وصفات من حراير مطبخ وش طيبتي اليوم

[بشرى2008]

المشاركة الأصلية كتبت بواسطة *عاشقة الجنة*

بشرى2008

قاطو الكابريس تسمحلي مولاتها
250غ زبدة +كاس سكر عادي+كاس زيت+ 2 اكياس كراميل نتاع فلان نوارة انا استعملت 2 ملاعق كبار كراميل لانو عندي قرعة شوية كبيرة + 1 خميرة + فرينة
الحشو حلوة كابريس
تشكلي كريات وتحشيهم بالكابريس ودخليهم الفرن بعدما يطيبو تغطسيهم فى الشكولاطة

ماهيش وصفتي حاولي تحوسي شكون مولاتها + 2بيض + 2 صفار

[*عاشقة الجنة*]

dadou mascarienne

الكيش درت بات بريزي تاع فلة
كفتة + بصل + ثوم مذبلين في مقلاة + قصبر و توابل
لما طيب لعجينة فرغي فوقها خليط الكفتة
و ضربي البيض + كرام فراش + حليب + فروماج + فلفل + جوزة الطيب و سقي بيه الكيش و رديه للفرن حتى ينشف

[ام ندى 87]

نور ايناس
جينواز بالكاكاو سامبل
كل بيضة نديرلها 30 غ فرينة و30 سكر عادي فاني وملح استعملت 6 بيضات و1 خميرة وفنجان زيت و2 مغارف كاكاو وطيبتها
الحشو في كسرونة ديري 2 كيسان حليب 2 مغارف سكر او اكثر حليها كيما تحبي زيديلها 2 مغارف مايزينة انا درت فرينة ماكانش عندي مايزينة فاني والكل فوق النار حتى تخثار خليها تبرد في الثلاجة وغطيها بساشي كيما تبرد ملييييييييييييييييييييييييييييييييح زيديلها 6 حتان 7 مغارف شانتي بودر وطلعيها تولي عندك كريمة احشي بيها وادهنيها بكل حطيها في الكونجيلاتور وروحي وجدي
القاناش عبارة عن علبة شوكولا وكريم فريش حطيهم نصف دقيقة في ميكرووند ومبعدا حركي مليح حتان تولي ملساء وصبيها عليها
في لجوانب استعملت ماجور شوكولا مرحي

[راجية غفران ربها]

انا اهي طريقتي في المادلاان يجي فن والله

ùطريقة السعيدة بربها سارة

2 بيض
4ملاعق سكر
نص كاس زيت
كاس مش معمر حليب
1 خميرة
ملعقة صغيرة فاني موالفة ندير عطوور
5 مغارف كبار فرينة

[أم يحي صهيب]

مسكوتشة كاكاو فن وخطر



3بيض
100 فرينة
100سكر
100زيت
1خميرة
فاني
2مغارف كبار كاكاو

تطيبيها وخليها تبرد

ودير الشكلاطة من الفوق وزينيها كيما تحبي هايلة وخفيفة وما تدي وقت

[*عاشقة الجنة*]

إلهام07

فطيرة الفوكاتشيا



بسم الله :
- العجينة هذي المقادير ديلك قرصة كيما اللي في الصورة :

2 كيسان فرينة
ملح
2 م ص سكر عادي
2 م ص خميرة
2 م ك زيت زيتون
ماء دافئ للعجن
تبليها بالماء تكون جارية شوية كيما البيتزا ماشي يابسة وتخليها تخمر حوالي 1-2 ساعة انا نخليها من 1 و30د ختى 2ساعتين
في هذا الوقت تروحي تقطعي الباذنجان شرائح متوسطة في الخشن وتملحيه وتخليه يطلق الماء نتاعو وتوجدي صوية صلصة طماطم ماشي بزاف باش مايبقاش العجين مبلل حبة طماطم تكفي لقرصة .
كي يقطر الباذنجان تقليه وتخليه بجهة
كي تخمر العجينة تقرصيها في مول مدهون وتقرصي القرصة نتاعك وتدهنيها بصلصة الطماطم تعرفي هي في الحق نحطو طماطم شرائح بصح ماطيبش هكذا خير .
زيدي حطي شرائح الباذنجان من فوق وشرائح زيتون أخضر وزيتونات سوداء ورشي كي تحبي بشوية نتاع زعيترة وخلاص هو المفروض تزيدي من فوق زيت زيتون بصح بزاف القليان راهو مدسم
انا نزيد شوية قطع فرماج من فوق
خليها تخمر مرة ثانية وسخني الفرن وطيبيها راهي الخمرة الثانية ماطولش حوالي 20-30د وجخليها طيب
والله هشوشة جدا جدا جدا وخفيفة كوجبة وزيد اقتصادية خلاص وتتهناي ماتعجنيش خخخخخخخخخخخ:

[*عاشقة الجنة*]

tokio hotel

sسلام اخواتى الهام نقولك علاه العجينة المورقة كتكون فرطاسة تطلع و كتكون محشية ما تتنفخش مليح السبب هو لازم الحشو يكون ناشف من السوائل ضرورى لانه اداكان فيه شوية سائل او مندى يشمخ العجينة يطريها و يكتمها و ما يخليهاش تتنفخ ولازم تانى اطيبيها فى فرن ساخن جدا فى سنيوة ثقيلة حتى تتنفخ و من بعد تنقصى النار علاه على خاطر المرغرين فيها لحليب انتاعها و ادا طيبناها على نار قليلة الحليب يشمخ العجينة و ما يخليهاش تتنفخ النار القاوية ما تخليلوش الفرصة باش يسيل و ندى العجينة نتمنى نكون افدتكم

[*عاشقة الجنة*]

oum anas 69





حليت عجينة مورقة قطعتها كاري درتلها حواشي ممبعد قطعت تفاح و رصيتو مليح و ذرذرت عليه كمشة سكر و كيس فانيليا ذريت اللوز و إلى الفرن ممممم ساهلة ماهلة ياربي تدي 30 دقيقة تحضير

التفاح يجي مممم هايل مايتشبعش مع قرمشة العجينة
يطيب يولي طري خلاص خطرش كي تدخلي التارت للفرن شعليها من تحت قبل .. كي تشوفي لعجينة من تحت طابت و حمارت شعليلها من الفوق و خلي التفاح يتحمر و يتعسل بهذاك السكر حتى تتحصلي على هذاك اللون خرجيها و أدهنيها بشوية معجون أو جولي للمعان جربيها روعة و راهي من أرقى الحلويات للذتها تتباع غالية هنا قرصة صغيرة ب 18 أورو ياخاااااه فايتا 200 ألف عندكم هبال هههههههههههههههههه

[scorpionoir]

ام عاءشة
وهاذوا لكراب لي درتهم يجو خفاف وبنان


المقادير
150غ فرينة
50غ مايزينة
2 م ك سكر
رشة ملح +1/2 باكي خميرة الحلوى +فاني
15cl ماء+15cl حليب
3م ك زيت
4بيض
قشور الليمون
والتحضير معروف
انا استعملت مقلة قطرها 23 سم تخرج كمية لاباس بيها

[ladymillion]

الهام (( الفلافل ))

شوفي هذي الوصفة اللي حبيت نجرب شوفي كيفها ؟ وإذا ممكن تعطيني نصائح :

2 كاس حمص حب
كاس بقدونس وكزبره خضراء
كاس شبت
بيكربونات الصوديوم
بيكنج باودر
3 روس ثوم
ملعقتين كبيرة فرينة
أكواب زيت للقلي 5
ملعقه كبيره ملح _2/ملعقه صغيره فلفل أسود _1/ملعقه صغيره كزبره مطحونه _نصف ملعقه صغيره كمون 2/

الطريقة :
ننقع الحمص لمدة 12 ساعة
يطحن الحمص المنقوع بالخلاط
يفرم الثوم ثم يضاف الى الحمص في الخلاط و يضاف معه الدقيق
تضاف الكزبره و البقدونس الى الخليط ثم نضيف البيكنغ باودر وبيكربونات الصودا الى الخليط
تضاف البهارات و الملح الى الخليط وتعجن جيدا
تكور العجينة باليد الى دوائر او الى اصابع صغيرة ثم تقلى في زيت ساخن حتى تحمر من الوجهين و الجوانب
تقدم ساخنة مع رغيف الخبز او المخللات
إضغط هنا لرؤية الصورة بحجمها الطبيعي.

