انا و اهل و زوجي

[مشكلتي]

بعد تردد كبير اردت اخواني اخواتي ان تشاركوني مشكلتي

تزوجت منذ 4 سنوات و لي طفلان حقيقة لم اكن اعاني من اي مشكلة في بداية زواجي و لكن بدأت المشاكل بعد زواجي تقريبا بـــ 6 أشهر
أنا لحد الساعة اسكن مع عائلة زوجي لا اخفيكم انني لست مرتاحة لهذا الوضع و لكم تحملا مني و علما انا زوجي لا طاقة له لشراء مسكن حاليا اجبرت على القبول بالوضع
لا انكر انني عوملت بالبداية احسن معاملة و لكن و بمرور الوقت بدأت اكتشف انتهازية حماتي فهي لا تمرر ساعة عن الشكوى و عن حاجتها للنقود حتى و لو كانت مكتفية و تقيم الدنيا و لا تقعدها ان اقتنيت شيئا لي في اي مناسبة بحجة ان ابنتها لها الحق في ان نقتني لهانفس الشيء و لا انكر انني اصبحت احرم نفسي من اشياء كثيرة حتى اتفادى المشاكل و اشتري راحتي باعطائهم النقود

زوجي نفس الوضع......يبر امه لدرجة االخوف منها......ينفق عليها و كل عائلته خفية عني حتى انني رايت ذلك بمنام لي و لن انكر انني لما رويت له منامي ارتعب و صارحني انه اخفى عني امورا كثيرة و انه صرف مالا كبيرا في عدة مناسبات خفية عني رغم حاجتي و حاجة اولاده لهذه المال.

زوجي اصبح بخيلا معي حتى انني لا ارى فلسا منه و كريما جدا مع اهله


اخواني زوجي لا يفكر بمستقبل ابنائه فمنذ زواجنا لم يدخردينار كل مصاريف البيت على عاتقه بالرغم من ان حماي له دخل لا بأس به ناهيك عن مصاريف علاج كل فرد في الاسرة...الاعياد....الاعراس......و و و

لست ضد الانفاق على اهله و لكن اي انا و اولادي من كل ذلك

تعبت

[شيماء32]

السلام عليكم
اختي انتي الظاهر كي شفتيه يصرف على اهلو بزااف ونتي يصرف عليك غير شوي قلتي صار بخيل معي على حساب وش فهمت ....نقلك حاجة متدخليش بينو وبين اهلو... حاب يصدق على روحو والصدقة في المقربين اولى وزوجك باين مش يخمم باه يستقل وحدواهدري معاه في هاذ النقطة وحماتك كي تطلب الدراهم قلها معنديش مش لازم نتي لي تمديلها واذا مدلها ابنها ميهمكش المهم نتي اهدري مع زوجك في هذا الموضوع التوفير بصح متهدريلوش على اهلو ابدا....وحماتك ربي يهديها مقاس تقول نخلي بني يعيش حياتو ويصرف على ولادو.وربي يفرج عليك

[نورسين.داية]

لكن لم تذكري هل دار بينكما نقاش حول هذا الموضوع أم لا ؟؟؟؟؟؟

يعني هل هو يدرك أنه مقصر إتجاهك (على حسب ما رويتي ) أم لا ؟؟؟؟....

عزيزتي هذه المشاكل لا تحل إلا بحوار هادئ و جميل و رزين من شخص يحترمه و يقدره إن كان انتي أو والدك أو شقيقه أو عمه .....الخ
وفقكي الله أختي

[cezar algerien]

المشكل أنو عجوزتك تعتقد بأن وليدها راهو يصرف عليكم بزاف ، وانتي ثاني تعتقدي بلي زوجك راهو يصرف على عائلتو بزاف وهو مسكين مالقى واش يدير حاصل بين طرفين بين الوالدة الي لازم يبرها ويطيعها وبين زوجة وأولاد راهو مسؤول عليهم لازم ينفق عليهم ثاني
إذا كانت الوالدة تاعو ماتحسنش العون فإنتي زوجتو أحسني عونو مسكين

اذا كنتي تتفاهمي مع زوجك مليح وزوجك يقدر يطلعك على بعض الخصوصيات على سبيل المثال شحال يخلص أو شحال المدخلو تاعو الشهري، حاولو تتفاهمو على قسمة هاذي الشهرية

يعني يحدد مبلغ شهري ثابت يعطيه لياماه كل شهر يقوللها هادا هو مصروف تاع الشهر ويقول يماه ادبر راسها كيفاش تصرفو المهم ما تطلبش منو أكثر من هاذا المبلغ

ولي يبقى يصرفو عليك وعلى اولادك أما انو هو لي يصرف عليكم فالحالة هادي انتي ماترضاي وعجوزتك ما ترضى وتبقاو تعسو في بعضكم

ولكن أختي احمدي ربي اعطاك ربي راجل يعرف قيمة الوالدة تاعو ويبرها ومايصرف عليها لأنو لي مايعطيش قيمة ليماه مرة اخرى مايعيطيش قيمة لمرتو ثاني

[daciismail]

انا معك ومعه في نفس الوقت امور خاصة

[amira1989]

خليه يدير الخير في والديه لانو بدعويهم تتوفقي نتي و هوا اوكي

[أسيل 0022]

زواج 4 سنين ليس له علاقة بإجبارك على السكون في بيت أهله فماالذي أجبرك على القبول بذلك ؟
أما من ناحية الإنفاق على أهله فهو شئ لا يخصك و ليس لك الحق في الجدل فيه او النقاش فيه
أما من ناحية امه و نكدها على ما تفعلين فذلك ّانت مسؤوله عنه
يحق لك أن تنفقي على نفسك و على أولادك ما تحتاجين دون تبرير لها او لغيرها و إن كان على كلامها فاعتبري نفسك لا تسمعين صماء طرشاء و لانك مددت أذنك لها كثيرا فقدت حق أبنائك في نفقتهم و تلومين أبوهم
اما بالنسبة لحديث أم الزوج و احتجاجها حاولي ان تعذريها قدر الإمكان و لا تعتبري ذلك كرها منها و لكن اعتبريه تقدما في السن و كثرة ما يحويه صدرها و عودي كما كنت تنفقين على نفسك و اولادك و إن طلبت ام زوجك شيئا مماثلا فقومي ببعثها لإبنها لكي يقوم هو بشرائه اما غن بقيت في هذه الحالة كما تقولين فنسال الله لك التوفيق و وسع البال و الصبر و لكن تأكدي فبمرور الوقت ليس الصمت الحل الصحيح

[شهلة2009]

من حقه ينفق على والديه

[mina924]

البقاء مع اهل الزوج مهما طال فهو قصير يجي النهار وتولي بدارك فخليه يصرف على امو راها امه ماحتعيش قدما عاشت انت ماتمديلهمش دراهمك انت حرة ديري حوايج اخرى يعني مرة على مرة قماش للعجوز ريحة للبنات لاكان كنت خدامة ماهوش شرط عليك تصرفي عليهم اما راجلك فاهدري معاه بالعقل على المستقبل باش ديرو دار وما تحاوليش تثوريه ضداهلو لانو حرام عليك ويجي النهار وتحسي احساس امه وكيما قالو ناس بكري تكبري يا كنة وتولي كيما انا ةالدنيا دالة

[Rimsamwaz]

الصبر مفتاح الفرج انا عندي عام ونص في بيت اهل زوجي مع انو عندي داري وراني صابرة وزوجي هو لي متكفل بكل شي حالي لا يختلف عنحالك اطلبي منو انو يدير لكم شهرية ولامو كذلك شهرية وربي يصلح الحال

[لينين1]

ربي يصلح الامور

[angel88]

مشكلة و الله...واش نقولك اصبري و خلاص السكن مع الاهل لازم يكونو فيه هاذ المشاكل
اصبري و ربي يفرج عليك و عل زوجك مسكين راه بين نارين تاني

[l'espoire de la vie]

ربي يفرج عليك

[ManouraHilwa]

ربي معاكم الله يكون مع الزوج