كسكس المناسبات على اصوله بالخطوات المصورة من مطبخي - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الأطباق الرئيسية

قسم الأطباق الرئيسية الأطباق الرئيسية حصرية لأعضاء المنتدى

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

كسكس المناسبات على اصوله بالخطوات المصورة من مطبخي

إضافة رد
 
أدوات الموضوع انواع عرض الموضوع
قديم 2013-10-27, 18:54   رقم المشاركة : 1
معلومات العضو
ام اماني77
عضو مميّز
 
الأوسمة
وسام التقدير المرتبة الثانية 
إحصائية العضو










B18 كسكس المناسبات على اصوله بالخطوات المصورة من مطبخي

السلام عليكم غالياتي

الكسكس او الطعام كل واحد كيفاه يسميه حنا في الشرق نسموه البربوشة هو من اشهر الاطباق التقليدية
كاين لي يعملو مرقة بيضا وكاين لي يعملو مرقة حمرا
حنا في الاعراس والمناسبات نعملوه مرقة بيضا باللحم والحمص والجريوات
حبيت اليوم نشاركم طريقتي في اعداد كسكس مرقة بيضا لان يجي بنين بزااااف لايقاوم بشهادة لي ذاقوه عندي
بدون اطالة نخليكم مع الوصفة

المقادير:

نحتاج لحم خروف ومن الاحسن يكون فيه شوية من الدهون يعني مشحم شوية

حبة كبيرة بصل
سنينات ثوم
حبة صغيرة طماطم ماتكونش حمرا يعني ماهيش طايبة مليح باه المرقة تجي بيضا
م ك كصبر مرحي
نصف م ك راس الحانوت
شوية فلفل اسود
ملح
زوج م ك زيت ما نكثروش خصوصا اذا كان اللحم مشحم
حبة صغير ةلفت
حبات من الجريوات
حمص
طبعا الكسكس و لازم يكون رقيق

الطريقة:
اولا نحضر المقادير

https://

في طنجرة نحط اللحم ونرابي البصل والثوم والطماطم ونضيفهم ونضيف باقي المكونات

https://

نحطهم على نار هادئة نضيف نصف كاس ماء ونخليهم يتقلاو جيييييييدا مرة على مرة نحرك

https://

نقشر حبة لفت ونضيفلها للحم ونخليه يكمل يتقلا على نار هادئة حتى اللحم يدخلو الطياب كيما يقولو العجايز
يعني مابقالوش بزاف يطيب

https://

في هذا الوقت ناخذ الجريوات نقسمها بالطول وبواسطة سكين نشرحها

https://

نتبلها بشوية ملح وفلفل اسود وكصبر ونخليها تتشرب

من جهة نرجع للحم بعد ما دخلو الطياب نصفيه
ناخذ طنجرة اخرى نحط فوقها الكسكاس ونفرغ المكونات لي في الطنجرة كامل

https://

نرجع اللحم في البرمة لي طيبناه فيها وبواسطة ملعقة نرحي حبة اللفت باه تطلق البنة


https://

ونضيف كمية الماء اللازمة

ملازمش نضيف بزاف الماء قيس مايتغطى اللحم فقط لاني كيما خبرتكم اللحم تقريبا طايب
نفرغ المرقة فوق اللحم وهذا لي يبقى في الاسفل نرموه حنا نسموه التخ نتاع البرمة


https://

وهذا لي نرموه

https://

الان ناخذ كمية الكسكس لي تلزمنا نغسلوه ونعصروه بالايدي ونحطوه ينشف شوية من بعد نضيفوله شوية زيت نحرك الكسكسي ونعملو يفور

https://

بعد مايفور نضيفلو الملح وكمية من الماء باه يجي خفيف ونخليه يتشرب


https://]




في هذ الوقت نغسل الجريوات ونضيفها للمرقة


https://


نعاود نرجع الكسكس يفور للمرة الثانية وبعد مايفور نريحوه بالزبدة يعني نضيفلو كمية من الزبدة ونحرك ونغطيه حتى وقت التقديم

https://

في هذا الوقت تكون الجريوات طابت وهذي المرقة نتاعنا راهي واجدة

https://


بالنسبة للحمص انا دايما نطيب كمية كبيرة في لاكوكوط نضيفلو الملح والماء كي يطيب نخليه يبرد ونحتفظ به في المجمد
ناخذ كمية من الحمص لي كنت طيبتو قبل نضيفلها شوية من المرقة ونحط على النار يسخن من بعد نزين به الكسكس

هذا النوع من الكسكس نقدوه مع الفلفل المرقد الحار
ناخذ فلفل حار نضيفلو الملح +القليل من الماء والخل والزيت وسنينات ثوم مقطعين بالطول ونحط داخل مقلاة ونغلق عليه حتى يطيب

https://

والسلاطة الخضراء

https://

وهذا المرقة لي نسقوه بها

https://

تفضلو بسم الله الكسكس راه حاضر

https://

نحط الكسكس في صحن التقديم ونزين بالحمص والجريوات

https://

ونسقيه بالمرقة

https://

ان شاء الله لي ماتعرفش تعمل الكسكسي مرقة بيضا تكون تعلمت ولي تعرف زادت استفدت اكثر
صراحة تعبت في تحميل الصور فقط لي تدخل الموضوع ماتنسانيش من دعوة خير لي ولعائلتي
في امان الله









 


رد مع اقتباس
قديم 2013-10-27, 19:00   رقم المشاركة : 2
معلومات العضو
○•ميسون•○
عضو محترف
 
الصورة الرمزية ○•ميسون•○
 

 

 
إحصائية العضو










افتراضي

يعطيك الصحة سخفتيني










رد مع اقتباس
قديم 2013-10-27, 19:00   رقم المشاركة : 3
معلومات العضو
أنآحلُم
عضو نشيط
 