[oum ibrahim]

وصفة شكشوكة بالباذنجال
تقطعي بادنجال وطماطم و فلفل حلو و سنينات ثوم ديريهم في طنجرة مع شوية زيت و ملح و غطيهم و نقصي للنار خلاص خليهم يطيبو في عقلهم و اذا شفتي البادنجال نشف زيديلو شوية ماء ما تكثريش و ساعة على ساعة طلي عليه و حركيه حتى تشوفيه طاب مليح و مافيهش لاصوص طفي و عند التقديم سقيه بزيت الزيتون و الخل و شهية طيبة

[*عاشقة الجنة*]

الأمنيات

طاجين الخرشف



نقطع الخرشف ونضفه وندير فيه الماء وليمونه واحده ونخليه في الليل كامل في الماء
في الصباح نغسله ونديره يغلي حتى تروح الكحولية تاعه
ندير بصل ولحم الي عندك انا درت بقري والحمص وطماطم حبة مرحية ونقلي ونضيف التوابل الي تحبيها
ومعتمدتها من بعد نزيد جزرة ولا زوج انا زدت حبة بطاطه على جال بناتييحبوها
وندير الخرشف ونمرق بالماء ونغلق كوكوط تقريب 45دقيقة يوجد زيدي ثوم وكمون وخليه يغلي شوي

[*عاشقة الجنة*]

ام راضية

بروكلو



اولا تقطعي وردات البروكلو وتحطيه في ماء وملح يطيب تخلية يطيب مليح ثم تقطريه من الماء في كسكاس
بعد ما يتقطرحتي ينشف من الماء تمعسيه بفرشيطة ثم تظيفي له الفرماج من4ال6مثلثات
تقطعي فيه معدنوس قليل جدا من الملح لاننا وضعنا الملح في ماء الطبخ فلفل اسود فاح ملعقتين فرينة ليتماسك في القلي وما يتفتتش بيض عينك ميزانك ما تكونش سايحة ولا ناشفة
يقلي علي نار متوسطة
تستطعين ان تقدميه هكدا كمقبلة او كطبق رئيسي مثل الصورة ودلك بعمل مرقة صلصة الطماطم بالدجاج والحمص وتكون خاثرة
كدلك تستطعين عمل مرقة بيضاء بكرات اللحم المرحي والزيتون الاخضر

[MERIEM SETIF-2-]

شهيتوني يهبلوا ااااااااااااااااااااااااااااااااااااااااااااااا 444444444444444444444444444

[*عاشقة الجنة*]

aphrodite16


جبتلكم هدا الحلوى الساهلة ماهلة وراتهالي ماما قاتلي بكري كنا نديروها غير هي
والمليح فيها تندار في 5 دقايق هه




يخفق 2 بيض مع ملعقة كبيرة سكر و م ص فانيلا ملييح
يضاف 250 ملل حليب و2 م ك نشاء مع مواصلة الخفق ثم 160 فرينة تدريجياً بلا ما تحبسي الخلط للحصول على مزيج سلس وسائل نوعاً ما ويترك ليرتاح قليلاً
يسخن الزيت في مقلاة عميقة دون أن يحرق
يوضع الطابع في الزيت الساخن لتسخن هذه الأداة دون المبالغة
يغمس الطابع مباشرة في العجينة دون أن يغمر فيها ما لازمش توصل العجينة لوجه الطابع باش تخرج بلخف فالزيت ا
ثم يدخل في الزيت مباشرة مع تحريكه إلى أن يتخلص من العجينة

و هدا هو الطابع اللي خدمت بييه