بس مقدرشى اقبله غير اخ

اعذريني اختي لم انتبه لردك من قبل
اختي اذا كان طرح عليك الموضوع و سافر و تركك هكذا خصوصا انه يعرف ان مشاعرك تجاهه مشاعر اخوة فقط معناه انه يضغط عليك بطريقته الخاصة
كل الرجال لهم طرق خاصة في الضغط على النساء و من بينها الغموض و ترك الامر قيد الدراسة و يبتعدون عنك فترة بعدها يريد سماع الجواب
ان كانت مشاعرك اخوة فقط فلا تقلقي ابدا و متى اراد فتح الموضوع معك كوني صريحة معه و لا تخافي فسوف يتفهم ذلك لانه كما قلتي يعلم انك لا تحبينه بل تحبينه كاخ فقط
و ان شاء الله تتجاوزين هذا المشكل كوني قوية ولا تدعي خجلك او خوفك من خسران شخص عزيز كاخ لان مستقبلك امامك و لا تدعي احدا يتحكم في شخصيتك

[عطر البنفسج]

المشاركة الأصلية كتبت بواسطة amira3914

انا اختك يا حنونتي وظنيت راح تفهميني ياخي حسيت مليش لازمة اسفة ممكن قلقتكم

لا بالعكس اختي رانا خواتات فرغي قلبك رانا هنا و نسمعوك و نعاونوك باذن الله

[عطر البنفسج]

المشاركة الأصلية كتبت بواسطة نبيل الموحد

ههههههههههههههههههههههه

الجزء الأول من كلامك قتلني بالضحك .

اتق الله في كلامك ، تقول على بنت بلادك الضحكة تعها تشبه لضحكة حديدوان ، ما تستحيش .

هل أنت هو دريسي عبد الله ؟

من صورتك تبان باكستاني أو كويتي أو إماراتي ،،،،،،،،،،،،،،،،،،

من كلامك يبدو أنك ما عندكش ثقة في روحك كبيرة .

أنا الأوروبية الشقراء الكافرة تحللني و ما نزوجهاش ، ندي وحدة الضحكة تعها كيما تع حديدوان و ملتزمة و تخاف ربي الدنيا و ما فيها ،،،،،،،،،،،،،،،،،، بعيد الشر لا نشوف في وحدة كافرة اللي جا يلعب بيها حتى لو تكون فاتنة الجمال إلا أن النور ما عندها والو ، زيرو .

( اعذروني إخواني على طريقة كلامي إن لم تعجبكم ) .

شكرا اخي نبيل طبعا انا معاك بنت البلاد ما تتقرانش ابدا للاوربيات لانه بكل بساطة مكانش وجه مقارنة بيناتهم
لقد نصحت الاخ ان لديه مشكلة نفسية
من جهة يظن ان البنات تعجبن به بسهولة
و من جهة اخرى هو غير قادر على حب فتاة واحدة
و هذه مشكلة عويصة جدااااااا
يجب ان تكون لديه ثقة بنفسه اكثر و اهم حاجة اخي الابتعاد عن الغرور لان الله لا يحب الغرور
و انا اي واحد يجي يقول البنات يحبوني و و و و معناه راه مغرور من نفسو و لكن الحقيقة انه يخدع في نفسه لانه مكانش منها خلاااااااااااااااص

[hasnihasni5001]

كشفت الستار ونظرت فى المرآه
فرأيت وجه ينظرى لى بأستغراب
يريد ما لا أريد
يضحك فى بكائى..ويبكى فى ضحكى
ويقول لى انا لست انت
وأين انت يامن تنظر بالمراّه؟
هذا ليس انعكاسك بل انعكاس ما بداخلك
فلا يهم اذا كنت تضحك لانى اعلم انك تبكي
لا يهم اذا كنت تبكي لانى اعلم انك تضحك
لا يهم قسوتك فانا اعلم بحنيتك
ولا يهم ضعفك فأنا اعلم بقوتك
فأسدلت الستار خوفا من ان انهار
وتقع كل الوجوه ..ويظهر من ظهر بالمراّه
فأنا احمينا معاً
حتى لو كان لا يُقَدِر هذا
حتى ولو كان يصرُخ الما
ويريد ان يظهر سأجعله يَصمُت
فهذا أصبح حالنا جميعا أيها الوجه
ان نبكى حين نريد الابتسام
ونضحك وفى اعيُننا الاااف الدمعات
فلا تصرخ ايها الوجه الماً
فانت لست وحيداً هناك مِثلُك