الصورة الرمزية أنآحلُم
 

 

 
إحصائية العضو










افتراضي

يعطيك الصحة ام اماني الله يبارك مراة ونص










رد مع اقتباس
قديم 2013-10-27, 19:02   رقم المشاركة : 4
معلومات العضو
حنين40
عضو نشيط
 
الصورة الرمزية حنين40
 

 

 
إحصائية العضو










افتراضي

اوه لو تجو الى ماما تعملكم كسكسي على اصوله تأكون ولا تشبع وبالزبيب والحمص يالله على ذاك المذاق
الكسكس يوقف الركايب يبقى تاج المأكولات










رد مع اقتباس
قديم 2013-10-27, 19:06   رقم المشاركة : 5
معلومات العضو
touta2010
عضو فضي
 
الصورة الرمزية touta2010
 

 

 
الأوسمة
وسام نجمة التطبيقات 
إحصائية العضو










افتراضي

الله يبارك روعة حنا في الغرب تقريبا نفس الكيفية لكن منديروش الثوم ونعملو البطاطة وزرودية










رد مع اقتباس
قديم 2013-10-27, 19:08   رقم المشاركة : 6
معلومات العضو
أم إناس
عضو برونزي
 
الصورة الرمزية أم إناس
 

 

 
إحصائية العضو










افتراضي

شكرًا ام أماني والله كل وصفاتك روووووعه يعطيك الصحه يامبدعتي انا من معجبينك بارك الله فيك










رد مع اقتباس
قديم 2013-10-27, 19:11   رقم المشاركة : 7
معلومات العضو
soriaalg
عضو متألق
 
الصورة الرمزية soriaalg
 

 

 
إحصائية العضو










افتراضي

ممممممممم يشهي يعطيك الصحة بارك الله فيك










رد مع اقتباس
قديم 2013-10-27, 19:14   رقم المشاركة : 8
معلومات العضو
بنت غليزان
عضو محترف
 
الصورة الرمزية بنت غليزان
 

 

 
إحصائية العضو










افتراضي

الكسكس راهو يبان مشري مش مفتول في الدار لكن حنا نديرو المرقة انتاعو حمرا










رد مع اقتباس
قديم 2013-10-27, 19:18   رقم المشاركة : 9
معلومات العضو
ام اماني77
عضو مميّز
 
الأوسمة
وسام التقدير المرتبة الثانية 
إحصائية العضو










افتراضي

[quote=حنين40;1054724622]اوه لو تجو الى ماما تعملكم كسكسي على اصوله تأكون ولا تشبع وبالزبيب والحمص يالله على ذاك المذاق |
اهلا غاليتي
كل منطقة كيفاه تعمل الكسكس
حنا مانعملوهش بالزبيب ويجي رااااائع
ان شاء الله تفيدنا بالوصفة هكذا نتعرفوعلى تقاليد بلادنا
تحياتي لك وللوالدة الكريمة










رد مع اقتباس
قديم 2013-10-27, 19:21   رقم المشاركة : 10
معلومات العضو
ام اماني77
عضو مميّز
 
الأوسمة
وسام التقدير المرتبة الثانية 
إحصائية العضو










افتراضي

[quote=بنت غليزان;1054724708]الكسكس راهو يبان مشري مش مفتول في الدار لكن حنا نديرو المرقة انتاعو حمرا[/quote
شكرا لمرزورك غاليتي
الكسكس مفتول مش مشري
انا نحب المفتول احسن من المشري
شكرااااا










رد مع اقتباس
قديم 2013-10-27, 19:23   رقم المشاركة : 11
معلومات العضو
ام اماني77
عضو مميّز
 
الأوسمة
وسام التقدير المرتبة الثانية 
إحصائية العضو










افتراضي

شكرا غالياتي نورتو الموضوع










رد مع اقتباس
قديم 2013-10-27, 19:28   رقم المشاركة : 12
معلومات العضو
أم سراج الدين
عضو مميّز
 
إحصائية العضو










افتراضي

يعطيك الصحة
ام اماني
نستفاد بززززاف من مواضيعك و لو اكلات معروفة بلمستك الخاصة تجي غير
امممممممممممممم


يعطيك الصحة حبوبة










رد مع اقتباس
قديم 2013-10-27, 19:44   رقم المشاركة : 13
معلومات العضو
أم يحي صهيب
عضو مميّز
 
إحصائية العضو










افتراضي

ما شااء الله عليك اخيتي روعة شهيتيني مي انا جامي جربت مرقة بيضاااء










رد مع اقتباس
قديم 2013-10-27, 19:44   رقم المشاركة : 14
معلومات العضو
أم ياسين الزهراء
عضو ماسي
 
الصورة الرمزية أم ياسين الزهراء
 

 

 
الأوسمة
وسام الوفاء وسام نجمة التطبيقات وسام نجمة التطبيقات وسام نجمة التطبيقات 
إحصائية العضو










افتراضي

اممممممممممممممممممم الله يعطيك الصحة دايما عندك لمسة خاصة بيك سخفتيني امممممممممممممممممممم










رد مع اقتباس
قديم 2013-10-27, 19:55   رقم المشاركة : 15
معلومات العضو
هند21
عضو جديد
 
إحصائية العضو










افتراضي

طريقة جديدة عليا عمرني ما طيبت طعام مرقة بيضاء

ربي يبارك فيك يعطيك الصحة على الشرح المممتاز










رد مع اقتباس
إضافة رد

الكلمات الدلالية (Tags)
مطبخي, المصورة, المناسبات, اسئله, بالخطوات, كسكس

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 14:13

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc