بقلاوة كحلة و بيضة

[نجيب نوفل]

السلام عليكم
اليوم جبتلكم بقلاوة ملونة مع طريقة التحضير

العجينة
3كيلات فرينة + نص كيلة مارغرين + رفعة ملح مذابة في ماء الزهر +بيضة ونبلل بخليط من الماء وماء الزهر و كي تلميها انحي قطعة من العجينة لونيها بالاسود الموكا او كاكاو رقم82
الحشوة
3كيلات لوز + كيلة سكرناقصة شوية +زاست نتاع القارص فاني وبلي بماء الزهر
ملاحظة الحشوة نتاع البقلاوة تتفتل ما تتلمش
الطريقة
حلي العجينة في المشينة وحطي اربع طبقات بعدما تدهني البلاطو وبين كل طبقة وطبقة تدهني بالسمن كي تكملي الطبقات الاربع فرغي الحشوة وكيلي بصباعك الخط الاول لي في صباعك هاداك هو الكيل من بعد زيدي ثلاث طبقات نتاع العجينة البيضة والطبقة الثالثة ناتدهنيهاش لاخاطر رايحين نلصقو فيها السبت الكوحل بالبياض
هادي انا بديت وراني قلت الطبقة لي تحت السبت ماتتدهنش بالسمن كل ماجي تلصقي سبتة تدهني بلاصتها يالبياض

انا دهنت بالبياض


وبديت نلصق السبتة




مرة بيضة ومرة كحلة حتى تتحصلي على البلاطو نتاعك كيما هادا



من بعد قطعي البقلاوة وحطي فوقها الوردة والحبة نتاع الكاوكاو


وفرغي فوقها السمن


وهاهي كي طيب فرغي فيها العسل وخليها تبات بيه


وهادي بعد التقطيع




مازال ماحطيتهاش في البلاطو
و شهية طيبة

[mimi53]

ولا ولا اروع يعتيك الصحة بما انني اول من رد البلا كامل ليا هههههههههههههه

[elise]

الله يبارك اختي ياطيك الصحة

[mantota]

شابة بارك الله فيك

[*أم ثازيري*]

هدي نديها انا نسيبورتي بها *كحلة و بيضا سطاااااااايفية * ههههههههههه
شكرا اختي

[ghada91]

و الله رووووووووووعة

بصح خبريني برك كيفاش يخرجلي اللون

انا جامي شريت الموكا

خبريني تعيشي

[malak achark]

روووووووووووووعة

[lyna38]

مممممممممممم
يعطيك الصحة باقلوة و عليها كلام
بارك الله فيكي

[mira27]

الله يعطيك الصحة و الله غير فكرة مليحة,نوعو شوية

[ام ياسين187]

رووووووعة حبيبتي مبدعة حقا برافووووو

[batoul2000]

راااااااااااااااااااااااائعة

[**نعم أطيعك ياربي**]

الصراحة انا جامي شفتها الله يبارك وكي ندير دار نجربها باذن الله تعالى

[بشرى2008]

روووووووووووووووووووووووووووعة يعطيك الصحة

[liliane24]

الله يبارك، قمه في الإبداع ، ربي يحفظلك هاذوك اليدين

[yousra26]

merciiiiiiiiiiiiiiiiiiiii