ستاك مشوي مع خضار يحمرو الوجه

goumar · 2012-04-04, 18:34

السلام عليكم و رحمة الله و بركاته كيف انتن عساكن بخير اليوم جبتلكم طبق ستاك مشوي مع خضار سوتيه و الصوص علىالخاص بيا ههههه

وهو طبق يقدم في صحن واحد الى جانب نوع من الشوربه او الحريره و سلطه بارده وراه يحمر الوجه امام الضيوف نتاع الصح المهم نوريلكم الصوره و اذا بغيتو الوصفه نحطهالكم ملاحظه هذه الصوره التقطت قبل ما تولي البطاطا ب 80 د للكيلو هههههه

لا تبخلو علي بردودكم و الله من وراء القصد لعيونكم الطريقه اولا اولا الستاك واجد و اذا ماكانش واجد وجدوه في الدار جيبو هبره نتاع لحم اي نوع و قطعوه مورصوات ومن بعد اللي عندها اليد نتاع الترقاق راهي سهلت المهمه و اللي ما عندهاش تدير طريقتي ديري المورصو داخل كيس نتاع بلاستيك يعني البلاستيك يكون فوق و تحت المورصو نتاع اللحم و جيبي اليد نتاع مهراس العود الخاص بالثوم و اضربي فوق الكيس غير بشوي باش ما يتقطعش اللحم و لما يرقاق ديريه في كيس اخر تكوني دايره فيه ملح فلفل اسود كمون زعتر يابس اكليل يابس في زوج منقيين من العودان و مفتتين و عصير ليمون و خردل الديجون راه يزيد بنه روعه و معهم زيت الزيتون و يتخلطو مليح و مذابيك يقعدو شوي وقت قبل ما تبداي تشوي الان الشي في مقلى نتاع تيفال حطي المورصوات و نقصي النار ياسر و غطي ولما ينشف الخليط رشي شوي ماء فاترحتان يطيب اللحم و يتكرمل نحي اللحم وديري في نفس المقلى شوي مرق اذا كان عندك و الا ديري فرينه في نفس المقاى وزيديلها الحليب و خليها حتان تخثار و اذا بقالك خليط في العماره شلليها بالماء و حطيها في الصوص و من بعد نحطلكم طريقة الخضار

remadna · 2012-04-04, 19:53

الله يبارك
يعطيك الصحة
يشهي فووووووووووووووور

fatima zohraa · 2012-04-04, 19:58

راااااااائع سخفتينا.اكيد نحبو الطريقة

بشرى2008 · 2012-04-04, 20:23

خلاص ماخليتي فيا والوووووووو بهاد الطبق

عزة العلمى · 2012-04-04, 20:31

يعطيك صحة نعم حطي طريقة باش جربوها

goumar · 2012-04-04, 23:02

راني حطيت الطريقة في الموضوع ومن بعد ان شاء الله نكملها

goumar · 2012-04-05, 09:37

[color="yellowgreen"][/color] البطاطا تغسل جيدا اذا كانت بيضاء تترك بالقشره اما الحمراء تنزع القشره و تقطع كما في الصوره تملح و تفور حتى تطيب مليح تسكب مباشره في صينيه كبيره بحيث لا تكون مرصوصه فوق بعض و تتبل بالفلفل الاسود و الزعتر و الاكليل و زيت الزيتون دون تحريك و تدخل الفرن حتى تتحمر وممكن اضافة الكوسا مقطع صفائح سميكه شوي او الجزر بنفس الطريقه نتمنى تكونو فهمتو و اذا اي استفسار راني حاضره في امان الله